AŋRomans 14:9 - Ȧŋlemrȧnɛ Ȧfu

⁹ Tesoma Krayst ɔ fi, kɔ kȧl kəli, kȧmȧ ɔ gbəli yi ɔMarki ka aŋfi dɛ yi ka aŋkəli.

AŋRomans 14:9 ပူးပေါင်းရင်းမြစ်များ

Mathiu 28:18

Ka Yisɔsȧŋ ɔ der ɔ fɔfȧnɛ ŋa, ɔ pa, A po sɔŋ mi afɔsɔ bɛ ro riyana yi ka ȧdȧru.

Luk 24:26

ƆKrayst ɔ mar hɛ tə kənakasi mȧtȧy ame dɛ yi tə kəwɔŋ ka aŋyiki ŋɔŋ-i?

Yɔn 12:24

I kanɛ nu tɛntɛnɛ, Bepi ȧŋluka ŋa awit aŋ fumpɔ hɛ ka ȧŋthɔf rokor aŋ fi, aŋ tiyȧ ri son: kɛrɛ bepi aŋ fi ri, aŋ tə wur məkomi məgbathi.

Mȧyɔs ma aŋsom 10:36

Ȧrim ara ɔ som ka aŋwuth ŋa Isrɛl ara tɔri ȧkɛra kəfinɔ ka məthɔfəl ka kȧta ka Yisɔs Kraystȧŋ (kɔnɔ yi ɔMarki ka bɛ);

Mȧyɔs ma aŋsom 10:42

kɔ yamari su tə kətaməs ka aŋfəm, yi tə kəseri kəpa ɔwe-e, kɔnɔ Kuru ɔ bot tə kəyi uThoŋkas ka aŋkəli yi ka aŋfi.

AŋRomans 10:9

kotȧy-e bepi mə gbithanɛ yi kȧsəŋ ka mu kəpa Yisɔs ɔ yi ɔMariki-e, ɔwa mə lanɛ yi ȧŋmerȧ a mu kəpa Kuru ɔ yokas kɔ ka rəfi-e, mə tə kisi.

2 AŋKɔrenth 5:14

Ȧtesoma-e, mabɔthər ma Krayst mə korakora su, pəkasifɛ sə thonkas yaŋ, kəpa bepi wuni kin ɔ fi ta afəm bɛ, pə bȧlȧnɛ mɔ ŋa bɛ aŋ po fi.

1 AŋThɛsȧlonika 4:14

kotȧy-e bepi sə lanɛ kəpa Yisɔs ɔ fi, kɔ kȧl yokanɛ ka rafi-e, ya pə yi sɔ ŋaŋ aŋa fi ka Yisɔs-e, Kuru ɔ tə kȧl kȧrȧ ŋa dɛ yi kɔn.

1 AŋThɛsȧlonika 5:10

ɔwe po fi ta ȧtȧ su, kȧmȧ bepi pə yi sə thəmɛ kəyi akəli-e, thalɔm sə dirȧ rə kəfi-e, sə tə ba aŋesəm dɛ yi kɔn.

2 Timɔthi 4:1

Tiyȧŋ i maŋ mu ka kȧbəprȧnɛ ka Kuru, yi ka ɔMarki Yisɔs Krayst ɔwe yi tə kəthoŋkas aŋkəli yi aŋfi ka kȧder kɔŋ yi rȧbȧy rɔŋ.

AŋHibru 12:2

Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.

1 Pitar 1:21

Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

1 Pitar 4:5

Kɛrɛ aŋ ba tə kəgbaki ka kɔn ɔwe təmȧ tə kəthoŋkas ɛpa ya aŋkəli yi aŋfi.

Kȧŋȧibinɛ 1:18

Minɛ yi ɔKəli thȧbana; i po fi, kɛrɛ kəla i kȧl po ba aŋesəm haŋ thəbana, Amina. Minɛ i ba masapɔ ma ro kərəfi dɛ yi rȧfi.

Kȧŋȧibinɛ 2:8

Gbal ka ɔkəlianɛ ka aŋchɔch ŋa ro Smayna kəpa ye, Ȧsim ta ɔTɔtɔkɔ yi ɔLəpsɔ-e, kɔn ɔwe po fi kɛrɛ ɔ kȧl po ba aŋesəm, ti ȧte.