AŋRomans 2:12 - Ȧŋlemrȧnɛ Ȧfu

¹² Tiyȧŋ ŋa bɛ aŋa po yɔ ahakɛ kəte ba anthɔ-e, ŋa ba sɔ kədinɛ kəte ba ȧŋthɔ; ɔwa ŋa bɛ aŋa mə yɔ ahakɛ maŋ yi ratha ka anthɔ-e, a tə thonkas ŋa kətaŋ ka ȧŋthɔ.

AŋRomans 2:12 ပူးပေါင်းရင်းမြစ်များ

Mathiu 11:22

Kɛrɛ i kanɛ nu, pǝ tǝ yi ɔfisa ta ro Tair yi ro Sidon ka ȧŋrey ŋa kǝthoŋkas pǝthasi nu.

Mathiu 11:24

Kɛrɛ i kanɛ nu, pǝ tǝ yi ɔfisa ta ȧŋthɔf ŋa ro Sɔdɔm ka ȧŋrey ŋa kǝthoŋkas pǝthasi munɔ.

Yɔn 19:11

Yisɔsȧŋ ɔ pa, Mə ba hɛ afɔsɔ rokɔm kȧmi thambe a sɔŋ mu ŋi kəwur rokɔm: tiyȧŋ ɔwe sɔnd mi ro mu, ɔ ba mətheri pəthasi munɔ.

Mȧyɔs ma aŋsom 2:23

Kɔnɔ a lȧnki tand ka mabotəs yi kȧtȧrȧ ka Kuru thəpaŋ, ɔwa naŋ-e, ka mȧta ma afəm ȧthȧnthonɛ, nə tȧŋ kɔ ka akənt kəpəŋkinɛ, nə dif kɔ.

AŋRomans 1:32

Hali maŋ tȧrȧ ȧŋsiraŋ ŋa Kuru-e, kəpa ŋaŋ aŋa mə yɔ mȧtȧy məwunɔŋ abeki kȧmȧ aŋ fi-e, ŋaŋ, aŋ yɔ hɛ ma gbo gbɛt, kɛrɛ aŋ bȧsər kori kori ŋaŋ aŋa mə yɔ ma sɔ.

AŋRomans 4:15

pəkasifɛ ȧŋthɔ aŋ tə kȧrȧ kathalər ka rȧbaŋ, kɛrɛ ro athɔ aŋ te yi, kələsər ȧŋthɔ kǝ yi hɛ ri.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

1 AŋKɔrenth 9:21

Ka ŋaŋ aŋa te ba athɔ-e, i yi mɔ ute ba athɔ (pə yi hɛ kəpa i ba hɛ ȧŋthɔ ka Kurɔŋ kɛrɛ i yi roratha ka ȧŋthɔ ŋa Krayst). Kaŋka gbo i sɔthɔ ŋaŋ aŋa te ba athɔ.

AŋKȧletia 3:10

Ɔwa aŋfəm aŋa pələnɛ ka mȧyɔs ma ȧŋthɔ aŋ yi ratha ka ȧranka; kotȧy-e a po gbal kəpa, Wuni o wuni ɔwe te kɔ rodi kəyɔ mȧtȧy bɛ ama a po gbal ka ȧkȧfȧ ka ȧŋthɔ tə kəyɔ ma-e, ɔ yi uraŋka.

AŋKȧletia 3:22

Kɛrɛ mȧgbal məsəm mə tɔri kəpa afəm bɛ aŋ yi ka aŋfɔsɔ ŋa ahakɛ, kȧmȧ ŋaŋ aŋa lanɛ aŋ gbəli sɔthɔ aŋlahiri kətȧŋȧnɛ ka kȧlanɛ ka Yisɔs Krayst.

Yeməs 2:10

Tiyȧŋ bepi wuni ɔ wop ȧŋthɔ bɛ, kɛrɛ ɔ pɔnthnɛ ŋin-e, ɔ po ba mətheri ka ȧŋthɔ alolok,