AŋRomans 2:3 - Ȧŋlemrȧnɛ Ȧfu

³ Munɔ ɔwe mə sɔŋ ŋa mətheri aŋa mə yɔ mȧtȧy məwunɔŋ, ma munɔ gbeŋ mə yɔ ma sɔ-e, mə nanɛ kəpa mə tə fisə ka kathoŋkas ka Kuru-i?

AŋRomans 2:3 ပူးပေါင်းရင်းမြစ်များ

Mathiu 23:33

Naŋ ɛbok, naŋ rǝkomra ra ɛgbɔrɔ, to mǝ nǝ gbǝli kisi ka aŋthoŋka ŋa ro yahanama-e?

Mathiu 26:53

Thalɔm mǝ nanɛ kǝpa i gbǝli hɛ nɛmthɛnɛ ɔKas kȧmi, ɔwa ɔ tǝ som mi ka-ake amȧleka athasi ɛsǝfȧ tɔfɔt yɛrǝŋ-i?

Luk 12:14

kɔ pa ro ŋɔŋ, Wan, kanɛ bot mi tə kəyi ugbəka yi uyerəs rokɔm ka nu-e?

Luk 22:58

Ɔwa pə won hɛ ulɔm ɔ kȧl nənk kɔ, ɔ pa, Munɔ sɔ mə yi ukin ka ŋaŋ. Pitaŋ ɔ pa, Wan, min thahɔ.

Luk 22:60

Ɔwa Pitaŋ ɔ pa, Mbɔ, i tɛ hɛ ȧte mə pa. Ka ɔlɛmp wati mɔ mɔ fɔf-e, katəpi ɔ tam.

AŋRomans 1:32

Hali maŋ tȧrȧ ȧŋsiraŋ ŋa Kuru-e, kəpa ŋaŋ aŋa mə yɔ mȧtȧy məwunɔŋ abeki kȧmȧ aŋ fi-e, ŋaŋ, aŋ yɔ hɛ ma gbo gbɛt, kɛrɛ aŋ bȧsər kori kori ŋaŋ aŋa mə yɔ ma sɔ.

AŋRomans 2:1

Tiyȧŋ munɔ, O wuni kəpet, mə ba hɛ sɔ roŋ bepi mə thonkas wuni lɔm, kotȧy-e ma mə sɔŋ ulɔm mətheri-e, mə sɔnɛ mətheri, pəkasifɛ mə yɔ mɔlɔ min yi ɔlɔm.

AŋRomans 2:2

Ɔwa sə tȧrȧ kathoŋkas ka Kuru kə thor ɔlompi rokɔm ka ŋaŋ aŋa mə yɔ mȧtȧy məwunɔŋ.

AŋRomans 9:20

Gbere, mun wuni kəpet, mun kanɛ ɔwe mə thoŋka yi Kuru-e? Pə yi rəka rəsal rə gbəli pa ka ɔsal, To som mȧ mə sala mi yaŋ-e?

1 AŋThɛsȧlonika 5:3

kotȧy-e maŋ pa, Məthɔfəl dɛ yi kəpantay; ka ɔlɛmp wati kədinɛ kəsembu kə tə bəp ŋa, mɔ ɔbaŋ wa kəkom, kaŋ ba hɛ roŋ o roŋ tə kəkisi kəwur ka masibo mati.

AŋHibru 12:25

Bumnɛ nu kȧmȧ nə te pɛnsa ɔwe mə fɔf. Kotȧy-e bepi aŋbȧki a su aŋ pamp hɛ kəwur ka anthalər maŋ pɛnsa kɔn ɔwe fɔf nɔru-e, to saŋ mə sə gbəli kisi bepi sə su hɛ kɔ ɛləns ɔwe fɔf kəwur ro riyana-e?

AŋHibru 2:3

to saŋ mə sə gbəli kisi bepi sə say kakisi kəbana mɔ ake-e? kotȧy-e ɔMarki kɔnɔ mɔtha tɔri ki ɔwa ŋaŋ aŋa po təlȧ kɔ aŋ bȧksər ki do rɔsu.