AŋRomans 12:1 - Ȧŋlemrȧnɛ Ȧfu

¹ Tiyȧŋ i nɛmthɛnɛ nu, aŋwɔnt mi, ka ȧŋney ŋa Kuru kȧmȧ nə sɔnd madɛr ma nu mɔ sathka təkəli, təsəm dɛ yi təbeki ta Kurɔŋ; tə yi kabȧtho ka nu kəlompi.

AŋRomans 12:1 ပူးပေါင်းရင်းမြစ်များ

Luk 7:47

Tiyȧŋ i kanɛ mu, ɛhakɛ yɔŋ ɛyɛ yi ɛgbathi, a po kɔ yi tera, kotȧy-e ɔ bɔthər ɔbana; kɛrɛ ɔwe a tera ɔthan, kɔnɔ bɔthər ɔthan.

AŋRomans 12:2

Te taŋanɛ mȧtȧy ma ȧdȧru ȧre, kɛrɛ lafthɛ kȧmȧ ɛmerȧ ɛ nu ɛ səkɛ ɛfu, kȧmȧ nə gbɛlɛŋ mȧselɔ ma Kuru ama yi məfinɔ, məthesa yi məgbenthis.

AŋRomans 15:16

kȧmȧ minɛŋ i yi naŋ ȧbɔy ŋa Yisɔs Krayst ka tȧbona təlɔm, tə kəyɔ mapanth ma mapa məfinɔ ma Kuru, kȧmȧ i lȧnki tȧbona təlɔm ka Kuru mɔ asathka təmar malanɛ ȧtȧ ɔYina məsəm ɔ səməs.

AŋRomans 15:30

Ɔwa aŋwɔnt a mi, i nɛmthɛnɛ nu salata ɔMarki Yisɔs Krayst yi salata mabɔthər ma ɔYina məsəm, kȧmȧ nə timnɛ yi minɛŋ ka taramnɛ ta nu ka Kuru ta ȧtȧ mi;

AŋRomans 2:4

Thalɔm mə sai rayola ra mathɔth mɔŋ yi ȧŋney dɛ yi kamuyu kɔŋ kəlele-i? Mə tɛ hɛ kəpa mathɔth ma Kuru mȧ mə yɔ mu mə thupi-i?

AŋRomans 6:13

Te sɔnd malaŋktha ma madɛr ma nu ka ahakɛ mɔ ɛyɛt ɛtima ya mȧkənȧ, kɛrɛ sɔndnɛ ka Kuru mɔ afəm akəli aŋa po wur ka rəfi kəkɔ ka aŋesəm, yi malaŋktha ma madɛr ma nu mɔ ɛyɛt ɛtima ya məlompi salata Kuru.

AŋRomans 6:16

Nə tɛ hɛ kəpa ka ɔwe nə sɔndnɛ mɔ atar asanɛ, nə yi ɛbɔy ya ɔkin kati, pə yi ka ahakɛ kəkɔ ka rəfi-e, thalɔm pə yi ka kəsanɛ Kuru kəkɔ ka məlompi-i?

AŋRomans 6:19

I fɔf mɔ wuni kəpet salata mȧrȧnt ma madɛr ma nu; kotȧy-e mɔ mə nə la sɔnd malaŋktha ma nu tə kəyɔ mələs dɛ yi mȧkənə tətəp tətəp bɛ, ɔwa ka-ake nə yi tə kəsɔnd malaŋktha ma nu tə kəyɔ məlompi kəkɔ ka kȧsəməsnɛ.

AŋRomans 9:23

kȧmȧ ɔ tɔri rayola ra aŋyiki ŋɔŋ ka aŋfəm ŋa ȧŋney ŋɔŋ aŋa ɔ bɛmpa thəpaŋ ta ayiki,

1 AŋKɔrenth 1:10

Ɔmari nu, awɔnt, ka ȧŋes ŋa ɔMarki kȧsu Yisɔs Kraystȧŋ, i nɛmthɛnɛ nu kȧmȧ nə ba rim din, dɛ yi kȧmȧ ɔgbaskɛ gbaskɛ ɔ te yi kətɔŋ ka nu, kɛrɛ ba nu ȧmerȧ ŋin yi məgbək min.

2 AŋKɔrenth 10:1

Ɔwa minɛ Pɔl, i nɛmthɛnɛ nu ka kathoranɛ yi mathɔfəl ma Krayst, minɛ ɔwe yi uthoranɛ ka kȧbəprȧnɛ ka nu, kɛrɛ ma i te bəpər i fɔfȧnɛ nu rə kəmintha.

2 AŋKɔrenth 4:1

Tiyȧŋ ma pə yi ti-e, sə ba kabȧtho ake, mɔ mə sə po thɔŋ sɔthɔ ȧney-e, sə thamrɔ hɛ;

2 AŋKɔrenth 4:16

Tiyȧŋ sə thamrɔ hɛ, hali ma madɛr ma su ma rokaŋ mə dinɛ, halisa a kȧl fus ɛmerȧ ɛ su ɛyɛ yi rokor ȧrey o rei.

