AŋRomans 15:16 - Ȧŋlemrȧnɛ Ȧfu

¹⁶ kȧmȧ minɛŋ i yi naŋ ȧbɔy ŋa Yisɔs Krayst ka tȧbona təlɔm, tə kəyɔ mapanth ma mapa məfinɔ ma Kuru, kȧmȧ i lȧnki tȧbona təlɔm ka Kuru mɔ asathka təmar malanɛ ȧtȧ ɔYina məsəm ɔ səməs.

AŋRomans 15:16 ပူးပေါင်းရင်းမြစ်များ

Mȧyɔs ma aŋsom 13:2

Ɔwa mɔ mə aŋ bȧtho ɔMarki, aŋ kȧl wop asum, ɔYina məsəm ɔ pa, Gbaski Banabasȧŋ yi Sɔlȧŋ ta ȧtȧ mi ta mapanth ama i tela ŋa.

Mȧyɔs ma aŋsom 20:24

Kɛrɛ mȧtȧy ame mə yɔ hɛ i borȧnɛ, ɔwa i gbasi hɛ aŋesəm a mi mɔ rəka rəbaki mɔlɔ ta ȧtȧ mi, kaŋka gbo i gbəli gbanthi ȧŋbara a mi yi məbɔnɛ, dɛ yi mapanth ama ɔMarki Yisɔs ɔ sɔŋ mi, tə kəseri ȧkɛra kəfinɔ ka ȧŋboŋa ŋa Kuru.

Mȧyɔs ma aŋsom 20:32

Ɔwa ka-ake i lȧnki nu ka Kuru yi ka ȧrim ra ȧŋboŋa ŋɔŋ, ara ba afɔsɔ tə kəbaksər nu, dɛ yi tə kəsɔŋ nu ani kətɔŋ ka ŋaŋ aŋa a po səməs.

Mȧyɔs ma aŋsom 22:21

kɔ pa ro mi, Kɔnɛ, ȧtesoma-e i ti som mu ɔbɔli poŋ ka tȧbona təlɔm.

Mȧyɔs ma aŋsom 9:15

Kɛrɛ ɔMarki ɔ pa ro ŋɔŋ, Kɔnɛ, kotȧy-e ɔ yi rəka rəthith ta ȧtȧ mi, tə kəkera ȧŋes a mi rodi ka tȧbona təlɔm, yi abȧy, yi aŋwuth ŋa Isrɛl.

AŋRomans 1:1

Pɔl ȧbɔy ŋa Yisɔs Krayst ɔwe a muti tə kəyi usom, ɔwe a gbaski asabu ŋa mafinɔ ma Kuru,

AŋRomans 11:13

kotȧy-e i fɔfȧnɛ nu na tȧbona təlɔm pəkasifɛ minɛŋ i yi usom ka tȧbona təlɔm, ɔwa i kolo matəma ma mi;

AŋRomans 15:18

ȧtesoma-e i mintha hɛ fɔf ta tȧy o tȧy thambe ta mȧtȧy ama Krayst ɔ yɔ ka kȧta kȧmi tə kəyɔ tȧbona təlɔm aŋ sanɛ, rə kəfɔf yi kəyɔ,

AŋRomans 15:19

rə kəmisali dɛ yi mȧtȧy məkabanɛ asabu ŋa aŋfɔsɔ ŋa ɔYina məsəm; kȧmȧ kətəp ro Yerusalɛm yi tapet ta rayɛr haŋ kəkɔ ro Ilirikɔm, i po taməs ɔgbenthis mapa məfinɔ ma Krayst.

AŋRomans 15:20

Yao i ba afela abaŋ tə kətaməs mapa məfinɔ, pə yi hɛ ro a poŋ thɔŋ bont ȧŋes ŋa Kraystȧŋ, kȧmȧ pə te yi rokɔm ka ɔtəmər wa wuni lɔm;

AŋRomans 15:29

Ka i tȧrȧ kəpa bepi i bek ro rɔnu-e, i ti der ulasərnɛ wa aŋruba ŋa Krayst.

AŋRomans 5:5

Ɔwa kȧgbak ȧmerȧ kə tɔns hɛ su pəkasifɛ mabɔthər ma Kuru mə lasər tabuth ta su kətȧŋȧnɛ ka ɔYina məsəm ɔwe ɔ sɔŋ su.

1 AŋKɔrenth 3:5

Kanɛ yi Pɔl-əŋ-e? Ɔwa kanɛ yi Apɔlɔs-e? Aŋ yi gbo aŋsom ŋa Kuru kətaŋ ka aŋa nə lanɛ, mɔ mə ɔMarki ɔ sɔŋ afɔsɔ ka kin o kin.

1 AŋKɔrenth 4:1

Nə yi tə kəkəli su mɔlɔ ma ɛbɔy ya Krayst aŋa mə kɔtha ɛgbundu ya Kuru.

