AŋRomans 13:13 - Ȧŋlemrȧnɛ Ȧfu

¹³ Maŋ kɔth nu ɔlompi mɔ mȧkɔth ma rəyaŋ, ta pə te yi rə məyi mələs yi kətis, thalɔm rə kərəp yi kətayanɛ, thalɔm rə kəgbal yi kətut.

AŋRomans 13:13 ပူးပေါင်းရင်းမြစ်များ

Luk 1:6

Ŋa ŋarəŋ aŋ yi alompi rodi ka Kuru, aŋ wop ɛthɔ yi magbək ma ɔMarki kəte ba məthɛkɛ.

Luk 16:19

Ɔwa uyola ulɔm ɔ yi ri ɔwe wɔŋ ɛlopra ɛfinɔ, ɔ di ɛyɛt ɛtȧk ȧrey o rei.

Luk 21:34

Botnɛ nu ɛmerȧ ɛ nu kȧmȧ amet, yi kətis, yi ɛsoli ya ȧdȧru are ɛ te yɔ ɛmerȧ ɛ nu ɛ fi, kȧmȧ ȧŋrey ŋati aŋ thorər nu kəthɛna mɔ məgbət.

Mȧyɔs ma aŋsom 2:15

kotȧy-e aŋe aŋ yi hɛ atis, mɔ mə nə nanɛ-e, ȧtesoma-e aŋhawa aŋa bekȧ məsas ka ȧŋrey ŋiəŋ gbo ras.

1 AŋKɔrenth 3:3

kotȧy-e nə yi ras ka mafela mələs ma madɛr. Fani kətut, yi kəgbal, yi kəpeskɛnɛ kə yi kətɔŋ kȧ nu, pə yi hɛ kəpa nə kɔth ka madɛr mɔ mə matanɛ ma afəm a kəpet mə yi-i?

AŋKȧletia 5:19

Ɔwa mȧyɔs ma madɛr mə tɔrinɛ gbafəth, mə yi; kȧrəp, kȧtayanɛ, kȧyifȧsnɛ, ɛfela ɛləs,

AŋKȧletia 5:21

ɛmilɛ, kȧdif, kȧtis, kȧbɔthər ɛmet dɛ yi mȧtȧy məwunɔŋ; ta ȧte i kȧl maŋ nu, mɔ mə i la maŋ nu thɔŋ, kəpa afəm aŋa mə yɔ mȧtȧy mati ame aŋ gbəli hɛ sɔthɔ rȧbȧy ra Kuru.

AŋƐfisɔs 4:1

Tiyȧŋ minɛŋ, ɔkɛndɛbira ka ɔMarki, i nɛmthɛnɛ nu kȧmȧ nə kɔth mɔ mə nə yi tə kəkɔth ka katela ȧke a poŋ tela nu,

AŋƐfisɔs 4:17

Ȧtesoma-e i maŋ nu, ɔwa i nɛmthɛnɛ nu ka ȧŋes ŋa ɔMarki kȧmȧ nə te sɔ kɔth mɔ tȧbona təlɔm mə aŋ kɔth, ka ɛmerȧ yaŋ ɛfoth.

AŋƐfisɔs 5:15

Tiyȧŋ gbɛŋgbɛnɛ nu kəthɛgbɛ to mȧ nə kɔth-e, kȧmȧ pə te yi mɔ afəm apənk, kɛrɛ ta pə yi mɔ atempi.

AŋƐfisɔs 5:18

Te nu tis ka mȧber, rə kəthasərnɛ; kɛrɛ yi nu anȧmrȧ yi ɔYina məsəm.

AŋƐfisɔs 5:8

kotȧy-e nə yi thəpaŋ ka asum, kɛrɛ ka-ake nə yi ɔwaŋ ka ɔMarki. Kɔth nu mɔ awuth ŋa ɔwaŋ;

AŋFilipai 1:27

Kɛrɛ yɔ nu kȧmȧ mȧyɔs ma nu mə yi məgbɛt ta ȧkɛra kəfinɔ ka Kraystȧŋ; kȧmȧ pə yi-e, bepi i der kori nu, thalɔm i bəpər hɛ, i gbəli təl ta mȧyɔs ma nu, kəpa nə təmȧ kəŋkəŋ ka mȧyi min dɛ yi ȧmerȧ ŋin tə kətim ta kȧlanɛ ka ȧkɛra kəfinɔ ka Kuru.

AŋFilipai 2:3

Te yɔ koko rə kəkolonɛ, kɛrɛ rə ȧmerȧ athoranɛ, yɔ nu kȧmȧ ukin ɔ nanɛ ulɔm tə kəyi ufisa pəthas kɔn kɔnɔnɛ.

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋKɔlɔsi 3:5

Tiyȧŋ dif nu mafela ma ȧdȧru, pə yi mɔ-e kȧrəp-o, mȧnɔkɔ-o, ɛnanɛ ɛyifas-o, mȧfela mələs-o, dɛ yi ɛfɔr ɛmara ɛyɛ yi mɔ kȧbatho ɛrɔŋ.

1 AŋThɛsȧlonika 2:12

Kama pə re yi nə gbəli kɔth mɔ pə bekȧnɛ ka Kuru, ɔwe po tela nu ka rȧbȧy rɔŋ ra ayiki.

1 AŋThɛsȧlonika 4:12

kȧmȧ nə gbəli kɔth ɔlompi kətɔŋ ka ŋaŋ aŋa te lanɛ, kȧmȧ pə re yi nə te paŋ rəka o rəka.

1 AŋThɛsȧlonika 5:17

Te nu tey kəramnɛ.

Yeməs 4:5

Nə nanɛ kəpa mȧgbal məsəm mə pa kətiŋ-i, ƆYina məsəm ɔwe yi su rokor ɔ kəlianɛ su dɛ yi kətut kəbaŋ-i?

1 Yɔn 2:6

Kɔn ɔwe mə pa ɔ yi ro ŋɔŋ, ɔ yi sɔ tə kəkɔth mɔ kɔnɔ ɔ kɔth.

2 Yɔn 1:4

I ba məbɔnɛ məbana ma i fir kəpa awuth a mu alɔm aŋ kɔth ka tȧteŋ, mɔ mə sə po sɔthɔ ayamari kəwur ka ɔKas.

Yud 1:23

aŋlɔm nə kisis, nə tafi ŋa ka anant; ba ȧney ka aŋlɔm yi rənes, hali ma nə gbɛŋa ȧsuma tȧŋ ta ɛpɔra ȧtȧ ȧŋdɛr aŋ po nɔkɔs.