AŋRomans 15:19 - Ȧŋlemrȧnɛ Ȧfu

¹⁹ rə kəmisali dɛ yi mȧtȧy məkabanɛ asabu ŋa aŋfɔsɔ ŋa ɔYina məsəm; kȧmȧ kətəp ro Yerusalɛm yi tapet ta rayɛr haŋ kəkɔ ro Ilirikɔm, i po taməs ɔgbenthis mapa məfinɔ ma Krayst.

AŋRomans 15:19 ပူးပေါင်းရင်းမြစ်များ

Mathiu 12:28

Kɛrɛ bepi i wurɔ akǝrǝfi ka aŋfɔsɔ ŋa ɔYina ka Kuru Mǝsaba-e, rȧbȧy ra Kuru rǝ derǝr nu.

Yɔn 4:48

Yisɔsȧŋ ɔ pa ro ŋɔŋ, Thambe mə nənk ɛmisali yi mȧtȧy məkabanɛ, mə selɔ hɛ tə kəlanɛ.

Mȧyɔs ma aŋsom 1:8

Kɛrɛ nə tə sɔthɔ afɔsɔ ma ɔYina məsəm ɔ derər nu; ɔwa nə tə yi maseri ma mi ro Yerusalɛm-o, ro Yudia bɛ-o, ro Samaria-o, ɔwa haŋ ka ɔthalnɛ wa ȧdȧru.

Mȧyɔs ma aŋsom 13:14

Kɛrɛ maŋ wur ro Paka-e, aŋ der ro Antiɔk ȧke yi ro Pisidia. Kaŋ wɔŋ ka ȧŋseth agbanɛ ka ȧŋrey ŋa aŋsabath, aŋ yirȧ.

Mȧyɔs ma aŋsom 13:51

Kɛrɛ ŋaŋ, aŋ koŋkoŋ kabof ka ȧtȧtək taŋ, kaŋ der ro Ikoniɔm.

Mȧyɔs ma aŋsom 14:10

kɔ pa rə rim rəbana, Təmȧ toloŋ ka ȧtȧtək ta mu. Kɔ pai, ɔ kɔth.

Mȧyɔs ma aŋsom 14:20

Kɛrɛ ma aŋkarande aŋ gbətɔ kɔ-e, ɔ yokanɛ, kɔ wɔŋ ro pet. Ka ȧŋrey alɔm-e, kɔnɔ yi Banabasȧŋ aŋ kɔnɛ ro Dabi.

Mȧyɔs ma aŋsom 14:25

Ɔwa maŋ po kanɛ ȧrim ro Paka-e aŋ thor ro Ataliya.

Mȧyɔs ma aŋsom 14:6

Maŋ sɔthnɛ ti, kaŋ gbukɛ ro Listra yi ro Dabi, təpet ta ro Lekonia, yi ka ȧŋthɔf aŋa gbətɔnɛ ri.

Mȧyɔs ma aŋsom 15:12

Ka ŋaŋ bɛ aŋ taŋk, aŋ sua Banabasȧŋ yi Pɔlȧŋ ɛləns mɔ mə aŋ lɔm ta ɛmisali yi mȧtȧy məkabanɛ ama Kuru ɔ po yɔ ka mȧta maŋ kətɔŋ ka tȧbona təlɔm.

Mȧyɔs ma aŋsom 16:18

Ɔ po yɔ ȧte ta mərey məgbȧthi gbȧthi, kɛrɛ ma pə kɛtha Pɔl rə amera-e, ɔ lafthɛ ɔ pa ka ɔkərəfi, I yamari mu ka ȧŋes ŋa Yisɔs Krayst, wur ka ɔwath ubɛra. Kɔ wur ka ɔlɛmp wati.

Mȧyɔs ma aŋsom 17:10

Ka ɔlɛmp wati aŋwɔnt aŋ somra Pɔl yi Sailas-əŋ ro Beriya tȧtȧk. Ŋaŋ mən-e, maŋ bek ri-e, aŋ wɔŋ ka ȧŋseth agbanɛ ŋa aŋYuda.

Mȧyɔs ma aŋsom 17:15

Kɛrɛ ŋaŋ aŋa paya Pɔlȧŋ aŋ kɔ haŋ aŋ bek ro Athɛns. Ɔwa maŋ sɔthɔ ayamari ta Sailas yi Timɔthi kȧmȧ aŋ timɔnɛ tə kəder ro ŋɔŋ-e, aŋ kȧlanɛ.

Mȧyɔs ma aŋsom 18:1

Kədarəŋ ka mȧtȧy ame Pɔlȧŋ ɔ wur ro Athɛns, kɔ der ro Kɔrinth.

Mȧyɔs ma aŋsom 18:19

Maŋ der ro Ɛfisɔs-e, kɔ tey aŋkos ŋɔŋ ri, kɛrɛ kɔn kɔnɔnɛ ɔ wɔŋ ka ȧŋseth agbanɛ, ɔ fɔfȧnɛ aŋYuda.

