AŋRomans 4:21 - Ȧŋlemrȧnɛ Ȧfu

²¹ Ɔ lanɛ tɛntɛnɛ kəpa ȧtȧ Kuru ɔ po lahiri, ɔ ba afɔsɔ tə kəyɔ.

AŋRomans 4:21 ပူးပေါင်းရင်းမြစ်များ

Mathiu 19:26

Ka Yisɔsȧŋ ɔ kǝli ŋa tǝŋ, kɔ pa, Ka afǝm aŋfɔsɔ ŋati aŋ yi hɛ, kɛrɛ ka Kuru aŋfɔsɔ ŋati bɛ aŋ yi.

Luk 1:1

Ma afəm agbȧthi aŋ po pai tə kəgbal mapa ama saŋ sə lanɛ tɛntɛnɛ,

Luk 1:37

kotȧy-e, koko bɛ rə thamrɔnɛ hɛ ka Kuru.

Luk 1:45

Ɔwa ɔwe lanɛ ɔ ba aruba, ȧtesoma-e ȧtȧy ȧte ɔMarki ɔ kanɛ kɔ tə tə lasər.

AŋRomans 14:4

Mun kanɛ ɔwe mə thonkas ȧŋbɔy ŋa wuni lɔm-e? Ka ɔmarki kɔŋ ɔ təmȧ, thalɔm ɔ fumpɔ. Ɔwa ɔ tə təmȧ yathi, pəkasifɛ ɔMarki ɔ ba afɔsɔ tə kətəmər kɔ.

AŋRomans 14:5

Wuni kin ɔ nanɛ kəpa ȧrey ŋin aŋ thas alɔm; wuni lɔm ɔ nanɛ kəpa ȧrey o rei aŋ yi mɔlɔ min. Ta wuni o wuni ɔ tȧrȧ ti asɔbɛ ka ȧŋmerȧ ŋɔŋ.

AŋRomans 8:38

kotȧy-e i lanɛ kəpa rəfi-o, aŋesəm-o, amaleka-o, agbəka-o, ɛfɔsɔ-o, mȧtȧy ma ka-ake-o, mȧtȧy ma ninaŋ-o,

2 AŋKɔrenth 9:8

Ɔwa Kurɔŋ ɔ gbəli yɔ kȧmȧ aboŋa bɛ aŋ fui do rɔnu, kȧmȧ naŋ nə ba ɔbeki lɔkɔ o lɔkɔ ka tȧy o tȧy, kȧmȧ nə bȧrnɛ rə məyɔs məfinɔ bɛ.

2 Timɔthi 1:12

Ɔwa ta ȧte sɔ i sɔmpanɛ mȧtȧy ame; kɛrɛ i lap hɛ, pəkasifɛ i tȧrȧ ɔwe i po lanɛ, ɔwa i lanɛ kəpa tɛntɛnɛ ɔ gbəli bɛnɛ ara i po maŋkər kɔ haŋ ka ȧŋrey ŋati.

AŋHibru 11:13

Aŋe bɛ-e aŋ fi ka kəlanɛ, aŋ sɔthɔ hɛ ɛlahiri, kɛrɛ aŋ nənk yi gbo abɔli poŋ, ɔwa aŋ malanɛ yi kaŋ seri kəpa aŋ yi atik dɛ yi afəm ŋa ɛbiyas ka ȧdȧru are.

AŋHibru 11:19

kɔ nanɛ kəpa Kuru ɔ gbəli yokas wuni hali ka rȧfi; ɔwa pə bȧlȧnɛ mɔ ɔ kȧl sɔthɔ Aysak yathi kəwur ka rȧfi rati.