AŋRomans 6:23 - Ȧŋlemrȧnɛ Ȧfu

²³ kotȧy-e ȧŋrȧm ŋa ahakɛ aŋ yi rəfi, kɛrɛ ȧŋboya ŋa Kuru aŋ yi aŋesəm thəbana rokor ka Yisɔs Krayst ɔMarki kȧsu.

AŋRomans 6:23 ပူးပေါင်းရင်းမြစ်များ

Mathiu 25:46

Ɔwa aŋe aŋ tǝ kɔ ka athalǝr ŋa thǝbana, kɛrɛ aŋlompi aŋ tǝ kɔ ka aŋesǝm thǝbana.

Yɔn 10:28

ka i sɔŋ ŋa aŋesəm thəbana; ɔwa aŋ ba hɛ kədinɛ thȧnkȧŋ, ɔwa wuni o wuni ɔ gbəli hɛ kathi ŋa ka kȧta kȧmi.

Yɔn 17:2

mɔ mȧ mə sɔŋ kɔ afɔsɔ ka afəm bɛ, kȧmȧ ɔ sɔŋ aŋesəm thəbana ka ŋaŋ aŋa mə sɔŋ kɔ.

Yɔn 3:36

Kɔnɔ ɔwe mə lanɛ ka ɔWan ɔ ba aŋesəm thəbana: kɛrɛ wuni ɔwe mə te lanɛ ka ɔWan-e, ɔ ba hɛ kənəŋk aŋesəm; kɛrɛ rabaŋ ra Kuru rə rensa kɔ.

Yɔn 4:14

kɛrɛ wuni o wuni ɔwe mə mun ȧmȧnt ama i ti sɔŋ kɔ-e, rəmun rə wop hɛ kɔ sɔ thəbana; kɛrɛ ȧmȧnt ama i ti sɔŋ kɔ mə tə səkɛ rəfɔr ra mȧnt rokor kɔŋ, ara mə gbuthɛ ka aŋesəm thəbana.

Yɔn 4:36

Kɔnɔ ɔwe mə rɔk-e ɔ sɔthɔ ȧŋrȧm, ɔwa ɔ thoŋkla məkomi ta aŋesəm thəbana: kȧmȧ kɔnɔ ɔwe mə sak yi kɔnɔ ɔwe mə rɔk aŋ ba məbɔnɛ kətəma win.

Yɔn 5:24

Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

Yɔn 6:27

Te thɔrɔ ta adarədi ara mə dinɛ, kɛrɛ thɔrɔ ta ȧdarədi ara mə tiyȧ haŋ ka aŋesəm thəbana, ara ɔWan ka wuni ɔ tə sɔŋ nu: kotȧy-e kɔnɔ Kuru ɔKas ɔ po mathlɛ.

Yɔn 6:40

kotȧy-e mȧselɔ ma ɔwe som mi mi ame, kəpa wuni o wuni ɔwe mə nənk ɔWan, ɔwa ɔ lanɛ kɔ, ɔ tə sɔthɔ aŋesəm thəbana, ɔwa i ti yokas kɔ ka ȧŋrey aləpsɔ.

Yɔn 6:68

Saymɔn Pita ɔ wosa, ɔ pa, Pa ka kanɛ mə sə kɔ-e? Munɔ mə ba ȧsim ta aŋesəm thəbana.

AŋRomans 1:32

Hali maŋ tȧrȧ ȧŋsiraŋ ŋa Kuru-e, kəpa ŋaŋ aŋa mə yɔ mȧtȧy məwunɔŋ abeki kȧmȧ aŋ fi-e, ŋaŋ, aŋ yɔ hɛ ma gbo gbɛt, kɛrɛ aŋ bȧsər kori kori ŋaŋ aŋa mə yɔ ma sɔ.