Mȧyɔs ma aŋsom 19:1

Ka pə re yi ma Apɔlɔsȧŋ ɔ yi ro Kɔrinth-e, Pɔl ɔ thas ka ȧŋthɔf aŋa yi ka kȧmɛrɔ, kɔ der ro Ɛfisɔs, kɔ bəp ri akarande alɔm.

Mȧyɔs ma aŋsom 20:20

to i te tey tə kətɔri nu tȧy o tȧy ȧtȧ gbəli mar nu, kɛrɛ i thəksa nu gbafəth, ɔwa rə aseth o seth

Mȧyɔs ma aŋsom 20:6

Ɔwa saŋ sə wur ro Filipay rə abil kədarȧŋ ka amet ma kabo kəpaŋi ɛgbith, ɔwa ka mərey tamath sə bəp ŋa ro Troas, ro sə ba mərey tȧmthədɛrəŋ.

AŋRomans 15:13

Kaŋka ɔKuru ka kəgbak ȧmerȧ ɔ lasər nu rə məbɔnɛ yi məthɔfəl salata kȧlanɛ, kȧmȧ mə gbəli la yi kəgbak ȧmerȧ ka aŋfɔsɔ ŋa ɔYina məsəm.

AŋRomans 15:16

kȧmȧ minɛŋ i yi naŋ ȧbɔy ŋa Yisɔs Krayst ka tȧbona təlɔm, tə kəyɔ mapanth ma mapa məfinɔ ma Kuru, kȧmȧ i lȧnki tȧbona təlɔm ka Kuru mɔ asathka təmar malanɛ ȧtȧ ɔYina məsəm ɔ səməs.

AŋRomans 15:24

i gbak ȧmerȧ tə kənəŋk nu ma mə i thas kəkɔ ro Spen-e, kȧmȧ nə mar mi ka ȧŋbiyas ŋati ma i po yirȧ kətɔŋ ka nu ɔthan.

1 AŋKɔrenth 2:4

Kafɔf kȧmi ras dɛ yi kakawandi kȧmi kə yi hɛ rə sim təthɔnthɔ rə kətemp ka rəwuni kəpet-e, kɛrɛ rə katɔrinɛ ka ɔYina məsəm yi rə afɔsɔ,

2 AŋKɔrenth 12:12

Tə tɛntɛnɛ i po yɔ ɛmisali ya usəm utəteŋ kətɔŋ ka nu rə kəmuyu bɛ, ka ɛmisali-e, ka mȧtȧy məkabanɛ-e, yi ka məyɔs ma kȧgbəli tȧy.

AŋKȧletia 3:5

Kɔn ɔwe sɔŋ nu ɔYina məsəm, dɛ yi ɔwe yɔ məyɔs məkabanɛ kətɔŋ ka nu-e, ɔ yɔ ti ba ka mȧyɔs ma anthɔ-i, thalɔm ka mathəksa ma kȧlanɛ-i?

AŋKɔlɔsi 1:25

Di kati a səki mi usom kətȧŋȧnɛ ka aŋgbɛthɛŋ aŋa Kuru ɔ maŋkər mi ta ȧtȧ nu, tə kətɔri ɔlasər wa ȧrim ra Kuru Məsaba;

1 AŋThɛsȧlonika 1:5

kotȧy-e ȧkɛra kəfinɔ kȧsu kə derər hɛ nu rə sim gbo, kɛrɛ ka aŋfɔsɔ sɔ-e, dɛ yi ka ɔYina məsəm, kəte ba asikɛ bɛ. Fɔtha ma sə yi dɛ yi naŋ-e, nə tȧrȧ ko afəm sə yi ka ȧŋgbȧp a nu.

2 Timɔthi 4:17

Kɛrɛ ɔMarki ɔ təmȧ mi rayɛr, kɔ bȧksər mi, kȧmȧ pə yi ȧŋsabu a mi, tȧbona təlɔm bɛ aŋ tə təl ȧkɛra kəfinɔ ka Kuru; kɔ kathi mi ka kȧsəŋ ka ȧŋsoyila.

AŋHibru 2:4

Ɔwa Kuru sɔ ɔ seri ti rə ɛmisali, yi rə mȧtȧy məkabanɛ tətəp, dɛ yi rə ɛboya ya ɔYina məsəm ɛyɛ ɔ sɔŋ kətȧŋȧnɛ ka mȧselɔ mɔŋ.

1 Pitar 1:12

Ka a tɔri ŋa kəpa pə yi hɛ aŋ yɔnanɛ, kɛrɛ aŋ yɔna su salata mȧtȧy mati ama a po lɔma nu ka-ake, kətȧŋȧnɛ ka ŋaŋ aŋa kawandi nu ȧkɛra kəfinɔ ka ɔYina məsəm kəwur ro riyana. Ɔwa aŋmȧleka aŋ fela tə kəsɔthnɛ mȧtȧy ame.