AŋRomans 12:2 - Ȧŋlemrȧnɛ Ȧfu

² Te taŋanɛ mȧtȧy ma ȧdȧru ȧre, kɛrɛ lafthɛ kȧmȧ ɛmerȧ ɛ nu ɛ səkɛ ɛfu, kȧmȧ nə gbɛlɛŋ mȧselɔ ma Kuru ama yi məfinɔ, məthesa yi məgbenthis.

AŋRomans 12:2 ပူးပေါင်းရင်းမြစ်များ

Mathiu 13:22

Ɔwa kɔnɔ ɔwe a sak ka tabaŋk ratɔŋ-e, kɔnɔ yi ɔwe mǝ tǝl ȧrim, kɛrɛ aŋsoli ŋa ȧdȧru yi matɔns ma rȧyola mǝ tɔkǝr ȧrim, ɔwa ɔ kom hɛ sɔ mǝkomi.

Mark 4:19

kɛrɛ ɛsoli ya ȧdȧru, yi matɔns ma rəyola, ɔwa mafela ma mȧtȧy məlɔm mə der-e, mə thiŋkanɛ ȧrim, ɔwa rə ba hɛ məkomi.

Yɔn 14:30

I fɔfȧnɛ hɛ nu sɔ ɔgbȧthi: kotȧy-e rȧbomp ra ȧdȧru are ɔ der, kɛrɛ ɔ ba hɛ tȧy o tȧy ro mi.

Yɔn 15:19

Bepi nə yi aŋa ȧdȧru, ȧdȧru rə tə bɔthər aŋɔŋ: kɛrɛ ma nə te yi aŋa ȧdȧru, kɛrɛ i po thith nu kəwur ka ȧdȧru-e tiyȧŋ ȧdȧru rə gbɛŋa nu.

Yɔn 17:14

I po sɔŋ ŋa ȧrim ra mu, ka ȧdȧru rə gbɛŋa ŋa, pəkasifɛ aŋ yi hɛ ta ȧdȧru, mɔ minɛ i te yi ta ȧdȧru.

Yɔn 7:7

Raru rə gbəli hɛ gbɛŋa nu; kɛrɛ rə gbɛŋa mi, pəkasifɛ i gbaki ta ti kəpa mȧyɔs mati mə yi mələs.

AŋRomans 12:1

Tiyȧŋ i nɛmthɛnɛ nu, aŋwɔnt mi, ka ȧŋney ŋa Kuru kȧmȧ nə sɔnd madɛr ma nu mɔ sathka təkəli, təsəm dɛ yi təbeki ta Kurɔŋ; tə yi kabȧtho ka nu kəlompi.

AŋRomans 13:14

Kɛrɛ wɔnsənɛ nu ɔMarki Yisɔs Krayst, ɔwa te botərnɛ ti rə ȧmerȧ tə kəlasər mafela ma madɛr.

AŋRomans 7:12

Tiyȧŋ ȧŋthɔ aŋ yi asəm, yi aŋyamari aŋ yi asəm, alompi dɛ yi afinɔ.

AŋRomans 7:14

kotȧy-e sə tȧrȧ kəpa ȧŋthɔ aŋ yi asəm kɛrɛ minɛ i yi gbo ka mafela ma ȧŋdɛr, i yi utar ka ahakɛ.

AŋRomans 7:22

kotȧy-e ɔ bɔnɛ mi ro ȧmerȧ salata ȧŋthɔ ŋa Kuru.

1 AŋKɔrenth 3:19

kotȧy-e kȧtemp ka ȧdȧru are kə yi apənk ka Kurɔŋ. Ȧtesoma-e a po gbal kəpa, Ɔ tə wop antempi ka masɔth maŋ gbeŋ.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

2 AŋKɔrenth 5:17

Ȧtesoma-e bepi wuni o wuni ɔ yi rokor ka Kraist-e, ɔ yi wuni fu. Mȧtȧy məkur mə po thas; kəla mȧtȧy bɛ mə po səkɛ məfu.

AŋKȧletia 1:4

ɔwe sɔndnɛ ta ɛhakɛ ɛ su, kȧmȧ ɔ tafi su ka ȧdȧru rələs are, mɔ mə mȧselɔ ma Kuru yi ɔKas kȧsu mə yi;

AŋƐfisɔs 1:18

Tə kəyi a sɔkəth ɛfɔr ya ɛmerȧ ɛ nu kȧmȧ nə tȧrȧ ko kəgbak ȧmerȧ nə ba ka kamuti kɔŋ, dɛ yi ko yi rayola ra aŋyiki ŋa akɛŋ kɔŋ ka aŋsəm,

AŋƐfisɔs 2:2

ro pə yi nə la kɔth ka matanɛ ma ȧdȧru are, kətȧŋȧnɛ ka ɔbȧy ka ɛfɔsɔ ya aŋfena, pə yi mɔ-e aŋyina aŋa mə korakora ɛmerȧ ya aŋwuth ȧthȧnthonɛ.

