AŋRomans 6:17 - Ȧŋlemrȧnɛ Ȧfu

¹⁷ Kɛrɛ sə muti Kuru mɔmɔ pəkasifɛ ma nə la yi ɛbɔy ya ahakɛ, nə po wop rə ȧmerȧ kathəksa ȧke a tɔri nu.

AŋRomans 6:17 ပူးပေါင်းရင်းမြစ်များ

Mȧyɔs ma aŋsom 11:18

Maŋ təl mȧtȧy ame-e, aŋ taŋk, kaŋ yikis Kuru, aŋ pa, Ɔwa Kuru ɔ po sɔŋ tȧbona təlɔm sɔ kathupi ka aŋesəm.

Mȧyɔs ma aŋsom 28:15

Ɔwa ma aŋwɔnt ri aŋ təl ta ȧtȧ su-e, aŋ der gbans su haŋ aŋ bek ka ɔdɛr ɔthila wa ro Apiyɔs yi ɛseth ɛyiya ɛsas, aŋa pə yi ma Pɔl ɔ nənk ŋa-e, ɔ muti Kuru mɔmɔ kɔ bȧk kəbuth.

AŋRomans 1:5

Ka ɔwe sə po sɔthɔ aboŋa yi mapanth ma ɔsom tə kəyɔ afəm ŋa tȧbona bɛ aŋ sanɛ rə kəlanɛ salata ȧŋes ŋɔŋ.

AŋRomans 1:8

Ka ɔtɔtɔkɔ bɛ i muti ɔKuru kȧmi mɔmɔ ka kȧta ka Yisɔs Krayst ta ȧtȧ nu bɛ pəkasifɛ a lɔməs ta kȧlanɛ ka nu ka ȧdȧru bɛ.

AŋRomans 15:18

ȧtesoma-e i mintha hɛ fɔf ta tȧy o tȧy thambe ta mȧtȧy ama Krayst ɔ yɔ ka kȧta kȧmi tə kəyɔ tȧbona təlɔm aŋ sanɛ, rə kəfɔf yi kəyɔ,

AŋRomans 16:26

(kɛrɛ ka-ake a tɔri ŋa gbafəth asabu ŋa mȧgbal ma Aŋnȧbi kətaŋ ka aŋyamari ŋa ɔKuru uthəbana, kȧmȧ pə re sɔk tȧbona bɛ tə kəwop kȧlanɛ),

AŋRomans 2:8

kɛrɛ ka ŋaŋ aŋa ba kəgbal-e, aŋa te sanɛ ka tateŋ-e, aŋa mə wop gbo mȧkənȧ-e, asɔmpanɛ yi rəbaŋ,

1 AŋKɔrenth 1:4

I muti ɔKuru kȧmi mɔmɔ lɔkɔ o lɔkɔ ta ȧtȧ nu, asabu ŋa ȧŋboŋa ŋa Kuru aŋa a sɔŋ nu rokor ka Yisɔs Krayst;

1 AŋKɔrenth 14:6

Ɔwa awɔnt, bepi i der do rɔnu rə kəfɔf kənt kətel-e, ko kəmar mɛ sɔŋ nu-e, thambe i fɔfȧnɛ nu rə kətɔri, thalɔm rə kətara tȧy, thalɔm rə kənabi, thalɔm rə kəthəksa-e?

2 AŋKɔrenth 2:14

Kɛrɛ i muti Kuru mɔmɔ, ɔwe mə kera su lɔkɔ o lɔkɔ rə katham ka Kraist-e, dɛ yi ɔwe mə sakthi ȧŋbɔnt abɔthi ŋa kȧtȧrȧ kɔŋ dɛr o dɛr ka kȧta kȧsu.

AŋƐfisɔs 1:16

i tey hɛ tə kəsɔŋ mɔmɔ ta ȧtȧ nu, ma i bontəs nu ka taramnɛ ta mi,

1 AŋThɛsȧlonika 3:9

Pəkasifɛ, ko mɔmɔ sə gbəli sɔŋ Kuru sɔ ta ȧtȧ nu salata mabɔnɛ bɛ ama yɔ su sə yanthənɛ ta ȧtȧ nu rodi ka ɔKuru ka su-e?

2 AŋThɛsȧlonika 1:3

Sə yi tə kəmɔmɔ Kuru lɔkɔ o lɔkɔ ta ȧtȧ nu awɔnt, pəkasifɛ kȧlanɛ ka nu kə bȧrnɛ gbo ɔthasər, ɔwa mabɔthər ama nə ba ɔkin ta ulɔm bɛ mə yi məbana;

2 Timɔthi 1:13

Wop ɔbaksər ȧŋmɔl ŋa sim təteŋ ȧtȧ mə poŋ təl kəwur ro rɔmi ka kəlanɛ yi mabɔthər ama yi ka Krayst Yisɔs.

Faylimɔn 1:4

I bont ȧŋes a mu lɔkɔ o lɔkɔ ka taramnɛ ta mi, rə kəsɔŋ Kuru mɔmɔ.

AŋHibru 11:8

Rə kəlanɛ Ebraham ma a tela kɔ tə kəwur ka aŋfəm ŋɔŋ kȧmȧ ɔ kɔnɛ ka ȧŋthɔf aŋa ɔ yi tə kəsɔthɔ mɔ kɛŋ-e, ɔ kɔnɛ, hali ma ɔ te tȧrȧ ro mɔ kɔ-e.

AŋHibru 5:9

ɔwa ma a po gbenthis kɔ-e, ɔ səkɛ ɔTəpi ka ŋaŋ bɛ aŋa mə sanɛ do rɔŋɔŋ.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.

1 Pitar 3:1

Ya pə yi sɔ naŋ arani sanɛ nu ka aŋwos a nu gbeŋ, kȧmȧ pə yi-e, bepi alɔm aŋ wop hɛ ȧrim ra Kuru-e, aŋ tə lafthɛ, kəte ba ȧrim salata mafinɔ ma aŋrani ŋaŋ;

1 Pitar 4:17

kotȧy-e ȧŋlɔkɔ aŋ bek kȧmȧ kəgbək ɛpa kə tə təp ka ȧŋseth ŋa Kuru. Ɔwa bepi kə təp ro rɔsu-e, to mələpsɔ mati mə yi ta ȧtȧ ŋaŋ aŋa pɛnsa ȧkɛra kəfinɔ ka Kuru-e?

2 Yɔn 1:4

I ba məbɔnɛ məbana ma i fir kəpa awuth a mu alɔm aŋ kɔth ka tȧteŋ, mɔ mə sə po sɔthɔ ayamari kəwur ka ɔKas.

3 Yɔn 1:3

kotȧy-e i ba məbɔnɛ məbana ma aŋwɔnt aŋ der aŋ seri ta tȧteŋ ta mu, mɔ mȧ mə kɔth ka tȧteŋ.