AŋRomans 6:13 - Ȧŋlemrȧnɛ Ȧfu

¹³ Te sɔnd malaŋktha ma madɛr ma nu ka ahakɛ mɔ ɛyɛt ɛtima ya mȧkənȧ, kɛrɛ sɔndnɛ ka Kuru mɔ afəm akəli aŋa po wur ka rəfi kəkɔ ka aŋesəm, yi malaŋktha ma madɛr ma nu mɔ ɛyɛt ɛtima ya məlompi salata Kuru.

AŋRomans 6:13 ပူးပေါင်းရင်းမြစ်များ

Luk 15:24

Ȧtesoma-e ɔwan kȧmi uruni ɔwe ɔ sa po fi, kɛrɛ ɔ kȧl yi ukəli sɔ; ɔ sa dinɛ kɛrɛ a fir kɔ. Kaŋ təp kəyasanɛ.

Luk 15:32

Pə yi ɔlompi tə kəyɔ met yi kəsel məbɔnɛ, ȧtesoma-e ɔwɔnt mu ɔwe ɔ sa po fi, kɛrɛ ɔ kȧl yi ukəli, ɔ sa dinɛ, kɛrɛ a fir kɔ.

Yɔn 5:24

Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

AŋRomans 1:29

Ŋaŋ-e aŋ po la yi mələs tətəp tətəp, mȧkənȧ-o, kȧtut-o, ȧmerȧ aləs-o, amilɛ-o, kȧdif kəsias-o, kȧgbal dɛ yi kȧtɔns tȧy.

AŋRomans 12:1

Tiyȧŋ i nɛmthɛnɛ nu, aŋwɔnt mi, ka ȧŋney ŋa Kuru kȧmȧ nə sɔnd madɛr ma nu mɔ sathka təkəli, təsəm dɛ yi təbeki ta Kurɔŋ; tə yi kabȧtho ka nu kəlompi.

AŋRomans 6:11

Yaŋ sɔ naŋ nə yi tə kəlɔmnɛ kəpa ye nə yi nia afi ta ahakɛ, kɛrɛ nə yi akəli ta Kuru salata Yisɔs Krayst ɔMarki kȧsu.

AŋRomans 6:16

Nə tɛ hɛ kəpa ka ɔwe nə sɔndnɛ mɔ atar asanɛ, nə yi ɛbɔy ya ɔkin kati, pə yi ka ahakɛ kəkɔ ka rəfi-e, thalɔm pə yi ka kəsanɛ Kuru kəkɔ ka məlompi-i?

AŋRomans 6:19

I fɔf mɔ wuni kəpet salata mȧrȧnt ma madɛr ma nu; kotȧy-e mɔ mə nə la sɔnd malaŋktha ma nu tə kəyɔ mələs dɛ yi mȧkənə tətəp tətəp bɛ, ɔwa ka-ake nə yi tə kəsɔnd malaŋktha ma nu tə kəyɔ məlompi kəkɔ ka kȧsəməsnɛ.

AŋRomans 7:23

Kɛrɛ i nənk athɔ alɔm ka malaŋktha ma ȧŋdɛr a mi aŋa mə timanɛ ȧŋthɔ ŋa ȧŋmerȧ a mi tə kəgbasi mi mɔ ukɛndɛbira ratha ka ȧŋthɔ ŋa ahakɛ aŋa yi ka malaŋktha ma ȧŋdɛr a mi.

AŋRomans 7:5

kotȧy-e ma sə la yi ka mayi ma su məkur-e, mafela ma su mələs ama ȧŋthɔ aŋ thəmi-e, mȧ mə yɔ malaŋktha ma madɛr ma su mə wur məkomi ta rəfi.

1 AŋKɔrenth 6:15

Naŋ nə tɛ hɛ kəpa madɛr ma nu mə yi malaŋktha ma Kraist-i? Ɔwa i gbəli gbasi malaŋktha ma Kraystȧŋ, i səki ma malaŋktha ma ugboyonko-i? Saki ti Kuru.

1 AŋKɔrenth 6:20

kotȧy-e a po wai nu mɔlɔ məbaki. Tiyȧŋ yikis Kuru ka madɛr ma nu.

1 AŋKɔrenth 6:9

Nə tɛ hɛ kəpa ante lomp aŋ gbəli hɛ sɔthɔ rȧbȧy ra Kuru-i? Te selɔ a tɔns nu; pə yi afəm anɔkɔ-o, pə yi ŋaŋ aŋa ramnɛ ka ɛrɔŋ-o, pə yi afəm aŋa yɔ kərəp tətəp tətəp-o,

2 AŋKɔrenth 10:4

ȧtesoma-e ɛyɛt ɛtima ya katim kȧsu ɛ yi hɛ ɛya mȧdɛr, kɛrɛ ɛ ba afɔsɔ aninis kətȧŋȧnɛ ka Kuru tə kəyɛksi ɛbənkȧ.

