AŋRomans 3:4 - Ȧŋlemrȧnɛ Ȧfu

⁴ Saki ti; yao, ta Kuru ɔ yi təteŋ hali wuni o wuni ɔ yi uyem, mɔ mə a po gbal kəpa, Kama mə sɔthɔ məmari ka mapa ma mu, Dɛ yi mə ŋap ŋaŋ aŋa mə thonkas mu.

AŋRomans 3:4 ပူးပေါင်းရင်းမြစ်များ

Mathiu 11:19

ƆWan ka wuni ɔ der rǝ kǝdi dɛ yi rǝ kǝmun, ɔwa aŋ pa, Kǝli ulaŋgba uwɔnthi rɛ umun ubana-e, uyathki ka aŋthoŋkla ɛfȧk yi aŋfǝm ŋa ɛhakɛ. Kɛrɛ kǝtemp kǝ tǝ sɔthɔ mǝmari ka mȧyɔs mati.

Luk 20:16

Ɔ tə der, ɔ tə dim aŋbȧf aŋe, ɔ tə sɔŋ akɔr ka ɛyɛt ɛgbam rə afəm alɔm. Maŋ təl ti-e aŋ pa, Saki ti Kuru.

Yɔn 3:33

Ɔwe mə wop maseri mɔŋ ɔ tɔri kəpa Kurɔŋ ɔ yi təteŋ.

AŋRomans 11:1

Tiyȧŋ i yif thɔŋ, Kuru-e ɔ poŋ fitha aŋfəm ŋɔŋ-i? Saki ti. Kotȧy-e minɛ sɔ i yi uIsreɛl ka rȧkomra ra Ebraham, ka ȧŋbɔnshɔ ŋa Bɛnyamin.

AŋRomans 11:11

Tiyȧŋ i yif, Kȧpəth ka ŋaŋ kə tə yɔ ŋa aŋ dinɛ thaŋkaŋ-i? Saki ti. Kɛrɛ salata kabunɛ ka ŋaŋ kəkisi kə po bek ka tȧbona təlɔm, tə kəyɔ Isrɛl aŋ ba kətut.

AŋRomans 3:31

Saŋ sə yɔ kȧlanɛ ake tə kədim anthɔ-i? Saki ti! Sə bȧksər ȧŋthɔ.

AŋRomans 6:15

To pə yi thɔŋ-a? Sə yi nu tə kəyɔ ahakɛ pəkasifɛ sə yi hɛ roratha ka ȧŋthɔ kɛrɛ roratha ka aboŋa-i? Kuru saki ti.

AŋRomans 6:2

Saki ti; saŋ aŋa po fi ta ahakɛ-e, to mə sə gbəli tiyȧ ri sɔ-e?

AŋRomans 7:13

Ɔwa pə gbəli yi ȧtȧ yi təfinɔ tə səkɛ rəfi ta ȧtȧ mi-i? Saki ti. Kɛrɛ ahakɛ ŋə mə yɔ mi i fi kətaŋ ka ȧtȧ yi təfinɔ, kȧmȧ aŋ tɔrinɛ kəpa pə yi ahakɛ tɛntɛnɛ, kȧmȧ aŋyamari aŋ tɔri ɔləs wa ahakɛ gbafəth.

AŋRomans 7:7

To mə sə pa thɔŋ ta ti-a? Ȧŋthɔ aŋ yi tȧy tələs-i? Saki ti. Bepi pə yi hɛ naŋ ka anthɔ-e, i gbəli hɛ tȧrȧ naŋ ahakɛ; kotȧy-e bepi ȧŋthɔ aŋ la hɛ naŋ pa, Te ba amilɛ salata ɛyɛt ya wuni lɔm-e, i gbəli hɛ naŋ tȧrȧ to amilɛ aŋ yi.

AŋRomans 9:14

To mə sə pa thɔŋ-a? Kuru ɔ ba agbȧy-i? Saki ti.

1 AŋKɔrenth 6:15

Naŋ nə tɛ hɛ kəpa madɛr ma nu mə yi malaŋktha ma Kraist-i? Ɔwa i gbəli gbasi malaŋktha ma Kraystȧŋ, i səki ma malaŋktha ma ugboyonko-i? Saki ti Kuru.

2 AŋKɔrenth 1:18

Kɛrɛ mɔ mə Kuru ɔ yi təteŋ-e, ȧrim ra su ro rɔnu rə yi hɛ Yao dɛ yi Sako.

AŋKȧletia 2:17

Kɛrɛ bepi ma sə thɛns məmari rokor ka Kraist-e, a fir su kəyi afəm ŋa ahakɛ-e, sə gbəli pa Krayst ɔ yi ukɔtha ka ahakɛ-i? Saki ti Kuru.

AŋKȧletia 2:21

I yɔ hɛ kȧmȧ ȧŋboŋa ŋa Kuru aŋ yi kətiŋ, kotȧy-e bepi mȧlompi ma yi ka anthɔ-e, Krayst ɔ po fi fu fa fu.

AŋKȧletia 6:14

Kɛrɛ ta pə bɔlȧnɛ mi tə kəyikisnɛ thambe ka akənt kəpəŋkinɛ ka ɔMarki kȧsu Yisɔs Krayst ro pə yi a tȧŋ tȧŋ ȧdȧru ka apənki ta ȧtȧ mi, dɛ yi minɛŋ ta ȧdȧru.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

Taytɔs 1:2

Ka kagbak ȧmerȧ ka aŋesəm thəbana, ȧke Kuru-e, ɔwe gbəli hɛ yema, ɔ po lahiri kȧbi ka ɔtəpɛr wa ȧdȧru;

AŋHibru 6:18

kȧmȧ ka mȧtay mȧrəŋ ama te gbəli siŋkar, ro pə yi ɔfɔy hɛ tȧy ta Kuru tə kəyema-e, saŋ aŋa po thɔŋ gbukɛ ka ɔdɛr ɔmaŋknɛ tə kəwop kagbak ȧmerȧ ȧke a bot rodi ka su-e, sə gbəli ba kəbȧkəs kəbuth kəfinɔ.

1 Yɔn 5:10

Ɔwe po lanɛ ka ɔWan ka Kuru ɔ ba maseri ka ȧŋmerȧ ŋɔŋ: kɛrɛ ɔwe te lanɛ Kuru ɔ sɔki kɔ uyem; pəkasifɛ ɔ lanɛ hɛ maseri ama Kuru ɔ sɔŋ ta ɔWan kɔŋ.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.

Kȧŋȧibinɛ 3:7

Gbal ka ɔkəlianɛ ka aŋchɔch ŋa ro Filadɛlfiya kəpa ye, Ɔwe yi usəm yi utəteŋ, ɔwe ba masapɔ ma Debid, ɔwe mə kanthi, ɔwa wuni o wuni ɔ gbəli hɛ kantha, kɔ kȧl kantha, ɔwa wuni o wuni ɔ gbəli hɛ kanthi; ɔkati ɔ pa,