kotȧy-e kȧbi ka ɔtəpɛ wa ȧdȧru mayi mɔŋ ama a te nəŋka rəfɔr ama yi mɔ aŋfɔsɔ ŋɔŋ athəbana dɛ yi rawuni ra kuru rɔŋ-e, a tɔri ma gbafəth salata mapanth ma mȧta mɔŋ. Tiyȧŋ aŋ ba hɛ sɔ ra maŋ aŋ kat kɛrɛ.
Te ba ti ka mȧgbal məsəm, ma mə mɔtha nənk kəpa Kuru ɔ tə sɔŋ məmari ka tȧbona təlɔm asabu ŋa kəlanɛ, ɔ kawandi ȧkɛra kəfinɔ ka Kuru thəpaŋ ka Ebraham, kɔ pa, Kətaŋ do rɔmu təbona bɛ tə tə sɔthɔ aruba.
Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.
pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.
Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.
Ka i sanɛ ka ȧtatək tɔŋ tə kəbatho kɔ, kɛrɛ ɔ pa, Te yɔ yi, minɛŋ sɔ i yi ukos mu ȧbɔy, dɛ yi ukos ka aŋwɔnt mu aŋa ba maseri ma Yisɔs. Bȧtho Kuru, kotȧy-e maseri ma Yisɔs mə yi aŋyina ŋa kanabi.