AŋRomans 4:17 - Ȧŋlemrȧnɛ Ȧfu

¹⁷ (mɔ mȧgbal məsəm mə pa, I po səki mu ɔkas ka tȧbona təgbȧthi) rodi ka kɔn ɔwe ɔ lanɛ, pə yi mɔ Kuru Məsaba, ɔwe kəlis aŋfi, dɛ yi ɔwe tela ɛyɛt ɛyɛ te tha yi mɔ ɛ yi.

AŋRomans 4:17 ပူးပေါင်းရင်းမြစ်များ

Mathiu 3:9

Ɔwa te nu nanɛ ka ɛmerȧ ɛ nu kǝpa, Sǝ ba Ebraham ta ɔkas kȧsu; kotȧy-e i kanɛ nu Kuruȧŋ ɔ gbǝli yokas awuth ta Ebraham ka masar ame.

Yɔn 5:21

Mɔ mə ɔKas ɔ yokas aŋfi, dɛ ɔ kəlis ŋa-e, yaŋ sɔ ɔWan ɔ kəlis ɔwe ɔ yema.

Yɔn 5:25

I kanɛ nu tɛntɛnɛ, Ȧŋlɔkɔ aŋ tə der, ɔwa aŋ yi thɔŋ ka-ake, ma aŋfi aŋ tə təl ȧrim ra ɔWan ka Kuru; ɔwa ŋaŋ aŋa mə təl aŋ tə kəli.

Yɔn 6:63

Aŋyina kɔnɔ mə sɔŋ aŋesəm; madɛr mə yi hɛ koko: ȧsim ȧte i po kanɛ nu, tə yi ayina, yi ŋesəm.

Mȧyɔs ma aŋsom 15:18

ƆMariki ɔwe mə tɔri mȧtȧy ame bɛ kȧbi ka thəpaŋ, kɔnɔ pa.

AŋRomans 3:29

Kuru ɔ yi ɔKuru ka aŋYuda gbo son-i? Ɔ yi hɛ sɔ ɔKuru ka tȧbona təlɔm-i? Yao, ɔ yi sɔ ka tȧbona təlɔm.

AŋRomans 4:18

Ebraham-əŋ ma ɔ te sɔ ba rə ɔ gbak amera-e, halisa ɔ lanɛ rə kəgbak ȧmerȧ, kȧmȧ ɔ səkɛ ɔkas ka təbona təgbȧthi; mɔ mə ȧsim tə pa, Yaŋ aŋwuth a mu aŋ tə yi.

AŋRomans 4:2

kotȧy-e bepi ɔ sɔthɔ naŋ məmari salata mȧyɔs mɔŋ-e, ɔ ba naŋ rȧ ɔ gbəli kolonɛ, kɛrɛ rodi ka Kuru thahɔ.

AŋRomans 8:11

Bepi ɔYina ka kɔn ɔwe yokas Yisɔs kətɔŋ ka aŋfi ɔ yi rokor ka nu-e, kɔn ɔwe yɔ Yisɔsȧŋ ɔ kȧl yokanɛ ka rəfi ɔ tə sɔŋ aŋesəm ka madɛr ma nu salata ɔYina kɔŋ ɔwe yi rokor ka nu.

AŋRomans 9:11

hali ma a te tha kom aŋwuth ras-e, ɔwa maŋ te tha yɔ ɔfinɔ thalɔm ɔləs, kȧmȧ mȧselɔ ma Kuru asabu ŋa kathithəs kɔŋ mə gbəli təma-e, pə yi hɛ salata mȧyɔs maŋ, kɛrɛ salata katela kɔŋ;

AŋRomans 9:26

Ɔwa ka ɔdɛr ro a la pa ro rɔŋaŋ, Nə yi hɛ aŋfəm a mi, Ri gbeŋ a tə bont ŋa aŋwuth ŋa ɔKuru ukəli.

1 AŋKɔrenth 1:28

kɔ thith mȧtȧy məyai ma ȧdȧru yi mȧtȧy məfarkɛ, yao, hali mȧtȧy ama te yi, Kuru ɔ po thith ma tə kədim mȧtȧy ama yi.

1 AŋKɔrenth 15:45

Tiyȧŋ a gbal ti kəpa, Ɔwuni utɔtɔkɔ Adȧmȧŋ a səki kɔ wuni ba ŋesəm; kɛrɛ ɔAdȧm uləpsɔ kɔnɔ yi ɔYina ɔwe sɔŋ aŋesəm.

1 Timɔthi 6:13

I maŋ mu ka kȧbəprȧnɛ ka Kuru, ɔwe mə sɔŋ ŋesəm ka koko bɛ ara ɔ bɛmpa, dɛ yi rodi ka Yisɔs Kraystȧŋ, ɔwe po sɔŋ məseri məfinɔ rodi ka Pɔntiɔs Pailat-e.

AŋHibru 11:12

Tiyȧŋ, ka wuni kin ɔwe bȧlȧnɛ mɔ wuni fi-e, a kom awuth agbȧthi mɔlɔ ma atɔs ta kȧriyana, dɛ yi mɔlɔ ma kasənt ȧke yi ro baŋ rayɛr ȧke wuni ɔ te gbəli lɔm.

AŋHibru 11:3

Asabu ŋa kȧlanɛ sə tȧrȧ kəpa a bɛmpa ȧdȧru ka ȧrim ra Kuru, te ba ti sə tȧrȧ kəpa ɛyɛt ɛyɛ sə nəŋka rəfɔr-e, a bɛmpa yi kəwur ka ɛyɛt ɛyɛ sə te gbəli nənk.

AŋHibru 11:7

Rə kəlanɛ Now, ma Kuru ɔ maŋ kɔ salata mȧtȧy ama ɔ te tha nəŋk-e, ɔ su ɛləns, kɔ bɛmpa abil tə kəkisis rȧkomra rɔŋ; ɔwa di kati ɔ sɔŋ ȧdȧru mətheri, kɔ sɔthɔ mȧlompi ama yi ka kəlanɛ.

1 Pitar 2:10

Ka ɔtɔtɔkɔ nə la hɛ yi afəm, kɛrɛ ka-ake nə yi thɔŋ aŋfəm ŋa Kuru; ka ɔtɔtɔkɔ-e, nə la hɛ sɔthɔ ȧney, kɛrɛ ka-ake nə po thɔŋ sɔthɔ ȧney.

2 Pitar 3:8

Kɛrɛ abɔthər, te pənɛ ȧtȧy tin ȧte kəpa ye ȧrey ŋin dɛ yi ɔMarki aŋ yi mɔ təren awul ŋin, yi təren awul ŋin tə yi mɔ ȧrey ŋin.