AŋRomans 2:10 - Ȧŋlemrȧnɛ Ȧfu

¹⁰ kɛrɛ ayiki, alambe yi məthɔfəl ka wuni o wuni ɔwe mə yɔ ɔlompi, ka ɔtɔtɔkɔ ka ɔYuda, yi ka ɔKrik sɔ.

AŋRomans 2:10 ပူးပေါင်းရင်းမြစ်များ

Mathiu 10:13

Bepi ȧŋseth aŋ yi afinɔ-e, yɔ mathɔfǝl ma nu mǝ rensa ŋi, kɛrɛ bepi aŋ yi hɛ afinɔ-e, yɔ mathɔfǝl ma nu mǝ kȧl ro nu.

Luk 1:79

Tə kəsɔŋ kəwalɛ ka ŋaŋ aŋa yirȧ ka ȧŋsum yi ka aŋfɔyr ŋa rəfi, Tə kəkora ȧtȧtək ta su ka aroŋ ra məthɔfəl.

Luk 12:37

Ɛbɔy ŋati aŋ ba ȧruba aŋa ɔMarki ɔ bəp ŋa aŋ yi akəli ma ɔ bek. Tɛntɛnɛ i kanɛ nu, ɔ tə bɛnɛnɛ, ɔ tə yɔ ŋa aŋ yirȧ tə kədi, ɔwa kɔn kɔnɔnɛ ɔ tə yɔna ŋa.

Luk 19:42

O munɔ, bepi mə po tȧrȧ naŋ ka ȧŋrey aŋe, mȧtȧy ama yi ta mathɔfəl ma mu! Kɛrɛ ka-ake a maŋk ma ka ɛfɔr ɛ mu.

Luk 22:14

Ɔwa ma ȧŋlɔkɔ aŋ po bek-e, ɔ yirȧ yi aŋsom ŋɔŋ tɔfɔt ŋarəŋ tə kədi.

Luk 9:48

ɔ pa ro rɔŋaŋ, Wuni o wuni ɔwe malanɛ ɔwath ufɛth ɔwe ka ȧŋes a mi, minɛŋ ɔ malanɛ; ɔwa wuni o wuni ɔwe mə malanɛ mi ɔ malanɛ kɔn ɔwe som mi, kotȧy-e ɔwe tha yi ulɔl bɛ kətɔŋ ka nu, kɔnɔ yi ubana.

Yɔn 12:26

Bepi wuni ɔ yema yi ȧbɔy a mi, ta ɔ tȧŋ mi; ɔwa ro minɛ i yi, ri sɔ ȧŋbɔy a mi ɔ tə yi: bepi wuni o wuni ɔ yɔna mi, kɔnɔ ɔKas mɔ yikis.

Yɔn 14:27

Məthɔfəl i tiyȧ nu, mathɔfəl ma mi i sɔŋ nu: i sɔŋ hɛ nu mɔ mə ȧdȧru rə sɔŋ nu. Ta ɛmerȧ ɛ nu ɛ te nu sɔmpa, thalɔm ɛ te nesa.

Yɔn 16:33

I po fɔfȧnɛ nu mȧtȧy ame bɛ, kȧmȧ nə ba məthɔfəl ro mi. Ka ȧdȧru nə tə ba asɔmpanɛ: kɛrɛ bȧk nu təbuth, i po tham ȧdȧru.

Mȧyɔs ma aŋsom 10:35

kɛrɛ rə abona o bona aŋa mə nesa kɔ, ɔwa aŋa mə yɔ ɔlompi, ɔ tə malanɛ ŋa.

AŋRomans 14:17

ȧtesoma-e rȧbȧy ra Kuru rə yi hɛ kədi yi kəmun, kɛrɛ rə yi məlompi, yi məthɔfəl dɛ yi məbɔnɛ rokor ka ɔYina məsəm.

AŋRomans 15:13

Kaŋka ɔKuru ka kəgbak ȧmerȧ ɔ lasər nu rə məbɔnɛ yi məthɔfəl salata kȧlanɛ, kȧmȧ mə gbəli la yi kəgbak ȧmerȧ ka aŋfɔsɔ ŋa ɔYina məsəm.

