AŋRomans 5:17 - Ȧŋlemrȧnɛ Ȧfu

¹⁷ Pəkasifɛ bepi-e, salata aŋhakɛ ŋa wuni kin rəfi rə gbəka asabu ŋa ɔkin-e, pə tha gbethi ŋaŋ aŋa sɔthɔ ȧŋboŋa ȧbana ŋa Kuru dɛ yi ȧŋboya ŋa malompi aŋ tə gbəka ka aŋesəm, asabu ŋa ɔkin Yisɔs Kraystȧŋ.

AŋRomans 5:17 ပူးပေါင်းရင်းမြစ်များ

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Yɔn 10:10

Ukey ɔ der gbo kȧmȧ ɔ keya, ɔ fai, ɔwa ɔ dim talɔmɛ: minɛ i der kȧmȧ aŋ ba aŋesəm, ɔwa kȧmȧ aŋ ba ŋi ɔlay.

AŋRomans 5:12

Tiyȧŋ ma ahakɛ aŋ wɔŋ ka ȧdȧru asabu ŋa wuni kin dɛ yi rəfi sɔ-e, asabu ŋa ahakɛ-e; yaŋ rəfi rə rensa wuni o wuni kotȧy-e afəm bɛ aŋ po yɔ ahakɛ.

AŋRomans 5:15

Kɛrɛ ɔgbaskɛ ɔ yi kətɔŋ ka aŋhakɛ ŋa Adȧm yi ȧŋboya ŋa Kuru, kotȧy-e bepi, asabu ŋa aŋhakɛ ŋa wuni kin-e, afəm bɛ aŋ ba tə kəfi-e, pə tha gbethi ȧŋboŋa ŋa Kuru yi ȧŋboya ŋa ȧŋboŋa aŋa mə der salata ɔwuni kin, Yisɔs Kraystȧŋ, aŋ tə thɛrmɛ ka afəm bɛ.

AŋRomans 5:20

A wɔŋ ȧŋthɔ kȧmȧ ahakɛ aŋ bȧrnɛ. Kɛrɛ ro ahakɛ aŋ bȧrnɛ, aboŋa aŋ bȧr gbo bȧrnɛ;

AŋRomans 6:14

kotȧy-e ahakɛ aŋ gbəli hɛ sɔ gbəka nu kȧbi nə yi hɛ sɔ ka anthɔ-e, nə yi roratha ka ȧŋboŋa ŋa Kuru.

AŋRomans 6:23

kotȧy-e ȧŋrȧm ŋa ahakɛ aŋ yi rəfi, kɛrɛ ȧŋboya ŋa Kuru aŋ yi aŋesəm thəbana rokor ka Yisɔs Krayst ɔMarki kȧsu.

AŋRomans 8:39

kəsaŋa-o, ɔbɔlɔŋ-o, thalɔm rəka o rəka ɛbɛmpa ɛ gbəli hɛ gbaski su ka mabɔthər ma Kuru ama yi ka Yisɔs Krayst ɔMarki kȧsu.

1 AŋKɔrenth 15:49

Mɔ mə saŋ sə po ba mȧbȧlȧnɛ ma ɔwuni ka kȧbof-e, mɔlɔ min sɔ sə tə ba mȧbȧlȧnɛ ma ɔwuni ka riyana.

1 AŋKɔrenth 4:8

Hali ka-ake nə namra thɔŋ, nə poŋ thɔ sɔthɔ bɛ, nə poŋ thɔ gbəka mɔ abȧy kəte kar su. Ɔwa ta pə yi ti naŋ nə gbəka kȧmȧ saŋ sɔ sə gbəli gbəka yi naŋ.

AŋFilipai 3:9

yi kȧmȧ i gbəli yi do rɔŋɔŋ, pə yi hɛ ka mȧlompi ama mi, ama təmȧ ka ȧŋthɔ, kɛrɛ mȧlompi ama yi ka kȧlanɛ ka Krayst, pə yi kəpa ye, mȧlompi ama wur ka Kuru kətȧŋȧnɛ ka kəlanɛ.

1 Timɔthi 1:14

Ɔwa ȧŋboŋa ŋa ɔMarki kȧsu aŋ yi abana athasər ta ȧtȧ mi, kaŋ sɔŋ mi kȧlanɛ yi mabɔthər ka Krayst Yisɔsȧŋ.

2 Timɔthi 2:12

Bepi sə sɔmpanɛ-e sə tə gbəka sɔ yi kɔn; bepi sə pɛnsa kɔ, kɔnɔ sɔ ɔ tə pɛnsa su.

Yeməs 2:5

Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.

Kȧŋȧibinɛ 1:6

ɔwe po səki su rəbȧy, pə yi mɔ-e, afode ŋa mapanth ma Kuru ɔKas kɔŋ. Ta ayiki dɛ yi afɔsɔ ɛ yi do rɔŋɔŋ thȧnkȧŋ thəbana. Amina.

Kȧŋȧibinɛ 20:4

Ka i nənk təwaŋ ta rȧbȧy, ɔwa a sɔŋ ŋaŋ aŋa yirȧ ri afɔsɔ tə kəthoŋkas; ka i nənk ɛŋesəm ya ŋaŋ aŋa a la gbetha təbomp salata maseri ma Yisɔs yi ta ȧrim ra Kuru, pəkasifɛ aŋ la kasi tə kəbatho ɔsɛm utuy tȧy thalɔm mȧbȧlȧnɛ mɔŋ, kaŋ la pɛnsa sɔ aŋlomar ŋɔŋ ka mabuŋ maŋ, ɔwa aŋ kȧl yi akəli sɔ, kaŋ gbəka dɛ yi Kraystȧŋ təren awul ŋin.

Kȧŋȧibinɛ 20:6

Afəm aruba dɛ yi asəm ŋaŋ aŋa bəpər ka kȧyokanɛ ka aŋfi kətɔtɔkɔ; rafi ara bekȧ mȧrəŋ rə ba hɛ afɔsɔ rokɔm ka ŋaŋ, kɛrɛ aŋ tə yi afode ŋa Kuru dɛ yi Kraystȧŋ, ɔwa aŋ tə gbəka rɛ kɔn təren awul ŋin.

Kȧŋȧibinɛ 22:5

Ɔwa rȧtȧtȧk rə ba hɛ kəyi ri sɔ; aŋ fela hɛ amotha thalɔm aret tə kəgbɛntha-e, kotȧy-e ɔMarki Kuru ɔ tə gbɛnthar ŋa; ɔwa aŋ tə gbəka haŋ thȧnkȧŋ thəbana.

Kȧŋȧibinɛ 3:21

Ɔwe mə tham i ti sɔŋ kɔ mamari tə kəyira yi minɛŋ ka kawaŋ ka rȧbȧy ra mi, mɔ mə minɛ sɔ i po tham, ka i yirȧ yi ɔKas kȧmi ka kawaŋ ka rȧbȧy rɔŋ.