AŋRomans 14:18 - Ȧŋlemrȧnɛ Ȧfu

¹⁸ Pəkasifɛ kɔn ɔwe mə bȧtho Krayst yaŋ-e, ɔ thesis ȧŋmerȧ ŋa Kuru, dɛ yi afəm sɔ.

AŋRomans 14:18 ပူးပေါင်းရင်းမြစ်များ

Mark 13:34

Pə yi mɔ wuni ɔwe kɔ rə ȧbiyas abɔli ɔ tey ȧŋseth ŋɔŋ, ɔwa ɔ sɔŋ afɔsɔ ka ɛbɔy yɔŋ, ukin o kin ɔ ba mapanth mɔŋ, kɔ yamari ɔbumər tə kəbum.

Yɔn 12:26

Bepi wuni ɔ yema yi ȧbɔy a mi, ta ɔ tȧŋ mi; ɔwa ro minɛ i yi, ri sɔ ȧŋbɔy a mi ɔ tə yi: bepi wuni o wuni ɔ yɔna mi, kɔnɔ ɔKas mɔ yikis.

Mȧyɔs ma aŋsom 10:35

kɛrɛ rə abona o bona aŋa mə nesa kɔ, ɔwa aŋa mə yɔ ɔlompi, ɔ tə malanɛ ŋa.

AŋRomans 12:11

Te yi ayay ka mapanth, kɛrɛ ba nu ɛmerȧ ɛfey fey rə kəyɔna ɔMarki.

AŋRomans 14:4

Mun kanɛ ɔwe mə thonkas ȧŋbɔy ŋa wuni lɔm-e? Ka ɔmarki kɔŋ ɔ təmȧ, thalɔm ɔ fumpɔ. Ɔwa ɔ tə təmȧ yathi, pəkasifɛ ɔMarki ɔ ba afɔsɔ tə kətəmər kɔ.

AŋRomans 16:18

Ȧtesoma-e afəm awunɔŋ aŋ yi hɛ ɛbɔy ya ɔMarki Krayst, aŋ yi gbo antar ŋa ɛmilɛ yaŋ. Ɔwa aŋ tə pəŋis ɛmerȧ ya ante tȧrȧ tȧy kətȧŋȧnɛ ka kafɔf ka ŋaŋ kəfinɔ, kəbɔthi təl.

AŋRomans 6:22

Kɛrɛ ka-ake ma nə po wur ka ratar ra ahakɛ-e, ɔwa nə səkɛ antar ŋa Kuru-e, nə ba ȧŋrȧm ŋa kəsəməsnɛ dɛ yi ka ɔthalnɛ wati sɔ-e, aŋesəm thəbana.

1 AŋKɔrenth 7:22

Ȧtesoma-e bepi ɔMarki ɔ la tela wuni ɔwe la yi utar-e, ɔwuni kati ɔ yi uwankom ka ɔMarki. Ya pə yi sɔ ɔwe a la tela ma ɔ yi uwankom-e, ɔ yi tɛn utar ka Krayst.

2 AŋKɔrenth 4:2

ka sə po ter mȧtȧy məmaŋknɛ ma məlap, sə kɔth hɛ rə məsɔth, sə kianɛ hɛ ȧrim ra Kuru rə kəpəŋis, kɛrɛ rə kətɔri tȧteŋ gbafəth-e, sə kolonɛ ka ȧŋmerȧ ŋa wuni o wuni rodi ka Kuru.

2 AŋKɔrenth 5:11

Tiyȧŋ ma sə tȧrȧ ɔninis wa ɔMariki-e, sə thɔnthɔ afəm. Ɔwa Kuru ɔ tȧrȧ ɛnanɛ ɛ su, ka i lanɛ kəpa naŋ nə tȧrȧ yi sɔ.

2 AŋKɔrenth 5:9

Tiyȧŋ sə timnɛ kȧmȧ pə yi hali sə bəpər thalɔm sə te bəpər, sə gbəli bɔnɛs kɔ.

2 AŋKɔrenth 6:4

kɛrɛ ka mɔtai bɛ mɔ ɛbɔy ya Kuru sə mɛm tə kəkolonɛ ka kəmuyu kəbɔli, ka ɛsɔmpanɛ, ka amɔnɛ, ka kəkɛthanɛ,

2 AŋKɔrenth 8:21

kotȧy-e sə thɛns mȧtȧy məmari, pə yi hɛ gbo ka kakəli ka Kuru, kɛrɛ ka kakəli ka afəm a kəpet sɔ.

AŋFilipai 4:18

Kɛrɛ i ba koko bɛ thɔŋ, rəgbathi gbo, ma i po sɔthɔ ka kȧta ka Ɛpafroditɔs aboya afinɔ aŋa nə po somra mi mɔ abɔnt afɔlfɔl, sathka təbɔthi malanɛ ȧtȧ mə bɔnɛs Kuru Məsaba.

AŋFilipai 4:8

Ka kaləpsɔ, awɔnt, koko ara yi təteŋ, ara yi rə alambe, ara yi rəlompi, ara yi rəgbəraŋ, ara yi rəbɔthi kəli dɛ yi ara yi rəbɔthi təl; bepi ɔfinɔ ɔ yi, ɔwa sɔ-e, kəthɔkəs tȧy kə yi, botnɛ nu mȧtȧy ame rə ȧmerȧ.

AŋKɔlɔsi 3:24

Pəkasifɛ nə tȧrȧ kəyi nə tə sɔthɔ akɛŋ ro riyana, mɔ ȧrȧm kəwur ka ɔMarki; kotȧy-e nə yɔna ɔMarki Yisɔs.

1 Timɔthi 2:3

kotȧy-e ȧte tə yi təfinɔ yi təlompi ka kakəli ka Kuru ɔKisis kȧsu;

1 Timɔthi 5:4

Kɛrɛ bepi ubora ɔ ba awuth thalɔm arok-e, ta ŋaŋ aŋ mɔtha thəkəs aŋgbɛthɛŋ ŋa adina salata kabɔr ka ŋaŋ, kȧmȧ aŋ sɔŋ ka aŋa kom ŋa; ȧtesoma-e ȧte tə yi təfinɔ dɛ yi təmari rodi ka Kuru Məsaba.

1 Pitar 2:12

Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.

1 Pitar 2:20

Ȧtesoma-e ko ȧmɔmɔ mə nə ba-e, bepi nə muyu ma a sap nu ta salata maləs ama nə yɔ-e? Kɛrɛ bepi ma nə yɔ məfinɔ-e, a thalər nu ta ti, ɔwa nə muyu ti, ȧte mə bɔnɛs Kuru.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.

1 Pitar 3:16

kȧmȧ nə bɛnɛ aŋyiko a nu ȧferȧ pər, kȧmȧ pə yi ma a fofiya nu mɔ afəm aŋa yɔ aləs-e, aŋ tə wɔŋ məlap maŋ nənk mȧyɔs ma nu məfinɔ rokor ka Kraystȧŋ.