AŋRomans 5:10 - Ȧŋlemrȧnɛ Ȧfu

¹⁰ kotȧy-e bepi ma sə yi ras saŋ atheranɛ-e, a yɔ su sə kȧl manɛ yi Kurɔŋ kətȧŋȧnɛ ka rafi ra ɔWan kɔŋ-e, pə tha gbethi ma sə po thɔŋ kȧl manɛ-e, a tə kisis su salata aŋesəm ŋɔŋ.

AŋRomans 5:10 ပူးပေါင်းရင်းမြစ်များ

Yɔn 14:19

Pə tiyȧ ras alɔkɔ agbut, ɔwa ȧdȧru rə nənk hɛ mi sɔ: kɛrɛ nia nə tə nənk mi: pəkasifɛ i kəli, nia nə tə kəli sɔ.

Yɔn 5:26

kotȧy-e mɔ mə ɔKas ɔ ba aŋesəm ka kɔn kɔnɔnɛ, yaŋ sɔ ɔ po sɔŋ ɔWan kȧmȧ kɔnɔ sɔ ɔ ba aŋesəm ka kɔn kɔnɔnɛ;

Yɔn 6:40

kotȧy-e mȧselɔ ma ɔwe som mi mi ame, kəpa wuni o wuni ɔwe mə nənk ɔWan, ɔwa ɔ lanɛ kɔ, ɔ tə sɔthɔ aŋesəm thəbana, ɔwa i ti yokas kɔ ka ȧŋrey aləpsɔ.

Yɔn 6:57

Mɔ mə ɔKas ukəli ɔ som mi, ɔwa i ŋesəm salata ɔKas, ya pə yi sɔ kɔn ɔwe mə di mi, kɔnɔ sɔ ɔ tə ŋesəm salata mi.

AŋRomans 11:28

Ta salata mapa məfinɔ ma Kuru aŋ yi thɔŋ atheranɛ ŋa Kuru salata nu; kɛrɛ asabu ŋa kathithəs ka Kuru aŋ yi abɔthər salata aŋkas a ŋaŋ.

AŋRomans 5:11

Ɔwa pə thalnɛ hɛ ri gbo-e, kɛrɛ sə sel məbɔnɛ sɔ ka Kuru asabu ŋa ɔMarki kȧsu Yisɔs Kraystȧŋ, ma sə po sɔthɔ kakal manɛ kȧsu kətȧŋȧnɛ do rɔŋɔŋ.

AŋRomans 5:6

kotȧy-e ma sə te tha ba afɔsɔ-e, ka ȧŋlɔkɔ abeki Krayst ɔ fi ta salata aŋa te bɔthər Kuru.

AŋRomans 8:32

Bepi Kuru ɔ pɛnsa hɛ tə kəsɔnd ɔWan kɔŋ ta ȧtȧ su-e, ɔ gbəli hɛ sɔ selɔ tə kəsɔŋ su mȧtȧy bɛ yi kɔn-i?

AŋRomans 8:34

Kanɛ yi tə kəsɔŋ ŋa mətheri-e? Pə yi Krayst Yisɔs ɔwe fi, aŋko, ɔwe kȧl yokanɛ ka rəfi, ɔwe yi thɔŋ ka kȧdiyɔ ka Kuru, ro mɔ nɛmthɛnɛ ta ȧtȧ su.

AŋRomans 8:7

Pəkasifɛ mayi ma madɛr mə yi məgbɛŋa kəŋamnɛ Kurɔŋ, ȧtesoma-e mə sanɛ hɛ ka ȧŋthɔ ŋa Kuru, ɔwa mə gbəli hɛ yɔ yi hali.

2 AŋKɔrenth 5:20

Tiyȧŋ sə yi aŋsom ŋa Kraystȧŋ, pə yi mɔ Kuru ɔ nɛmthɛnɛ nu kətaŋ do rɔsu. Saŋ sə nɛmthɛnɛ nu salata Kraystȧŋ tə kəkal manɛ yi Kuru.

2 AŋKɔrenth 5:21

kotȧy-e ta ȧtȧ su a səki kɔ ahakɛ, pə yi mɔ kɔn ɔwe te la tȧrȧ ahakɛ bɛ; kȧmȧ saŋ sə gbəli səkɛ mȧlompi ma Kuru rokor kɔŋ.

AŋƐfisɔs 2:16

Kama ɔ yɔ aŋYuda dɛ yi tȧbona təlɔm saŋ ŋarəŋ sə kȧl manɛ dɛ yi Kurɔŋ mɔ adɛr ŋin asabu ŋa akənt kəpəŋkinɛ-e, ro pə yi magbɛŋanɛ mati mə poŋ.

AŋƐfisɔs 2:3

Saŋ sɔ sə la yirȧ kətɔŋ ka ŋaŋ ka maləs ma madɛr ma su, rə kətaŋ gbo mafela ma madɛr dɛ yi ɛnanɛ yati; pəkasifɛ kətȧŋȧnɛ ka kakom kȧsu sə yi saŋ aŋwuth ŋa rəbaŋ, mɔ afəm alɔm bɛ.

AŋHibru 2:17

Tiyȧŋ pə yi ɔlompi kȧmȧ a yɔ kɔ mɔ aŋwɔnt ŋɔŋ rə koko bɛ, kȧmȧ ɔ gbəli yi ufode ɔwe ba ȧney, ubɔthi lanɛ ka mȧtȧy ma Kuru, kȧmȧ ɔ gbəli nɛmthɛnɛ ta ɛhakɛ ya aŋfəm.

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

1 Yɔn 2:1

Awuth a mi alɔl, i gbalər nu mȧtȧy ame kȧmȧ nə te yɔ ahakɛ. Kɛrɛ bepi wuni o wuni ɔ yɔ ahakɛ, sə ba ukasa yi ɔKas, ɔ yi Yisɔs Krayst ɔlompi:

1 Yɔn 4:10

Mabɔthər mi ame, pə yi hɛ kəpa saŋ sə po bɔthər Kuru, kɛrɛ kɔnɔ ɔ po bɔthər su, kɔ somra ɔWan kɔŋ tə kəyi asathka ta kənɛmthɛnɛ ta ɛhakɛ ɛ su.

Kȧŋȧibinɛ 1:18

Minɛ yi ɔKəli thȧbana; i po fi, kɛrɛ kəla i kȧl po ba aŋesəm haŋ thəbana, Amina. Minɛ i ba masapɔ ma ro kərəfi dɛ yi rȧfi.