AŋRomans 3:9 - Ȧŋlemrȧnɛ Ȧfu

⁹ To pə yi thɔŋ-a? Saŋ aYuda sə thasi aŋlɔm-i? Sako; ȧtesoma-e sə po tɔri kəpa aŋYuda yi tȧbona təlɔm, ŋa bɛ aŋ yi roratha ka aŋfɔsɔ ŋa ahakɛ.

AŋRomans 3:9 ပူးပေါင်းရင်းမြစ်များ

Luk 7:39

Ma ɔFaresi ɔwe muti kɔ ɔ nənk ti-e, ɔ fɔfnɛ ka ȧŋmerȧ ŋɔŋ kəpa, Bepi ɔwuni ɔwe ɔ yi unabi-e, ɔ tə tȧrȧ naŋ ko wuni ɔwuni bom ɔwe ɔ yi ɔwe gboŋ kɔ; ɔ tə tȧrȧ kəpa ɔ yi wuni ka ɛhakɛ.

AŋRomans 1:18

kotȧy-e rabaŋ ra Kuru rə tɔrinɛ kəwur ka ȧriyana kəŋamnɛ mələs yi məkənə ma afəm a kəpet aŋa mə dim tȧteŋ kətɔŋ ka mȧyɔs maŋ mələs,

AŋRomans 11:32

Ȧtesoma-e Kuru ɔ po tand afəm bɛ ka ȧŋseth ŋa kəte lanɛ kȧmȧ pə gbəli yi afəm bɛ aŋ tə sɔthɔ ȧney do rɔŋɔŋ.

AŋRomans 11:7

To pə yi thɔŋ-a? Ɔwa Isrɛl aŋ thamrɔ tə kəsɔthɔ ȧtȧ mə aŋ thɛns, ka anthith aŋ po sɔthɔ ti, kɛrɛ aŋlɔm aŋ gbolŋanɛ.

AŋRomans 2:1

Tiyȧŋ munɔ, O wuni kəpet, mə ba hɛ sɔ roŋ bepi mə thonkas wuni lɔm, kotȧy-e ma mə sɔŋ ulɔm mətheri-e, mə sɔnɛ mətheri, pəkasifɛ mə yɔ mɔlɔ min yi ɔlɔm.

AŋRomans 3:1

Ko anaŋfa thɔŋ uYuda ɔ ba-e? Thalɔm ko kəthɛksɛ kəbirons kə gbəli ba-e?

AŋRomans 3:19

Ɔwa sə tȧrȧ kəpa mȧtȧy ama ȧŋthɔ aŋ pa, aŋ fɔfȧnɛ ŋaŋ aŋa yi roratha ka ȧŋthɔ, kȧmȧ a kantha kəsəŋ o kəsəŋ, dɛ yi kȧmȧ ȧdȧru bɛ rə ba mətheri rodi ka Kuru.

AŋRomans 3:5

Kɛrɛ bepi makənə ma su mə yɔ mȧlompi ma Kuru tə kəbar tɔri gbəraŋ-e, to mə sə gbəli pa-e? Sə gbəli pa Kuru ɔ yi hɛ ulompi ma ɔ thalər wuni-i? (I fɔf mɔ wuni kəpet).

AŋRomans 6:15

To pə yi thɔŋ-a? Sə yi nu tə kəyɔ ahakɛ pəkasifɛ sə yi hɛ roratha ka ȧŋthɔ kɛrɛ roratha ka aboŋa-i? Kuru saki ti.

AŋRomans 7:14

kotȧy-e sə tȧrȧ kəpa ȧŋthɔ aŋ yi asəm kɛrɛ minɛ i yi gbo ka mafela ma ȧŋdɛr, i yi utar ka ahakɛ.

1 AŋKɔrenth 10:19

To mə i pa thɔŋ-a? Da rəbumərnɛ rə yi rəka-i, thalɔm ara a sɔŋ sathka ka ɛyɛt ɛbumərnɛ rə yi rəka-i?

1 AŋKɔrenth 14:15

To mə i yɔ thɔŋ-a? I ti ramnɛ rɛ yi ȧŋmerȧ a mi, ɔwa i ti ramnɛ sɔ rɛ yi kasɔthnɛ. I ti leŋ rɛ yi ȧŋmerȧ a mi, ɔwa i ti leŋ sɔ rɛ yi kasɔthnɛ.

1 AŋKɔrenth 4:7

Ȧtesoma-e, kanɛ yɔ mu mə yi ugbaskɛ-e? Ɔwa ko mə ba ara a te mɔtha yer mu-e? Bepi a yer mu ri-e, to pə som mȧ mə kolonɛ-e mɔlɔ ma tə kəpa ye rə yi hɛ aboya-e?

AŋKȧletia 3:10

Ɔwa aŋfəm aŋa pələnɛ ka mȧyɔs ma ȧŋthɔ aŋ yi ratha ka ȧranka; kotȧy-e a po gbal kəpa, Wuni o wuni ɔwe te kɔ rodi kəyɔ mȧtȧy bɛ ama a po gbal ka ȧkȧfȧ ka ȧŋthɔ tə kəyɔ ma-e, ɔ yi uraŋka.

AŋKȧletia 3:22

Kɛrɛ mȧgbal məsəm mə tɔri kəpa afəm bɛ aŋ yi ka aŋfɔsɔ ŋa ahakɛ, kȧmȧ ŋaŋ aŋa lanɛ aŋ gbəli sɔthɔ aŋlahiri kətȧŋȧnɛ ka kȧlanɛ ka Yisɔs Krayst.

AŋFilipai 1:18

To pə yi thɔŋ-a? Pə yi gbo kəpa rə roŋ o roŋ-e, pə yi rə kəyɔr, thalɔm rə təteŋ, kaŋka gbo a kawandi ȧŋes ŋa Krayst. Ɔwa i ba məbɔnɛ ta ti, yao i ti kȧl ba məbɔnɛ sɔ.