AŋRomans 5:8 - Ȧŋlemrȧnɛ Ȧfu

⁸ Kɛrɛ Kuru ɔ tɔri mabɔthər mɔŋ ro rɔsu, pəkasifɛ ma sə yi ras afəm ŋa ahakɛ-e, Krayst ɔ fi ta ȧtȧ su.

AŋRomans 5:8 ပူးပေါင်းရင်းမြစ်များ

Yɔn 15:13

Wuni o wuni ɔ ba hɛ məbɔthər ama yi məbana məthasi ame, kəpa ɔ tə sɔnd aŋesəm ŋɔŋ ta aŋyathki ŋɔŋ.

Yɔn 3:16

Ȧtesoma-e ya Kurɔŋ ɔ bɔthər ȧdȧru, haŋ ɔ sɔnd ɔWan kɔŋ ɔ kom gbo son, kȧmȧ wuni o wuni ɔwe lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

AŋRomans 3:5

Kɛrɛ bepi makənə ma su mə yɔ mȧlompi ma Kuru tə kəbar tɔri gbəraŋ-e, to mə sə gbəli pa-e? Sə gbəli pa Kuru ɔ yi hɛ ulompi ma ɔ thalər wuni-i? (I fɔf mɔ wuni kəpet).

AŋRomans 4:25

Ɔwe a sɔnd salata ɛhakɛ ɛ su, ɔwa a yokas kɔ kətɔŋ ka aŋfi kȧmȧ sə gbəli sɔthɔ məmari.

AŋRomans 5:20

A wɔŋ ȧŋthɔ kȧmȧ ahakɛ aŋ bȧrnɛ. Kɛrɛ ro ahakɛ aŋ bȧrnɛ, aboŋa aŋ bȧr gbo bȧrnɛ;

AŋRomans 5:6

kotȧy-e ma sə te tha ba afɔsɔ-e, ka ȧŋlɔkɔ abeki Krayst ɔ fi ta salata aŋa te bɔthər Kuru.

AŋRomans 5:7

Ȧtesoma-e pə tə yi naŋ ɔbaki mədɛr ta wuni tə kəfi salata wuni lompi; kɛrɛ sɔthlɔm wuni lɔm ɔ tə mintha hali tə kəfi ta wuni finɔ.

AŋRomans 8:32

Bepi Kuru ɔ pɛnsa hɛ tə kəsɔnd ɔWan kɔŋ ta ȧtȧ su-e, ɔ gbəli hɛ sɔ selɔ tə kəsɔŋ su mȧtȧy bɛ yi kɔn-i?

AŋRomans 8:39

kəsaŋa-o, ɔbɔlɔŋ-o, thalɔm rəka o rəka ɛbɛmpa ɛ gbəli hɛ gbaski su ka mabɔthər ma Kuru ama yi ka Yisɔs Krayst ɔMarki kȧsu.

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋƐfisɔs 2:7

kama-e, ka ɛlɔkɔ ɛyɛ ba kəder-e, ɔ gbəli tɔri rayola ra ȧŋboŋa ŋɔŋ abana kətȧŋȧnɛ ka mathɔth mɔŋ ta ȧtȧ su rokor ka Yisɔs Kraystȧŋ.

AŋƐfisɔs 5:2

Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

1 Timɔthi 1:16

Kɛrɛ a nəŋka mi ȧney, minɛ ɔwe tha yi uləs bɛ, kȧmȧ Yisɔs Krayst ɔ gbəli tɔri kamuyu kɔŋ kəwoni, mɔ amɔl ta ȧtȧ ŋaŋ aŋa ba kəlanɛ kɔ kədarəŋ kati, salata aŋesəm thəbana.

AŋHibru 8:3

kotȧy-e a thith ufode o fode ubana tə kəsɔŋ ɛboya dɛ yi sathka; tiyȧŋ ɔfode ubana ɔwe, thambe kɔnɔ sɔ ɔ ba ara ɔ gbəli sɔŋ.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Yɔn 3:16

Ka ȧte sə tȧrȧ mabɔthər, kəpa kɔnɔ ɔ sɔnd aŋesəm ŋɔŋ ta ȧtȧ su: ɔwa saŋ sə yi tə kəsɔndnɛ ta aŋwɔnt.