AŋRomans 6:14 - Ȧŋlemrȧnɛ Ȧfu

¹⁴ kotȧy-e ahakɛ aŋ gbəli hɛ sɔ gbəka nu kȧbi nə yi hɛ sɔ ka anthɔ-e, nə yi roratha ka ȧŋboŋa ŋa Kuru.

AŋRomans 6:14 ပူးပေါင်းရင်းမြစ်များ

Mathiu 1:21

Ɔ tǝ kom wath uruni. Ɔwa mǝ yi tǝ kǝbont kɔ ŋes Yisɔs, kotȧy-e kɔnɔ mǝ kisis aŋfǝm ŋɔŋ ka ɛhakɛ yaŋ.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 1:17

Ȧtesoma-e Mosisȧŋ kɔnɔ sɔŋ ȧŋthɔ; kɛrɛ ȧŋboŋa yi tȧteŋ ɛ der ka kȧta ka Yisɔs Krayst.

Yɔn 8:36

Tiyȧŋ bepi ɔWan ɔ səki nu awuth akom-e, nə tə yi awuth akom tɛntɛnɛ.

AŋRomans 11:6

Kɛrɛ bepi pə yi salata aboŋa-e, pə gbəli hɛ sɔ yi salata məyɔs; bepi pə yi yaŋ-e, aboŋa aŋ yi hɛ sɔ aboŋa tə tɛntɛnɛ.

AŋRomans 4:16

Tiyȧŋ aŋlahiri aŋ təmȧ ka kȧlanɛ kaŋka aŋ gbəli yi salata aboŋa; kȧmȧ aŋlahiri aŋ bȧkər ka aŋwuth bɛ, pə yi hɛ gbo ka ŋaŋ aŋa təmȧ ka ȧŋthɔ, kɛrɛ ka ŋaŋ sɔ aŋa yi ka kȧlanɛ ka Ebraham, kotȧy-e kɔnɔ yi ɔkas kȧsu bɛ,

AŋRomans 5:17

Pəkasifɛ bepi-e, salata aŋhakɛ ŋa wuni kin rəfi rə gbəka asabu ŋa ɔkin-e, pə tha gbethi ŋaŋ aŋa sɔthɔ ȧŋboŋa ȧbana ŋa Kuru dɛ yi ȧŋboya ŋa malompi aŋ tə gbəka ka aŋesəm, asabu ŋa ɔkin Yisɔs Kraystȧŋ.

AŋRomans 5:18

Di kati, ma aŋhakɛ ŋa ukin aŋ kȧrȧ mətheri ka afəm bɛ; yaŋ sɔ mȧlompi ma ukin mə kȧrȧ məmari dɛ yi aŋesəm ka afəm bɛ.

AŋRomans 6:12

Tiyȧŋ te selɔ ahakɛ aŋ gbəka ka madɛr ma nu tə kəyɔ mafela mati.

AŋRomans 6:15

To pə yi thɔŋ-a? Sə yi nu tə kəyɔ ahakɛ pəkasifɛ sə yi hɛ roratha ka ȧŋthɔ kɛrɛ roratha ka aboŋa-i? Kuru saki ti.

AŋRomans 8:12

Tiyȧŋ aŋwɔnt a mi, saŋ sə ba hɛ sɔ rəbei salata mafela ma madɛr ma su, tə kətaŋ ma,

AŋRomans 8:2

Ȧtesoma-e ȧŋthɔ ŋa ɔYina məsəm ka aŋesəm rokor ka Yisɔs Krayst aŋ po səli mi kəwur ka ȧŋthɔ ŋa ahakɛ yi rȧfi.

AŋKȧletia 3:23

Kɛrɛ yeŋka kəlanɛ kə bek-e, a wop su gbaŋ roratha ka ȧŋthɔ, a bɛnɛ su salata kȧlanɛ ȧke ba tə kəder kədarəŋ kati.

AŋKȧletia 4:21

Kanɛ mi naŋ aŋa fela tə kəyi ratha ka ȧŋthɔ sɔ-e, nə təl hɛ anthɔ-i?

AŋKȧletia 5:18

Kɛrɛ bepi ɔYina ɔ kɔtha nu-e, nə yi hɛ sɔ ka ȧŋthɔ ratha.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 8:10

Kɛrɛ aŋlemranɛ ŋi aŋe aŋa mɛ re sek yi rȧkomra ra Isrɛl, Kədarəŋ ka marey mati, ɔMarki ɔ pa. I ti bot ɛthɔ ɛ mi ka ɛnanɛ yaŋ, I ti gbal yi ka ɛmerȧ yaŋ. Ɔwa i ti yi ɔKuru ka ŋaŋ, ɔwa ŋaŋ aŋ tə yi aŋfəm a mi.