AŋRomans 15:26 - Ȧŋlemrȧnɛ Ȧfu

²⁶ kotȧy-e pə thesanɛ ŋaŋ aŋa yi ro Masidoniya yi Akaya tə kəfak akala salata ȧŋmɔnɛ kətɔŋ ka aŋsəm aŋa yi ro Yerusaləm.

AŋRomans 15:26 ပူးပေါင်းရင်းမြစ်များ

Mathiu 25:40

Ɔwa ɔbȧy ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ po yɔ yi ka ukin ka aŋwɔnt mi-e, hali aŋlɔl lɔl aŋe-e, nǝ po yɔ ti ro rɔmi.

Mathiu 26:11

kotȧy-e nǝ ba ȧŋmɔnɛ yi naŋȧŋ lɔkɔ o lɔkɔ, kɛrɛ minɛ i yi hɛ yi naŋȧŋ lɔkɔ o lɔkɔ.

Luk 14:13

Kɛrɛ ma mə yɔ met-e, muti ȧŋmɔnɛ, ŋa məbəth, aŋtətkɛ yi aŋfith.

Luk 6:20

kɔ ŋata ɛfɔr yɔŋ ka aŋkarande ŋɔŋ, ɔ pa, Naŋ amɔnɛ nə ba aruba, kotȧy-e na ba rȧbȧy ra Kuru.

Mȧyɔs ma aŋsom 16:12

Kəwur ri sə kɔ ro Filipay, ȧke yi kȧpet kətɔtɔkɔ ka ȧŋgbȧp ŋa ro Masidoniya, ȧŋbomp ŋa ro Rom; ka sə yirȧ ka kȧpet kati ta mərey məlɔm.

Mȧyɔs ma aŋsom 16:9

Ka Pɔlȧŋ ɔ nənk mənəŋk tȧtȧk; ulaŋgba ka ro Masidoniya ɔ təmȧ, ɔ nɛmthɛnɛ kɔ, ɔ pa, Fəsi ro Masidoniya, mə mar su.

Mȧyɔs ma aŋsom 18:12

Ma Kalio ɔ yi ɔgbəka ka ro Akaya, aŋYuda aŋ tura Pɔlȧŋ rə ȧmerȧ ŋin, ka a kȧrȧ kɔ ro bare,

Mȧyɔs ma aŋsom 19:21

Ɔwa kədarəŋ ka mȧtȧy ame-e, Pɔlȧŋ ɔ botəs ka ȧŋmerȧ ŋɔŋ kəpa ɔ tə kɔth ro Masidonia yi ro Akaya, tə kəkɔ ro Yerusalɛm, kɔ pa, Bepi i wur ri-e, tha i nənk ro Rom.

Mȧyɔs ma aŋsom 9:13

Ka Ananayas ɔ pa, Pa, i po təl rə afəm agbȧthi ta ɔlaŋgba ɔwe, ta maləs məgbathi ama ɔ yɔ aŋsəm a mu ro Yerusalɛm.

1 AŋKɔrenth 16:15

Nə tȧrȧ kəpa aŋfəm ŋa ȧŋseth ŋa Stɛfanɔs ŋa yi mȧkomi mətɔtɔkɔ ro Akaya, kaŋ po sɔndnɛ tə kəmar aŋsəm, tiyȧŋ i nɛmthɛnɛ nu awɔnt,

1 AŋKɔrenth 16:5

I ti der ro rɔnu ma i po thas ro Masidonia; ȧtesoma-e i ba kərɔkinɛ Masidonia.

2 AŋKɔrenth 1:16

I la yema tȧŋ do rɔnu ka kakɔ dɛ yi kakal kȧmi ro Masidonia, kȧmȧ nə paya mi ro Yudia.

2 AŋKɔrenth 11:9

Ma i yi do rɔnu dɛ yi kəpȧŋ kə wop mi-e, i yi hɛ kothe ka wuni o wuni, kotȧy-e aŋwɔnt aŋa wur ro Masidonia-e, ŋa sɔŋ mi bɛ ɛyɛ i paŋ. Ɔwa rə tȧy o tȧy i kasisnɛ.

2 AŋKɔrenth 2:13

i sɔthɔ hɛ kəfothanɛ ka ȧŋmerȧ a mi, pəkasifɛ i bəp hɛ Taytɔs ɔwɔnt mi; tiyȧŋ ma i po lemnɛ ŋa-e, i wur ri kəkɔ ro Masidonia.

2 AŋKɔrenth 7:5

Ȧtesoma-e, hali ma sə bek ro Masidonia-e, sə ba hɛ kəfothanɛ ka madɛr ma su, kɛrɛ sə bəp ɛsɔmpanɛ dɛr o dɛr. Ɛgbal ɛ yi rokaŋ, ɔwa rənes rə yi rokor.

2 AŋKɔrenth 9:12

kotȧy-e kəyerəs ȧŋboya aŋe kə lasər hɛ gbo kapaŋ ka aŋsəm kɛrɛ kə kȧl futhis kəsɔŋ Kuru mɔmɔ məlai.

2 AŋKɔrenth 9:2

ȧtesoma-e i tȧrȧ kabɛnɛnɛ ka nu, ɔwa di kati i kolonɛ ta ȧtȧ nu ka aŋfəm ŋa ro Masidonia, kəpa ŋa ro Akaya aŋ yi thɔŋ abɛnɛnɛ kȧbi ka dendis. Ɔwa mayasyas ma nu mə poŋ gboŋkthis afəm agbȧthi.

2 AŋKɔrenth 9:4

ta thani bepi aŋMasidoniya alɔm aŋ der yi minɛŋ, ɔwa aŋ bəp nu nə yi hɛ abɛnɛnɛ-e, saŋ (hali sə te pa niaŋ) sə tə ba məlap asabu ŋa kakolonɛ ake.

AŋFilipai 4:15

Naŋ ro Filipay nə tȧrȧ sɔ kəpa kȧbi ka katəp ka kawandi ȧkɛra kəfinɔ ka Kuru ma i wur ro Masidonia-e, ȧchɔch o chɔch aŋ pantnɛ hɛ mi rə kəsɔŋ dɛ yi kəsɔthɔ, thambe naŋ gbo son.

1 AŋThɛsȧlonika 1:7

haŋ nə səkɛ amɔl ta ȧtȧ ŋaŋ bɛ aŋa lanɛ ro Masidonia yi ro Akaya.

1 AŋThɛsȧlonika 1:8

kotȧy-e pə yi hɛ gbo ro Masidonia yi ro Akaya nə taməs ȧrim ra ɔMarki, kɛrɛ kȧlanɛ ka nu ka Kuru kə poŋ gbanthanɛ dɛr o dɛr; tiyȧŋ sə ba hɛ sɔ kəfɔf koko.

1 AŋThɛsȧlonika 4:10

Tə tɛntɛnɛ nə bɔthər aŋwɔnt bɛ aŋa yi ro Masidoniya; kɛrɛ sə nɛmthɛnɛ nu, awɔnt, kȧmȧ nə bȧr gbo yɔ yi.

1 Timɔthi 1:3

Ma i yi ka ȧŋbiyas aŋe ro Masidonya-e, i poŋ pər mu kȧmȧ mə tiyȧ ro Ɛfisɔs tə kəmaŋ afəm alɔm kȧmȧ aŋ te thəksa təpa o pa təlɔm təfu.

Faylimɔn 1:5

Pəkasifɛ i təl ta mȧbɔthər yi kȧlanɛ ȧke mə ba ta ɔMarki Yisɔs dɛ yi ka aŋfəm ŋɔŋ bɛ.