AŋRomans 6:6 - Ȧŋlemrȧnɛ Ȧfu

⁶ Sə tȧrȧ kəpa ɔwuni kur kȧsu a po tȧŋ kɔ ka akənt kəpəŋkinɛ yi kɔn kȧmȧ mayi ma su ma ahakɛ mə gbəli dinɛ, ɔwa kȧmȧ sə te sɔ yi atar ŋa ahakɛ.

AŋRomans 6:6 ပူးပေါင်းရင်းမြစ်များ

AŋRomans 6:12

Tiyȧŋ te selɔ ahakɛ aŋ gbəka ka madɛr ma nu tə kəyɔ mafela mati.

AŋRomans 6:22

Kɛrɛ ka-ake ma nə po wur ka ratar ra ahakɛ-e, ɔwa nə səkɛ antar ŋa Kuru-e, nə ba ȧŋrȧm ŋa kəsəməsnɛ dɛ yi ka ɔthalnɛ wati sɔ-e, aŋesəm thəbana.

AŋRomans 7:14

kotȧy-e sə tȧrȧ kəpa ȧŋthɔ aŋ yi asəm kɛrɛ minɛ i yi gbo ka mafela ma ȧŋdɛr, i yi utar ka ahakɛ.

AŋRomans 8:13

pəkasifɛ bepi nə yi kətȧŋȧnɛ ka aŋfɔsɔ ŋa mafela ma madɛr-e, nə tə fi. Kɛrɛ bepi nə difəth mȧyɔs ma madɛr rə aŋfɔsɔ ŋa ɔYina-e, nə tə ba aŋesəm.

2 AŋKɔrenth 5:14

Ȧtesoma-e, mabɔthər ma Krayst mə korakora su, pəkasifɛ sə thonkas yaŋ, kəpa bepi wuni kin ɔ fi ta afəm bɛ, pə bȧlȧnɛ mɔ ŋa bɛ aŋ po fi.

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋKȧletia 5:24

Ɔwa afəm aŋa yi ka Krayst aŋ po tȧŋ madɛr yi ɛnanɛ ya ɛfela ɛləs yati ka akənt kəpəŋkinɛ.

AŋKȧletia 6:14

Kɛrɛ ta pə bɔlȧnɛ mi tə kəyikisnɛ thambe ka akənt kəpəŋkinɛ ka ɔMarki kȧsu Yisɔs Krayst ro pə yi a tȧŋ tȧŋ ȧdȧru ka apənki ta ȧtȧ mi, dɛ yi minɛŋ ta ȧdȧru.

AŋƐfisɔs 4:22

Kama nə bus aruma ra rawuni kur yi matanɛ ma nu thəpaŋ ara mə bȧr gbo ləsərnɛ ka ɛmilɛ ɛyaŋfa.

AŋKɔlɔsi 3:5

Tiyȧŋ dif nu mafela ma ȧdȧru, pə yi mɔ-e kȧrəp-o, mȧnɔkɔ-o, ɛnanɛ ɛyifas-o, mȧfela mələs-o, dɛ yi ɛfɔr ɛmara ɛyɛ yi mɔ kȧbatho ɛrɔŋ.

Taytɔs 3:3

kotȧy-e alɔkɔ alɔm saŋ sɔ sə sa yi apənk, ȧthȧnthonɛ, atɔns, atar ŋa məfela o məfela mələs-e; sə sa yirȧ gbo ka mȧbaŋ dɛ yi kȧtut. Sə gbɛŋa afəm, ɔwa sə kȧl gbɛŋanɛ.