AŋRomans 12:8 - Ȧŋlemrȧnɛ Ȧfu

⁸ dɛ yi ɔwe mə maŋ afəm-e, ka kȧmȧŋ kɔŋ; ɔwe mə boya-e, ta ɔ yɔ ti rə ȧmerȧ aselɔ; ɔwe mə gbəka-e ta ɔ yɔ ti rə kəbotnɛ ȧmerȧ; ɔwe mə tɔri ȧney-e, ta ɔ yɔ ti rə məbɔnɛ.

AŋRomans 12:8 ပူးပေါင်းရင်းမြစ်များ

Mathiu 25:40

Ɔwa ɔbȧy ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ po yɔ yi ka ukin ka aŋwɔnt mi-e, hali aŋlɔl lɔl aŋe-e, nǝ po yɔ ti ro rɔmi.

Mȧyɔs ma aŋsom 11:23

Ɔwa kɔnɔ ma ɔ bek-e, ɔwa ɔ nənk ȧŋboŋa ŋa Kuru-e, pə bɔnɛ kɔ. Kɔ maŋ ŋa bɛ tə kəgbȧpsȧ ɔMarki rə məbotəs ma ȧmerȧ.

Mȧyɔs ma aŋsom 13:12

Ka ɔsanthiki, ma ɔ nənk ȧtȧ po yɔnɛ-e, ɔ lanɛ, ɔ kabanɛ ka kathəksa ka ɔMarki.

Mȧyɔs ma aŋsom 13:15

Ɔwa maŋ po karaŋ ȧŋthɔ yi mȧgbal ma Aŋnȧbi, aŋgbəka ŋa ȧŋseth agbanɛ aŋ som ro rɔŋaŋ, aŋ pa, Wɔnt a su, bepi nə ba kɛra tə kəmaŋ aŋfəm, fɔf nu.

Mȧyɔs ma aŋsom 15:32

Ka Yudasȧŋ yi Sailas-əŋ, maŋ yi Aŋnȧy sɔ-e, aŋ maŋ aŋwɔnt rə sim təlai, aŋ bȧksər ŋa.

Mȧyɔs ma aŋsom 20:2

Ma ɔ po kɔth kɔth ka ɛgbap ɛye-e, ɔwa ɔ po sɔŋ ŋa ɛmaŋ ɛgbathi-e, ɔ der ro Kris, ro ɔ yirȧ yof ɛsas.

Mȧyɔs ma aŋsom 20:28

Tiyȧŋ botnɛ nu, ɔwa kȧl tȧmtȧmnɛ ta akuthi bɛ ka aŋa ɔYina məsəm ɔ po bot nu aŋkəlɛnɛ-e, kȧmȧ nə wɔnthər aŋchɔch ŋa ɔMarki aŋa ɔ po wai ka mȧtir mɔŋ gbeŋ.

Mȧyɔs ma aŋsom 4:36

Ɔwa Yosɛfȧŋ ɔwe aŋsom aŋ sɔŋ ȧŋes ŋa Barnabas, (bepi a tepa ŋi ŋə yi Wan ka kȧBɛfəth), uLifay wɔŋ, wuni ka ro Siprɔs,

AŋRomans 12:13

Bepi aŋfəm ŋa Kuru aŋ paŋ rəka-e, sɔŋ nu tə kəmar ŋa; bȧsər nu kəfantha atik.

AŋRomans 13:6

Ɔwa ta ȧŋsabu aŋe nə ram ɛthaks sɔ; aŋgbəka ŋa yi ɛbɔy ya Kuru tə kəyɔ mapanth ame gbeŋ.

1 AŋKɔrenth 12:28

Kuru ɔ po bot ti ka aŋgbanɛ ŋa aŋfəm ŋɔŋ kȧmȧ alɔm aŋ tə yi asom, kəbeka ŋarəŋ anȧbi, kəbeka asas akarmɔkɔ, kədarəŋ kati məyɔ məkabanɛ, ɛboya ya kəyeŋkəs, kəmar, agbəka, yi tənt tətəp.

1 AŋKɔrenth 14:3

Kɛrɛ kɔn ɔwe mə nabi-e, ɔ fɔf tə kətempəs ɛmerȧ ya afəm yi kəbaksər dɛ yi kəbɛfəth.

2 AŋKɔrenth 1:12

Kakolonɛ kȧsu ki ake, pə yi mɔ-e, aseri ŋa ɛmerȧ ɛ su-e, kəpa rə məsəm yi tȧteŋ rodi ka Kuru, pə yi hɛ rə kȧtemp ka rawuni kəpet kɛrɛ ka ȧŋboŋa ŋa Kuru, sə po kɔth ka ȧdȧru, ɔwa pə tha gbethi ro rɔnu.

2 AŋKɔrenth 11:3

Kɛrɛ i soli ta thani mɔ mə ȧŋbok ɔ tɔns Ma Hawa ka masɔth mɔŋ-e, yaŋ sɔ ɛmerȧ ɛ nu ɛ tə yɛthȧ kəwur ka ɔfɔy tȧy dɛ yi ɔfethər ɔwe yi ka Kraystȧŋ.

