7 Ɔwa ɔwe po fi-e ɔ po yi kəyankaŋ kəwur ka ȧŋhakɛ.
ƆWan ka wuni ɔ der rǝ kǝdi dɛ yi rǝ kǝmun, ɔwa aŋ pa, Kǝli ulaŋgba uwɔnthi rɛ umun ubana-e, uyathki ka aŋthoŋkla ɛfȧk yi aŋfǝm ŋa ɛhakɛ. Kɛrɛ kǝtemp kǝ tǝ sɔthɔ mǝmari ka mȧyɔs mati.
Saki ti; saŋ aŋa po fi ta ahakɛ-e, to mə sə gbəli tiyȧ ri sɔ-e?
Kɛrɛ bepi pə yi thɔŋ sə po fi yi Kraystȧŋ, sə lanɛ kəpa sə tə kȧl yi sɔ yi kɔn.
Tiyȧŋ ka ȧŋthɔ, ɔwuni bom ubala ɔ yi usekərənɛ ka ɔwos kɔŋ fani ma ɔ yi ukəli, kɛrɛ bepi ɔwos kɔŋ ɔ fi-e, a səli kɔ kəwur ka ȧŋthɔ ŋati.
Ɔwa aŋwɔnt a mi, naŋ sɔ nə po fi salata ȧŋthɔ asabu ŋa ȧŋdɛr ŋa Krayst, kȧmȧ nə gbəli balȧ ka ulɔm, pə yi mɔ ka kɔn ɔwe po yokanɛ ka rəfi, kȧmȧ sə wur məkomi ta Kuru Məsaba-əŋ.
Tiyȧŋ mətheri mə gbəli hɛ sɔ yi ta ȧtȧ ŋaŋ aŋa yi rokor ka Yisɔs Kraystȧŋ, aŋa mə te kɔth ka mafela ma madɛr, kɛrɛ ka ɔYina məsəm.
Mɔ mə Krayst ɔ po nakasi ta ȧtȧ su ka madɛr-e, gbasi nu ȧŋmerȧ ŋin ŋati; kotȧy-e ɔwe po nakasi ka madɛr, ɔ ternɛ kəyɔ ahakɛ,
