AŋRomans 16:17 - Ȧŋlemrȧnɛ Ȧfu

¹⁷ Ɔwa i nɛmthɛnɛ nu, awɔnt, lomar nu ŋaŋ aŋa mə yɔ məputhanɛ yi aŋa mə wɔŋȧ mȧtȧy ma kȧpəth kəŋamnɛ kȧthəksȧ kətəteŋ ȧke nə po thəkəs. Thȧnka ŋa.

AŋRomans 16:17 ပူးပေါင်းရင်းမြစ်များ

Mathiu 18:17

Ɔwa bepi ɔ kasi kǝsuwa ŋa ɛlǝns-e, kanɛ ti ka aŋchɔch. Bepi ɔ selɔ hɛ sua ɛlǝns ka aŋchɔch-e, ta ɔ yi ro mu mɔ wuni tel dɛ yi ugbasi ɛfȧk.

Mathiu 18:7

Mɔnɛ ka ȧdȧru ta mətȧy mǝpǝnthbǝla, kotȧy-e mȧtȧy mati mǝ ba kǝder; kɛrɛ mɔnɛ ka ɔwuni kati ɔwe mǝ kȧrȧ ma!

Mathiu 7:15

Botnɛ nu rǝ ȧmerȧ ta aŋnabi ayem aŋa mǝ der ro nu rǝ ɛlopra ya tǝlɔmɛ, kɛrɛ rokor aŋ yi tǝthɔlu alukǝs.

Luk 17:1

kɔ pa ka aŋkarande ŋɔŋ, Pə gbəli hɛ yi thambe ɛsabu ya kəpənthbəla ɛ der, kɛrɛ mɔnɛ ka ɔwuni ɔwe mə kȧrȧ yi!

Mȧyɔs ma aŋsom 15:24

Ma sə po təl kəpa alɔm aŋa wur ro rɔsu aŋ sɔmpa nu yi sim, aŋ lafthɛ lafthɛ ɛmerȧ ɛ nu, aŋ pa, Tha nə yɔ a birons nu, ɔwa tha nə wop ȧŋthɔ; kɛrɛ saŋ sə sɔŋ hɛ ŋa aŋyamari awunɔŋ.

1 AŋKɔrenth 11:18

Ka ɔtɔtɔkɔ bepi nə der rɔkin ka ȧŋseth ŋa Kuru-e, i təl kəpa ɔgbaskɛ gbaskɛ ɔ yi nu kətɔŋ; ɔwa i lanɛ ti dɔ.

1 AŋKɔrenth 3:3

kotȧy-e nə yi ras ka mafela mələs ma madɛr. Fani kətut, yi kəgbal, yi kəpeskɛnɛ kə yi kətɔŋ kȧ nu, pə yi hɛ kəpa nə kɔth ka madɛr mɔ mə matanɛ ma afəm a kəpet mə yi-i?

AŋKȧletia 2:4

I yɔ ti salata awɔnt ayem aŋa po wɔŋ sɔy, kȧmȧ aŋ de dəkər ta rȧwankom ra su ara sə ba ka Krayst Yisɔs, kȧmȧ a wɔŋȧ su rə kɛndɛbira,

AŋFilipai 3:17

Awɔnt, yi nu ȧtȧnsȧnɛ mi, ɔwa lomar ŋaŋ aŋa kɔth kətȧŋȧnɛ ka ȧŋmɔl aŋa sə sɔŋ nu.

AŋKɔlɔsi 2:8

Bumnɛ nu kȧmȧ wuni o wuni ɔ te ləsər nu rə mətamtamnɛ yi ayaŋfa ayay yay, kətaŋ ka ɛnanɛ ya afəm a kəpet dɛ yi ka mayi ma ȧdȧru are-e, pə yi hɛ kətaŋ ka Krayst.

2 AŋThɛsȧlonika 3:6

Sə yamari nu, awɔnt, ka ȧŋes ŋa ɔMarki kȧsu Yisɔs Krayst, kȧmȧ nə gbaskinɛ kəwur ka uwɔnt o wɔnt ɔwe mə kɔth rə kəthanthonɛ, thalɔm ɔ wop hɛ mathəksa ama sə po sɔŋ.

1 Timɔthi 1:3

Ma i yi ka ȧŋbiyas aŋe ro Masidonya-e, i poŋ pər mu kȧmȧ mə tiyȧ ro Ɛfisɔs tə kəmaŋ afəm alɔm kȧmȧ aŋ te thəksa təpa o pa təlɔm təfu.

2 Timɔthi 3:5

Aŋ yɔr mɔ mə aŋ bɔthər Kuru-e, kɛrɛ aŋ pɛnsa aŋfɔsɔ ŋati. Mə yi tə kəbȧr aŋfəm aŋe kəmuth.

Taytɔs 3:10

Maŋ ɔwuni thayoŋ mȧrəŋ gbo; kədarəŋ kati, pɛnsa kɔ.

1 Yɔn 2:19

Ŋaŋ aŋ po wur ro su, kɛrɛ aŋ yi hɛ ta ȧtȧ su; kotȧy-e, bepi aŋ yi naŋ ta ȧtȧ su, aŋ tə tiyȧ naŋ ro su: kɛrɛ aŋ wur ro su, kȧmȧ pə tɔrinɛ kəpa ŋa bɛ, aŋ yi hɛ ta ȧtȧ su.

Yud 1:19

Aŋe ŋa mə kȧrȧ məpeskinɛ, ŋa yi afəm ŋa ȧdȧru, aŋ ba hɛ ɔYina məsəm.