AŋRomans 7:18 - Ȧŋlemrȧnɛ Ȧfu

¹⁸ I tȧrȧ kəpa rokor kȧmi, pə yi mɔ-e, ka ȧŋdɛr a mi, tȧy təfinɔ tə yi hɛ ri; kotȧy-e mȧselɔ mə yi mi tə kəyɔ ɔlompi, kɛrɛ aŋfɔsɔ tə kəyɔ yi aŋ yi hɛ.

AŋRomans 7:18 ပူးပေါင်းရင်းမြစ်များ

Mathiu 15:19

Ȧtesoma-e ɛnanɛ ɛlǝs-o, kǝdifǝth-o, kǝrǝp-o, rǝkeiyo, mǝseri ma rǝyem-o yi kǝfɔf Kuru ɔlǝs-e, ɛ wur ka ȧŋmerȧ.

Luk 11:13

Bepi naŋ, ma nə yi aləs-e, nə tȧrȧ tə kəsɔŋ ɛboya ɛfinɔ ka aŋwuth a nu-e, thamsinɛ ɔKas ka nu ɔwe yi ro riana-e, ɔ tə sɔŋ ɔYina məsəm ka ŋaŋ aŋa mə yif kɔ-i?

Yɔn 3:6

Ara a kom ka madɛr mədɛr maŋ, ara a kom ka ɔYina uyina wɔŋ.

AŋRomans 13:14

Kɛrɛ wɔnsənɛ nu ɔMarki Yisɔs Krayst, ɔwa te botərnɛ ti rə ȧmerȧ tə kəlasər mafela ma madɛr.

AŋRomans 7:15

Ȧtesoma-e pə sɔk hɛ mi to pə som mə i yɔ ȧtȧ mə i yɔ, kotȧy-e i yɔ hɛ ȧtȧ i yema, kɛrɛ ȧtȧ i gbɛŋa, tȧ mɛ yɔ.

AŋRomans 7:19

Ȧtesoma-e i yɔ hɛ tafinɔ ȧtȧ i yema; i yɔ gbo taləs ȧtȧ i te yema.

AŋRomans 7:25

I mɔmɔ Kuru, kakisi kə yi ka Yisɔs Krayst ɔMarki kȧsu. Ɔwa ka ȧŋmerȧ a mi i bȧtho ȧŋthɔ ŋa Kuru; kɛrɛ ka ȧŋdɛr a mi i tȧŋ ȧŋthɔ ŋa ahakɛ.

AŋRomans 7:5

kotȧy-e ma sə la yi ka mayi ma su məkur-e, mafela ma su mələs ama ȧŋthɔ aŋ thəmi-e, mȧ mə yɔ malaŋktha ma madɛr ma su mə wur məkomi ta rəfi.

AŋKȧletia 5:17

Ȧtesoma-e madɛr mə tim ɔYina, dɛ yi ɔYina ɔ tim madɛr; pəkasifɛ aŋ manɛ hɛ hali; tiyȧŋ nə gbəli hɛ yɔ ȧtȧ nə yema yɔ.

AŋKȧletia 5:24

Ɔwa afəm aŋa yi ka Krayst aŋ po tȧŋ madɛr yi ɛnanɛ ya ɛfela ɛləs yati ka akənt kəpəŋkinɛ.

AŋFilipai 2:13

kotȧy-e Kuru kɔnɔ mə yɔ məpanth rokor ka nu kȧmȧ nə yema-e, ɔwa nə kȧl lasər mȧselɔ mɔŋ məfinɔ.

AŋFilipai 3:12

Pə yi hɛ kəpa i po thɔŋ berɔkɔ-e, thalɔm i po thɔŋ yi ugbenthis-e, kɛrɛ i bȧsər kɔ kədi kȧmȧ i gbəli wop mabotəs mati ta ama Yisɔs ɔ kȧl wop mi.

Taytɔs 3:3

kotȧy-e alɔkɔ alɔm saŋ sɔ sə sa yi apənk, ȧthȧnthonɛ, atɔns, atar ŋa məfela o məfela mələs-e; sə sa yirȧ gbo ka mȧbaŋ dɛ yi kȧtut. Sə gbɛŋa afəm, ɔwa sə kȧl gbɛŋanɛ.

1 Pitar 4:2

kȧmȧ ɔ te sɔ yirȧ ka marey ma aŋesəm ŋɔŋ bɛ tə kəthənsər mafela ma madɛr, kɛrɛ tə kəyɔ mȧselɔ ma Kuru.