1 AŋKɔrenth 6:19

Naŋ nə tɛ hɛ kəpa madɛr ma nu mə yi ȧŋseth ŋa ɔYina məsəm ɔwe yi nu rokor, ɔwe Kuru ɔ sɔŋ nu-i? Ɔwa naŋ tha banɛ-e,

2 AŋKɔrenth 11:23

Ŋa yi ɛbɔy ya Kraist-i? (I kȧl fɔf mɔ upəŋk) Min thasi ŋa; rə məpanth-e, ɔgbȧthi ɔlay; rə kəsȧp-e, pə fɔyɛ lɔm; ka ɛseth ya tərəŋka, katkat; ka mȧsibo ma təfi-e, ɔgbȧthi gbo.

2 AŋKɔrenth 5:20

Tiyȧŋ sə yi aŋsom ŋa Kraystȧŋ, pə yi mɔ Kuru ɔ nɛmthɛnɛ nu kətaŋ do rɔsu. Saŋ sə nɛmthɛnɛ nu salata Kraystȧŋ tə kəkal manɛ yi Kuru.

2 AŋKɔrenth 8:5

Ya aŋ yɔ, pə yi hɛ mɔ mə sə po nanɛ gbo-e, kɛrɛ aŋ mɔtha sɔndnɛ ka ɔMarki, dɛ yi do rɔsu kətaŋ ka mȧselɔ ma Kuru,

AŋKȧletia 3:5

Kɔn ɔwe sɔŋ nu ɔYina məsəm, dɛ yi ɔwe yɔ məyɔs məkabanɛ kətɔŋ ka nu-e, ɔ yɔ ti ba ka mȧyɔs ma anthɔ-i, thalɔm ka mathəksa ma kȧlanɛ-i?

AŋƐfisɔs 2:18

Ȧtesoma-e kətaŋ do rɔŋɔŋ-e, saŋ bɛ sə sɔthɔ roŋ ra kəwɔŋ ka ɔKas kətȧŋȧnɛ ka ɔYina ukin.

AŋƐfisɔs 2:22

Kətȧŋ do rɔŋɔŋ naŋ sɔ a kȧl seth nu dɛr ɔkin kȧmȧ nə yi dɛr ɔyiya wa ȧŋyina ŋa Kuru.

AŋƐfisɔs 5:2

Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

AŋFilipai 2:17

Yao, hali i yi sathka ta kȧlanɛ ka nu, i ba ti məbɔnɛ, ka i yasanɛ rɛ məbɔnɛ dɛ yi nia bɛ.

AŋFilipai 4:18

Kɛrɛ i ba koko bɛ thɔŋ, rəgbathi gbo, ma i po sɔthɔ ka kȧta ka Ɛpafroditɔs aboya afinɔ aŋa nə po somra mi mɔ abɔnt afɔlfɔl, sathka təbɔthi malanɛ ȧtȧ mə bɔnɛs Kuru Məsaba.

1 AŋThɛsȧlonika 2:2

kɛrɛ kədarəŋ ka ma a po sɔmpar dɛ yi a sambos su ro Filipay-e, nə tȧrȧ kəpa halisa sə bȧk kəbuth ka ɔKuru kȧsu tə kətɔri nu ȧkɛra kəfinɔ ka Kuru kətɔŋ ka kəpɛnsa kəbana.

1 AŋThɛsȧlonika 2:9

Kala nu ɛmerȧ awɔnt, ka mapanth ma su məbana dɛ yi mȧyɔs ma su. Sə la piara pali, sə la sɔkɔ gbɛs kȧmȧ sə te səkɛ kothe do rɔnu, ma sə bɔ tɔri nu ȧkɛra kəfinɔ ka Kuru.

1 AŋThɛsȧlonika 5:23

Kaŋka ɔKuru ka məthɔfəl gbeŋ ɔ səməs nu ɔlolok; aŋko, ɔ bɛnɛ ɛyina, yi ɛŋesəm, dɛ yi madɛr ma nu ɛgbenthis, kəte ba məthɛkɛ haŋ kȧder ka ɔMarki kȧsu Yisɔs Krayst.

1 Timɔthi 1:11

ȧtȧ yi mɔlɔ min yi ȧkɛra kəfinɔ ka ɔKuru ka aruba, ȧke a po maŋkər ro rɔmi.

1 Timɔthi 2:7

Ȧtesoma-e a po thith mi tə kəyi ukawandi yi usom, (i fɔf tȧteŋ ka Krayst, rəyem thahɔ); dɛ yi ukarmɔkɔ ka tȧbona təlɔm ka kȧlanɛ yi tȧteŋ.

2 Timɔthi 1:11

Ka a səki mi ugbay kawandi salata ȧkɛra kəfinɔ ka Kuru, yi usom, yi ukarmɔkɔ ka tȧbona təlɔm.

AŋHibru 13:16

Kɛrɛ te nu pənɛ tə kəyɔ təfinɔ dɛ yi tə kəyerəs ara nə ba kotȧy-e sathka təwunɔŋ tə bɔnɛs Kuru finɔ.

1 Pitar 1:12

Ka a tɔri ŋa kəpa pə yi hɛ aŋ yɔnanɛ, kɛrɛ aŋ yɔna su salata mȧtȧy mati ama a po lɔma nu ka-ake, kətȧŋȧnɛ ka ŋaŋ aŋa kawandi nu ȧkɛra kəfinɔ ka ɔYina məsəm kəwur ro riyana. Ɔwa aŋmȧleka aŋ fela tə kəsɔthnɛ mȧtȧy ame.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.