AŋRomans 3:27 - Ȧŋlemrȧnɛ Ȧfu

²⁷ Kəkolonɛ, reke kə yi thɔŋ sɔ-a? Kə gbəli hɛ yi. Kɔyɛŋ kə te gbəli yi-e? Ta asabu ŋa mȧyɔs-i? Sako, pə yi ta ȧŋsabu ŋa kȧlanɛ.

AŋRomans 3:27 ပူးပေါင်းရင်းမြစ်များ

Mark 16:16

Kɔnɔ ɔwe mə lanɛ, ɔwa a baftays kɔ-e, ɔ tə kisi, kɛrɛ kɔnɔ ɔwe mə te lanɛ-e, ɔ ba mətheri.

Yɔn 3:36

Kɔnɔ ɔwe mə lanɛ ka ɔWan ɔ ba aŋesəm thəbana: kɛrɛ wuni ɔwe mə te lanɛ ka ɔWan-e, ɔ ba hɛ kənəŋk aŋesəm; kɛrɛ rabaŋ ra Kuru rə rensa kɔ.

AŋRomans 10:5

Ȧtesoma-e Mosis ɔ gbal ta salata mȧlompi ama yi ka ȧŋthɔ ɔ pa, Ɔwuni ɔwe mə yɔ mȧlompi mati-e, di kati sɔ ɔ tə sɔthɔ ŋesǝm.

AŋRomans 11:6

Kɛrɛ bepi pə yi salata aboŋa-e, pə gbəli hɛ sɔ yi salata məyɔs; bepi pə yi yaŋ-e, aboŋa aŋ yi hɛ sɔ aboŋa tə tɛntɛnɛ.

AŋRomans 2:17

Ɔwa mə ba ȧŋes ŋa uYuda, mə sɛlinɛ ka ȧŋthɔ, mə kolonɛ ka Kuru,

AŋRomans 2:23

Munɔ ɔwe mə kolonɛ ka ȧŋthɔ, mə tə fəŋfərəs Kuru rə kaləsər ka mu anthɔ-i?

AŋRomans 3:19

Ɔwa sə tȧrȧ kəpa mȧtȧy ama ȧŋthɔ aŋ pa, aŋ fɔfȧnɛ ŋaŋ aŋa yi roratha ka ȧŋthɔ, kȧmȧ a kantha kəsəŋ o kəsəŋ, dɛ yi kȧmȧ ȧdȧru bɛ rə ba mətheri rodi ka Kuru.

AŋRomans 3:26

tə kətɔri mȧlompi mɔŋ ka ȧŋlɔkɔ aŋe, tə kəyi, kɔn kɔnɔnɛ ɔ yi ulompi, ɔwa ɔ gbəli sɔŋ məlompi sɔ ka kɔn ɔwe mə lanɛ ka Yisɔs.

AŋRomans 4:2

kotȧy-e bepi ɔ sɔthɔ naŋ məmari salata mȧyɔs mɔŋ-e, ɔ ba naŋ rȧ ɔ gbəli kolonɛ, kɛrɛ rodi ka Kuru thahɔ.

AŋRomans 7:21

Tiyȧŋ i fir athɔ aŋ yi ro rɔmi kəpa ye, ma i yema yɔ ɔlompi ahakɛ aŋ bəpər.

AŋRomans 7:23

Kɛrɛ i nənk athɔ alɔm ka malaŋktha ma ȧŋdɛr a mi aŋa mə timanɛ ȧŋthɔ ŋa ȧŋmerȧ a mi tə kəgbasi mi mɔ ukɛndɛbira ratha ka ȧŋthɔ ŋa ahakɛ aŋa yi ka malaŋktha ma ȧŋdɛr a mi.

AŋRomans 7:25

I mɔmɔ Kuru, kakisi kə yi ka Yisɔs Krayst ɔMarki kȧsu. Ɔwa ka ȧŋmerȧ a mi i bȧtho ȧŋthɔ ŋa Kuru; kɛrɛ ka ȧŋdɛr a mi i tȧŋ ȧŋthɔ ŋa ahakɛ.

AŋRomans 8:2

Ȧtesoma-e ȧŋthɔ ŋa ɔYina məsəm ka aŋesəm rokor ka Yisɔs Krayst aŋ po səli mi kəwur ka ȧŋthɔ ŋa ahakɛ yi rȧfi.

AŋRomans 9:11

hali ma a te tha kom aŋwuth ras-e, ɔwa maŋ te tha yɔ ɔfinɔ thalɔm ɔləs, kȧmȧ mȧselɔ ma Kuru asabu ŋa kathithəs kɔŋ mə gbəli təma-e, pə yi hɛ salata mȧyɔs maŋ, kɛrɛ salata katela kɔŋ;

AŋRomans 9:31

Kɛrɛ aŋIsrɛl aŋa taŋanɛ mȧlompi ama təmȧ ka anthɔ-e, aŋ gbəli hɛ lasər ȧŋthɔ ŋati.

AŋRomans 9:32

To pə som-e? Pəkasifɛ aŋ thɛns hɛ ŋi kətaŋ ka kȧlanɛ, kɛrɛ ka mȧyɔs ma ȧŋthɔ. Kotȧy-e aŋ pənthbəla ka aŋsar apəth ŋati;

1 AŋKɔrenth 4:7

Ȧtesoma-e, kanɛ yɔ mu mə yi ugbaskɛ-e? Ɔwa ko mə ba ara a te mɔtha yer mu-e? Bepi a yer mu ri-e, to pə som mȧ mə kolonɛ-e mɔlɔ ma tə kəpa ye rə yi hɛ aboya-e?

AŋKȧletia 2:16

ma pə yi sə tȧrȧ kəpa wuni kəpet ɔ sɔthɔ hɛ məmari salata mȧyɔs ma ȧŋthɔ, thambe ka kȧlanɛ ka Yisɔs Krayst, tiyȧŋ hali saŋ sə po lanɛ Yisɔs Krayst kȧmȧ sə sɔthɔ məmari ka kȧlanɛ ka Krayst, pə yi hɛ ka mȧyɔs ma ȧŋthɔ. Pəkasifɛ ka mȧyɔs ma anthɔ-e, wuni o wuni ɔ gbəli hɛ sɔthɔ məmari.

AŋKȧletia 3:22

Kɛrɛ mȧgbal məsəm mə tɔri kəpa afəm bɛ aŋ yi ka aŋfɔsɔ ŋa ahakɛ, kȧmȧ ŋaŋ aŋa lanɛ aŋ gbəli sɔthɔ aŋlahiri kətȧŋȧnɛ ka kȧlanɛ ka Yisɔs Krayst.