2 AŋKɔrenth 5:14

Ȧtesoma-e, mabɔthər ma Krayst mə korakora su, pəkasifɛ sə thonkas yaŋ, kəpa bepi wuni kin ɔ fi ta afəm bɛ, pə bȧlȧnɛ mɔ ŋa bɛ aŋ po fi.

2 AŋKɔrenth 5:15

Ɔwa ɔ po thɔŋ fi salata ŋa bɛ kȧmȧ aŋkəli aŋ te sɔ yi ta ɛyɛthɛ yaŋ, kɛrɛ ta kɔn ɔwe po fi ta ȧtȧ ŋaŋ, ɔwe yokanɛ sɔ.

2 AŋKɔrenth 8:5

Ya aŋ yɔ, pə yi hɛ mɔ mə sə po nanɛ gbo-e, kɛrɛ aŋ mɔtha sɔndnɛ ka ɔMarki, dɛ yi do rɔsu kətaŋ ka mȧselɔ ma Kuru,

AŋƐfisɔs 2:5

hali ma sə yi saŋ afi ka ɛhakɛ-e, ɔ kȧl sɔŋ su aŋesəm dɛ yi Kraystȧŋ, (a kisis nu ka aboŋa);

AŋƐfisɔs 5:14

Tiyȧŋ ɔ pa, Thəmɛ munɔ ɔwe dirȧ-e, yokanɛ ka rafi, ɔwa Kraystȧŋ ɔ tə sɔŋ mu ȧŋmothȧ.

AŋFilipai 1:20

kətȧŋȧnɛ ka ȧŋmerȧ ȧpələnɛ dɛ yi kagbak ȧmerȧ kȧmi; kȧmȧ i te lap rə tȧy o tȧy, kɛrɛ rə kəmintha bɛ, Krayst ɔ tə sɔthɔ ayiki ka ȧŋdɛr a mi ka-ake, dɛ yi alɔkɔ bɛ, pə yi ka ŋesəm-o, thalɔm ka rəfi.

AŋKɔlɔsi 2:13

Ɔwa naŋ, ma nə yi ras afi asabu ŋa ɛhakɛ ɛ nu dɛ yi kate birons ka madɛr ma nu-e, a po kəlis nu, (i kȧl pa ti), yi Kraystȧŋ, kɔ tera su makənȧ ma su bɛ.

AŋKɔlɔsi 3:5

Tiyȧŋ dif nu mafela ma ȧdȧru, pə yi mɔ-e kȧrəp-o, mȧnɔkɔ-o, ɛnanɛ ɛyifas-o, mȧfela mələs-o, dɛ yi ɛfɔr ɛmara ɛyɛ yi mɔ kȧbatho ɛrɔŋ.

2 AŋThɛsȧlonika 2:12

Kama a gbəli thonkas ŋa bɛ aŋa pɛnsa tȧteŋ dɛ yi aŋa ba məbɔnɛ ka məkənə.

2 Timɔthi 2:15

Thəkəs tə kəthesis Kuru mɔ ȧbɔy ɔwe te ba kəlap, ɔwe mə gbay ȧsim ta təteŋ ɔlompi.

Yeməs 4:1

Reke tȧtim yi mȧputhanɛ kətɔŋ ka nu ɛ wur-e? Ɛ wur hɛ ka ɛfela ɛ nu ɛyɛ mə tim rokor ka madɛr ma nu-i?

1 Pitar 2:24

Kɔnɔ kati gbeŋ ɔ sara ɛhakɛ ɛ su ka ȧŋdɛr ŋɔŋ ka ȧŋpənki kȧmȧ saŋ ma sə yi sa afi ka ɛhakɛ-e, sə gbəli yi sa akəli ka mȧlompi, ɔwa a yenkəs nu ka tȧsam tɔŋ.

1 Pitar 4:2

kȧmȧ ɔ te sɔ yirȧ ka marey ma aŋesəm ŋɔŋ bɛ tə kəthənsər mafela ma madɛr, kɛrɛ tə kəyɔ mȧselɔ ma Kuru.

1 Yɔn 1:9

Bepi sə gbithanɛ ɛhakɛ ɛ su, ɔ yi ubɔthi lanɛ dɛ ɔ yi ulompi tə kətera ɛhakɛ ɛ su, yi tə kəfethər su kəwur ka məkənə bɛ.