AŋƐfisɔs 5:17

Ɔwa te nu yi mɔ afəm aŋa te tȧrȧ, kɛrɛ sɔthnɛ ko mȧselɔ ma ɔMarki mə yi.

AŋKɔlɔsi 1:9

Ȧtesoma-e saŋ sɔ, kȧbi ka ȧŋrey aŋa sə po təl ti-e, sə tey hɛ bɛ tə kəramnɛ dɛ yi kənɛmthɛnɛ ta ȧtȧ nu, kaŋka nə la yi kȧtȧrȧ ka mȧselɔ mɔŋ, rə kətemp dɛ yi kətara tȧy bɛ rə ɔYina.

AŋKɔlɔsi 3:10

ɔwa nə po wɔŋ ɔwuni fu, ɔwe a səki ufu rə kətara tȧy kətȧŋȧnɛ ka mȧbȧlȧnɛ ma ɔTəpi;

AŋKɔlɔsi 4:12

Ɛpafras ɔwe yi ukin ka nu-e, ȧbɔy ŋa Yisɔs Krayst, ɔ kori nu; lɔkɔ o lɔkɔ ɔ sulnɛ ka taramnɛ tɔŋ ta ȧtȧ nu, kȧmȧ nə təmȧ agbenthis dɛ yi apələnɛ ka mȧselɔ ma Kuru.

1 AŋThɛsȧlonika 4:3

kotȧy-e mȧselɔ ma Kuru, miyȧŋ, hali kasəməs ka nu, kȧmȧ nə te yɔ kərəp.

Taytɔs 3:5

ɔ kisis su, pə yi hɛ salata mȧyɔs məlompi ama sə poŋ yɔ, kɛrɛ ɔ kisis su asabu ŋa ȧŋney ŋɔŋ, ka kafethər ȧke kȧl kom ɔfu, dɛ yi ka kafusəs ka ɔYina məsəm,

Yeməs 1:27

Kakɔth ka aroŋ da Kuru kətəteŋ ȧke te ba apora ro der kəri ka ɔKuru dɛ yi ɔKas kȧsu ki ake, tə kənanɛ ante ba kas yi ȧŋbora ka ȧŋsɔmpanɛ a ŋaŋ, yi tə kəbɛnɛ ȧŋmerȧ ŋɔŋ kəte ba apora ka ȧdȧru.

Yeməs 4:4

Na afəm arəpi nə tȧrȧ hɛ kəpa mamanɛ ma ȧdȧru mə yi kəgbɛŋȧ Kuru-i? Tiyȧŋ wuni o wuni ɔwe yema yi uyathki ka ȧdȧru ɔ səkɛ utheranɛ ka Kuru.

1 Pitar 1:14

Mɔ awuth arusəma, te nu taŋanɛ mafela ma nu məbaŋ ama nə la taŋanɛ ka ȧŋlɔkɔ ŋa kate tȧrȧ ka nu thəpaŋ.

1 Pitar 1:18

Ȧtesoma-e nə tȧrȧ kəpa a bani hɛ nu yi ɛyɛt ɛyɛ ba kələsȧ, mɔ akala ȧferȧ dɛ yi məbɔŋɔ, kəwur ka mayi ma nu məyay ama nə sɔthɔ kəwur ka aŋbemba-a nu;

1 Pitar 2:3

Ȧtesoma-e nə po thɔŋ tham ȧŋboŋa ŋa ɔMarki,

1 Pitar 4:2

kȧmȧ ɔ te sɔ yirȧ ka marey ma aŋesəm ŋɔŋ bɛ tə kəthənsər mafela ma madɛr, kɛrɛ tə kəyɔ mȧselɔ ma Kuru.

2 Pitar 1:4

Ta ȧte ɔ po sɔŋ su ɛlahiri yɔŋ ɛbana ɛkɛŋ, kȧmȧ pə yi di kati nə gbəli ba ani ka mayi ma Kuru, ma nə po fisɔsnɛ kəwur ka mȧnɔkɔ ma ȧdȧru salata ɛmilɛ ɛləs.

2 Pitar 2:20

Ȧtesoma-e kədarəŋ ka maŋ po wur ka mȧkɔsɔ ma ȧdȧru ta salata kȧtȧrȧ ka ɔMarki ɔKisis Yisɔs Kraystȧŋ, bepi aŋ kȧl sɔ rəfthanɛ ri-e, mȧtəmȧ maŋ mələpsɔ mə tə yi mələs pəthasi mȧtɔtɔkɔ.

1 Yɔn 3:13

Tiyȧŋ awɔnt te nu kabanɛ, bepi ȧdȧru rə gbɛŋa nu.

1 Yɔn 5:19

Saŋ sə tȧrȧ kəpa sə yi ka Kuru, yi ȧdȧru bɛ rə yi ka aŋfɔsɔ ŋa Sethani.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.