2 AŋKɔrenth 5:20

Tiyȧŋ sə yi aŋsom ŋa Kraystȧŋ, pə yi mɔ Kuru ɔ nɛmthɛnɛ nu kətaŋ do rɔsu. Saŋ sə nɛmthɛnɛ nu salata Kraystȧŋ tə kəkal manɛ yi Kuru.

2 AŋKɔrenth 6:1

Ɔwa ma sə pantnɛ yi kɔn ka mȧpanth-e, sə nɛmthɛnɛ nu kȧmȧ nə te sɔthɔ ȧŋboŋa ŋa Kuru kətiŋ.

AŋƐfisɔs 4:1

Tiyȧŋ minɛŋ, ɔkɛndɛbira ka ɔMarki, i nɛmthɛnɛ nu kȧmȧ nə kɔth mɔ mə nə yi tə kəkɔth ka katela ȧke a poŋ tela nu,

AŋƐfisɔs 5:10

Thəkəs nu-e kȧmȧ nə tȧrȧ ko mə bɔnɛs ɔMarki.

AŋFilipai 1:20

kətȧŋȧnɛ ka ȧŋmerȧ ȧpələnɛ dɛ yi kagbak ȧmerȧ kȧmi; kȧmȧ i te lap rə tȧy o tȧy, kɛrɛ rə kəmintha bɛ, Krayst ɔ tə sɔthɔ ayiki ka ȧŋdɛr a mi ka-ake, dɛ yi alɔkɔ bɛ, pə yi ka ŋesəm-o, thalɔm ka rəfi.

AŋFilipai 2:17

Yao, hali i yi sathka ta kȧlanɛ ka nu, i ba ti məbɔnɛ, ka i yasanɛ rɛ məbɔnɛ dɛ yi nia bɛ.

AŋFilipai 4:18

Kɛrɛ i ba koko bɛ thɔŋ, rəgbathi gbo, ma i po sɔthɔ ka kȧta ka Ɛpafroditɔs aboya afinɔ aŋa nə po somra mi mɔ abɔnt afɔlfɔl, sathka təbɔthi malanɛ ȧtȧ mə bɔnɛs Kuru Məsaba.

1 AŋThɛsȧlonika 4:1

Ka kaləpsɔ sə nɛmthɛnɛ nu awɔnt, ɔwa sə maŋ nu ka ɔMarki Yisɔs, kəpa mɔ mə sə po tɔri nu to nə yi tə kəkɔth dɛ yi tə kəbɔnɛs Kuru-e, mɔlɔ min mɔ mə nə kɔth thɔŋ ka-ake, ɔwa bȧsər nu kɔ kədi.

1 AŋThɛsȧlonika 4:10

Tə tɛntɛnɛ nə bɔthər aŋwɔnt bɛ aŋa yi ro Masidoniya; kɛrɛ sə nɛmthɛnɛ nu, awɔnt, kȧmȧ nə bȧr gbo yɔ yi.

1 AŋThɛsȧlonika 5:12

Sə nɛmthɛnɛ nu awɔnt, kȧmȧ nə yikis ŋa aŋa yɔ məpanth kətɔŋ ka nu, pə yi mɔ ŋaŋ aŋa yi rokɔm ka nu ka ɔMarki, aŋa mə maŋ nu.

1 Timɔthi 2:3

kotȧy-e ȧte tə yi təfinɔ yi təlompi ka kakəli ka Kuru ɔKisis kȧsu;

1 Timɔthi 5:4

Kɛrɛ bepi ubora ɔ ba awuth thalɔm arok-e, ta ŋaŋ aŋ mɔtha thəkəs aŋgbɛthɛŋ ŋa adina salata kabɔr ka ŋaŋ, kȧmȧ aŋ sɔŋ ka aŋa kom ŋa; ȧtesoma-e ȧte tə yi təfinɔ dɛ yi təmari rodi ka Kuru Məsaba.

Faylimɔn 1:10

i nɛmthɛnɛ mu ta ɔwan kȧmi Onisimɔs ɔwe i po kom ka atɔrɛntha ta mi,

Faylimɔn 1:9

kɛrɛ salata mȧbɔthər-e, i tha yema nɛmthɛnɛ mu, hali minɛ Pɔlȧŋ, ɔthem ubaki, yi ukɛndɛbira ta Yisɔs Krayst sɔ;

AŋHibru 13:22

I nɛmthɛnɛ nu awɔnt, muyu nu ȧŋmȧŋ aŋe, ȧtesoma-e i po gbalər nu gbo areka agbut.

1 Pitar 2:20

Ȧtesoma-e ko ȧmɔmɔ mə nə ba-e, bepi nə muyu ma a sap nu ta salata maləs ama nə yɔ-e? Kɛrɛ bepi ma nə yɔ məfinɔ-e, a thalər nu ta ti, ɔwa nə muyu ti, ȧte mə bɔnɛs Kuru.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.