2 AŋKɔrenth 8:12

kotȧy-e, bepi ȧŋmerȧ abɛnɛnɛ ŋati aŋ yi ri-e, a malanɛ ŋi kətȧŋȧnɛ mɔ mə wuni mɔ ba, pə yi hɛ mɔ mɔ te ba.

2 AŋKɔrenth 9:11

Kaŋka a naŋfas nu rə tȧy o tȧy kəkɔ ka kəfosiri kəbana ȧke mə yɔ a muti Kuru mɔmɔ kətaŋ do rɔsu.

2 AŋKɔrenth 9:13

Ɔwa ma a gbɛlɛŋ nu asabu ŋa kayerəs ake, aŋ yikis Kuru ta kawop aŋgbithanɛ ka nu ka ȧsim təfinɔ ta Kraystȧŋ, rɛ yi ta kȧfosiri ka nu ta ȧtȧ ŋaŋ, dɛ yi ta afəm bɛ.

2 AŋKɔrenth 9:7

Ta wuni o wuni ɔ sɔŋ mɔ mɔ nanɛ ka ȧŋmerȧ ŋɔŋ. Ta pə te yi rə kəsuma thalɔm rə kəfɔsar, kotȧy-e Kuru ɔ bɔthər wuni ɔwe mə sɔŋ rə məbɔnɛ.

AŋƐfisɔs 6:5

Naŋ ɛbɔy, wop nu ȧrim ra ŋaŋ aŋa yi amarki a nu ka rawuni kəpet, rə rənes yi kəyɛr, dɛ yi rə ȧmerȧ ȧferȧ, mɔ ka Krayst.

AŋKɔlɔsi 3:22

Naŋ ɛbɔy, wop nu ȧrim o rim ra ŋaŋ aŋa ba nu ka ȧdȧru are; ta pə te yi rə kəyɔr gbo mɔ ŋaŋ aŋa yema gbo thesanɛ afəm, kɛrɛ rə ȧmerȧ ȧferȧ, ka ranes ra Kuru.

1 AŋThɛsȧlonika 2:3

kotȧy-e ȧŋmȧŋ a su aŋ wur hɛ rə kəyɛthȧ, thalɔm məpulkɛ, ta a pa ras məsɔth;

1 AŋThɛsȧlonika 2:8

Tiyȧŋ, pəkasifɛ sə bɔthər nu haŋ-e, pə bɔnɛ su finɔ tə kəsɔŋ nu, pə yi hɛ gbo ȧkɛra kəfinɔ ka Kuru-e, kɛrɛ hali ɛmerȧ ɛ su sɔ, ma pə yi ti nə po səkɛ aŋwuth a su abɔthər.

1 Timɔthi 4:13

Sɔŋ ȧŋmerȧ a mu ɔbaksər tə kəkaraŋ, yi tə kəmaŋ, dɛ yi tə kəthəksa haŋ i der.

1 Timɔthi 5:17

Ta aŋbȧki aŋa yɔ mapanth maŋ finɔ aŋ sɔthɔ yiki mȧrəŋ mȧrəŋ, pə tha gbethi ŋaŋ aŋa mə kawandi yi aŋa mə thəksa,

1 Timɔthi 6:18

Maŋ ŋa kȧmȧ aŋ yɔ təfinɔ, dɛ yi kȧmȧ aŋ yi ayola ka mȧyɔs məfinɔ dɛ yi tɛmp tɛmp tə kəsɔŋ ɛboya.

AŋHibru 10:25

Ɔwa maŋ te nu pənɛ tə kəgbanɛ rɔkin, mɔ mə afəm alɔm mə aŋ pənɛ; kɛrɛ maŋ bȧksəranɛ nu təbuth, pə tha gbethi ma nə nənk kəpa ȧŋrey ŋa Krayst aŋ po fat.

AŋHibru 13:17

Wop nu ȧrim ra aŋkərbomp, ɔwa sanɛ ka aŋbȧki rokɔm ka nu; kotȧy-e aŋ bumər ɛŋesəm ɛ nu mɔ afəm aŋa ba kəsɔŋ akanɛ, kȧmȧ aŋ gbəli sɔŋ ŋi yi məbɔnɛ, pə yi hɛ yi ɔnɔsinɛ, kotȧy-e ȧte tə gbəli hɛ mar nu.

AŋHibru 13:22

I nɛmthɛnɛ nu awɔnt, muyu nu ȧŋmȧŋ aŋe, ȧtesoma-e i po gbalər nu gbo areka agbut.

AŋHibru 13:24

Kori ŋaŋ aŋa yi rokɔm ka nu, dɛ yi aŋsəm bɛ. Ŋaŋ ro Itali aŋ kori nu.

AŋHibru 13:7

Nanɛ nu ŋaŋ aŋa yi aŋkərbomp a nu aŋa po tɔri nu ȧsim ta Kuru; kala ȧmerȧ ka mayi maŋ, ɔwa tansanɛ kȧlanɛ ka naŋ.