AŋRomans 2:7

Ka ŋaŋ aŋa bȧsər tə kəyɔ təfinɔ rə kəmuyu kȧmȧ aŋ thɛns ayiki yi alambe, yi mȧtȧy ama te ba kəpoŋ thȧnkȧŋ, ɔ tə sɔŋ aŋesəm thəbana,

AŋRomans 5:12

Tiyȧŋ ma ahakɛ aŋ wɔŋ ka ȧdȧru asabu ŋa wuni kin dɛ yi rəfi sɔ-e, asabu ŋa ahakɛ-e; yaŋ rəfi rə rensa wuni o wuni kotȧy-e afəm bɛ aŋ po yɔ ahakɛ.

AŋRomans 5:17

Pəkasifɛ bepi-e, salata aŋhakɛ ŋa wuni kin rəfi rə gbəka asabu ŋa ɔkin-e, pə tha gbethi ŋaŋ aŋa sɔthɔ ȧŋboŋa ȧbana ŋa Kuru dɛ yi ȧŋboya ŋa malompi aŋ tə gbəka ka aŋesəm, asabu ŋa ɔkin Yisɔs Kraystȧŋ.

AŋRomans 5:21

kȧmȧ mɔ ahakɛ aŋ gbəka salata rəfi, yaŋ sɔ aboŋa aŋ gbəka salata mȧlompi kəkɔ ka aŋesəm thəbana asabu ŋa Yisɔs Krayst ɔMarki kȧsu.

AŋRomans 6:16

Nə tɛ hɛ kəpa ka ɔwe nə sɔndnɛ mɔ atar asanɛ, nə yi ɛbɔy ya ɔkin kati, pə yi ka ahakɛ kəkɔ ka rəfi-e, thalɔm pə yi ka kəsanɛ Kuru kəkɔ ka məlompi-i?

AŋRomans 6:21

kɛrɛ ko tȧy təfinɔ nə po sɔthɔ kəwur ka mȧyɔs mati-e, pə yi mɔ mȧyɔs ama sɔŋ nu məlap ka-ake ma nə nanɛ ma-e? Ȧtesoma-e ɔthalnɛ wa mȧyɔs mati ɔ yi rəfi.

AŋRomans 8:13

pəkasifɛ bepi nə yi kətȧŋȧnɛ ka aŋfɔsɔ ŋa mafela ma madɛr-e, nə tə fi. Kɛrɛ bepi nə difəth mȧyɔs ma madɛr rə aŋfɔsɔ ŋa ɔYina-e, nə tə ba aŋesəm.

AŋRomans 8:38

kotȧy-e i lanɛ kəpa rəfi-o, aŋesəm-o, amaleka-o, agbəka-o, ɛfɔsɔ-o, mȧtȧy ma ka-ake-o, mȧtȧy ma ninaŋ-o,

AŋRomans 8:39

kəsaŋa-o, ɔbɔlɔŋ-o, thalɔm rəka o rəka ɛbɛmpa ɛ gbəli hɛ gbaski su ka mabɔthər ma Kuru ama yi ka Yisɔs Krayst ɔMarki kȧsu.

AŋRomans 8:6

kotȧy-e mayi ma madɛr ma ahakɛ mə kȧrȧ rəfi; kɛrɛ mayi ma ɔYina məsəm mə yi aŋesəm yi məthɔfəl.

AŋKȧletia 3:10

Ɔwa aŋfəm aŋa pələnɛ ka mȧyɔs ma ȧŋthɔ aŋ yi ratha ka ȧranka; kotȧy-e a po gbal kəpa, Wuni o wuni ɔwe te kɔ rodi kəyɔ mȧtȧy bɛ ama a po gbal ka ȧkȧfȧ ka ȧŋthɔ tə kəyɔ ma-e, ɔ yi uraŋka.

Taytɔs 1:2

Ka kagbak ȧmerȧ ka aŋesəm thəbana, ȧke Kuru-e, ɔwe gbəli hɛ yema, ɔ po lahiri kȧbi ka ɔtəpɛr wa ȧdȧru;

Yeməs 1:15

Ɔwa mȧfela-e, ma mə kora-e, mə tə kom ahakɛ; ɔwa ahakɛ-e, ma mə aŋ bȧk-e, aŋ tə kom rəfi.

1 Yɔn 2:25

Ɔwa aŋlahiri aŋa ɔ lahiri su ŋa yi aŋesəm thəbana.

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.