AŋRomans 2:7

Ka ŋaŋ aŋa bȧsər tə kəyɔ təfinɔ rə kəmuyu kȧmȧ aŋ thɛns ayiki yi alambe, yi mȧtȧy ama te ba kəpoŋ thȧnkȧŋ, ɔ tə sɔŋ aŋesəm thəbana,

AŋRomans 2:9

məsibo yi məkɛthanɛ ɛ tə der ka wuni o wuni ɔwe mə yɔ ɔləs, ka ɔtɔtɔkɔ ka ɔYuda, yi ka ɔKrik sɔ,

AŋRomans 5:1

Tiyȧŋ ma sə po sɔthɔ məmari kətȧŋȧnɛ ka kȧlanɛ-e, sə ba məthɔfəl yi Kurɔŋ salata Yisɔs Krayst ɔMarki kȧsu,

AŋRomans 8:6

kotȧy-e mayi ma madɛr ma ahakɛ mə kȧrȧ rəfi; kɛrɛ mayi ma ɔYina məsəm mə yi aŋesəm yi məthɔfəl.

AŋRomans 9:21

Ɔsal ɔ ba hɛ afɔsɔ ka ɛyɔftha kȧmȧ pə yi rə kəboth kin ɔ gbəli bɛmpa rəka din ara mə yi rəkolo, yi rəka rəlɔm rəyai-i?

AŋRomans 9:23

kȧmȧ ɔ tɔri rayola ra aŋyiki ŋɔŋ ka aŋfəm ŋa ȧŋney ŋɔŋ aŋa ɔ bɛmpa thəpaŋ ta ayiki,

AŋKȧletia 5:22

Kɛrɛ mȧkomi ma ɔYina mə yi, məbɔthər, məbɔnɛ, məthɔfəl, kəmuyu, ȧney, məthɔth, kəbɔthi lanɛ,

AŋKȧletia 5:6

kotȧy-e rokor ka Yisɔs Krayst kȧbirons thalɔm kəte birons kə ba hɛ tȧy o tȧy, thambe kəlanɛ ȧke mə yɔ məpanth kətȧŋȧnɛ ka məbɔthər.

AŋFilipai 4:7

Ɔwa kaŋka mathɔfəl ma Kuru ama mə thas kəsɔthnɛ bɛ mə kɔtɛ ɛmerȧ yi ɛnanɛ ɛ nu rokor ka Yisɔs Kraystȧŋ.

1 Timɔthi 1:17

Ɔwa ka-ake, ta ɔBȧy ka thəbana, ɔwe te fi, ɔwe sə te nəŋka rəfɔr, ɔKuru utempi son, ta ɔ sɔthɔ yiki yi kəkolo thȧnkȧŋ thəbana, Amina.

AŋHibru 2:7

Munɔ mə po bɛmpa kɔ-e roratha ka aŋmȧleka ta alɔkɔ agbut, Mə po pɔlɔ kɔ yi ayiki dɛ yi alambe, Ɔwa mə təmər kɔ rokɔm ka mapanth ma mȧta ma mu bɛ.

Yeməs 2:22

Mə nənk hɛ to kȧlanɛ kɔŋ yi mȧyɔs mɔŋ mə pantnɛ rɔkin, ɔwa kətȧŋȧnɛ ka mȧyɔs mɔŋ-e, kȧlanɛ kɔŋ kə po gbenthis-e?

Yeməs 3:13

Kanɛ yi utempi yi utara tȧy kətɔŋ ka nu-e? Ta ɔ tɔri ti ka ŋesəm alompi, yi ka məyɔs mətempi rə ȧmerȧ athoranɛ.

1 Pitar 1:7

Soma aŋlanɛ a nu-e, aŋa yi abȧki mɔlɔ pəthasi məbɔŋɔ, (ama pə yi-e, hali mə tə dinɛ, a mɛmər ma ka anant), a tə thekthek ŋi kȧmȧ aŋ gbəli wurɔ kəthɔkəs, yi kəkolo, dɛ yi kəyikis ka kaŋaibinɛ ka Yisɔs Kraystȧŋ.

1 Pitar 5:4

Ɔwa ma ɔTɔl ubana mɔ tɔrinɛ-e, nə tə sɔthɔ ȧniyɔ ŋa ayiki aŋa te ba kəferər.