AŋRomans 11:36 - Ȧŋlemrȧnɛ Ȧfu

³⁶ kotȧy-e ɛyɛt bɛ ɛ yi kətȧŋȧnɛ dɛ yi kəwur do rɔŋɔŋ, ɔwa ɛ yi ta atɔŋ bɛ; ɔwa ta kɔnɔ yi ayiki ta thȧnkȧŋ thəbana. Amina.

AŋRomans 11:36 ပူးပေါင်းရင်းမြစ်များ

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

Luk 19:38

kaŋ pa, Ubȧy uruba wɔŋ ɔwe mə der ka ȧŋes ŋa ɔMarki; məthɔfəl ro riyana, ɔwa yiki rokɔm kɔm.

Luk 2:14

Ta Kuru ɔwe yi rokɔm ɔ ba ayiki, Ta məthɔfəl mə yi nɔru ka aŋfəm aŋa mə thesis kɔ.

Mȧyɔs ma aŋsom 17:28

kotȧy-e, ro rɔŋɔŋ sə ŋesəm, sə borȧnɛ ɔwa sə yi, mɔ mə məgbal məlɔm ma ɔleŋ ka nu mə pa, Saŋ sɔ sə yi rȧkomra rɔŋ.

AŋRomans 16:27

ta ayiki aŋ yi ka ɔKuru utempi son, salata Yisɔs Kraystȧŋ thȧnkȧŋ thəbana. Amina.

1 AŋKɔrenth 11:12

kotȧy-e mɔ mə ɔwuni bom ɔ la wur ka ɔwan duni-e, yaŋ sɔ ka-ake ɔwan duni mɔ wur ka ɔwuni bom; ka mȧtȧy bɛ mə wur ka Kuru Məsaba-əŋ.

1 AŋKɔrenth 8:6

kɛrɛ saŋ sə ba gbo ɔKuru ukin, pə yi mɔ ɔKas ɔwe təpi ɛyɛt bɛ, ɔwa saŋ sə ba aŋesəm kətȧŋȧnɛ kɔŋ. Dɛ yi ɔMarki kin gbo ɔ yi, Yisɔs Krayst kɔnɔŋ; ka asabu ŋɔŋ ɛyɛt bɛ ɛ yi, ɔwa ka ɔwe saŋ sɔ sə yi.

AŋKȧletia 1:5

ɔwe ba ayiki thȧnkȧŋ thəbana. Amina.

AŋƐfisɔs 3:21

ɔwa ta ayiki aŋ yi do rɔŋɔŋ rokor ka aŋchɔch dɛ yi ka Yisɔs Krayst haŋ thɔŋ təkomra bɛ, thȧnkȧŋ o thȧnkȧŋ. Amina.

AŋFilipai 4:20

Ɔwa ka-ake ta ayiki aŋ yi ka Kuru ɔKas kȧsu thȧnkȧŋ o thȧnkȧŋ. Amina.

1 Timɔthi 1:17

Ɔwa ka-ake, ta ɔBȧy ka thəbana, ɔwe te fi, ɔwe sə te nəŋka rəfɔr, ɔKuru utempi son, ta ɔ sɔthɔ yiki yi kəkolo thȧnkȧŋ thəbana, Amina.

1 Timɔthi 6:16

ɔwe pə yi kɔn son ɔ ba aŋesəm thəbana ka aŋyɛthɛ ŋɔŋ, rə kəyira ka ȧŋmothȧ aŋa wuni o wuni ɔ gbəli hɛ fatər; ɔwe wuni o wuni ɔ te tha nənk, ta a pa ras ɔ gbəli hɛ nənk; ɔwe ba yiki yi afɔsɔ thȧnkȧŋ thəbana, Amina.

2 Timɔthi 4:18

ƆMarki kɔnɔŋ ɔ tə kisis mi ka mȧləs bɛ, ɔwa ɔ tə bɛnɛ mi ka rȧbȧy rɔŋ rəsəm. Ta kɔn yi ayiki haŋ thȧnkȧŋ thəbana. Amina.

AŋHibru 13:21

ɔ yɔ nu nə yi agbenthis rə tȧy o tȧy təfinɔ, tə kəyɔ mȧselɔ mɔŋ, kȧmȧ ɔ yɔ mapanth rokor ka nu ama mə mar nu tə kəbɔnɛs kɔ, kətȧŋȧnɛ ka Yisɔs Krayst; ɔwe ba ayiki thȧnkȧŋ o thȧnkȧŋ. Amina.

AŋHibru 2:10

Ɔwa kɔnɔ ta ɔwe ɛyɛt bɛ ɛ yi, dɛ ɔwe mə bȧksər mȧtȧy bɛ-e, ma ɔ kȧrȧ awuth agbȧthi ka ayiki-e, pə yi ɔlompi kama-e ɔ gbenthis ɔTəpi wa kakisi ka ŋaŋ kətȧŋȧnɛ ka kənakasi.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.

1 Pitar 5:11

Ta kɔnɔ ba ayiki, dɛ yi afɔsɔ ŋa rȧbȧy thȧnkȧŋ thəbana. Amina.

2 Pitar 3:18

Kɛrɛ bȧk nu ka ȧŋboŋa yi ka kȧtȧrȧ ka ɔMarki kȧsu yi ɔKisis Yisɔs Krayst. Ta kɔnɔ yi aŋyiki kətəp ka ka-ake haŋ thȧnkȧŋ thəbana. Amina.

Yud 1:25

ta kɔnɔ ɔKuru son ɔKisis kȧsu ɔ sɔthɔ ayiki, kəthɔkəs, rȧbȧy yi ɛfɔsɔ kətȧŋȧnɛ ka Yisɔs Krayst ɔMarki kȧsu katəp yeŋka ɛlɔkɔ ɛ yi dɛ ka-ake dɛ haŋ thȧnkȧŋ thəbana. Amina.

Kȧŋȧibinɛ 19:1

Kədarəŋ ka mȧtȧy ame-e, i təlȧ sim təbana ta afəm agbȧthi ro riyana, kaŋ pa, Aleluya; kəkisi, yi ayiki, dɛ yi afɔsɔ ɛ yi ka ɔMarki ɔKuru kȧsu;

Kȧŋȧibinɛ 21:6

kɔ kanɛ mi, Tə poŋ thɔŋ lasər. Minɛ i yi Alfa dɛ yi Omeka, ɔTəpi dɛ yi ɔGbanthir; ɔwa i ti sɔŋ ka ɔwe ba rəmun-e, ȧmȧnt ma kabath kəsəm kəyaŋkaŋ.

Kȧŋȧibinɛ 7:10

kaŋ ŋata sim gbaŋkəlo, aŋ pa, Kakisi kə yi ka ɔKuru kȧsu ɔwe yirȧ ka kawaŋ ka rȧbȧy, dɛ yi ka kaLɔmɛ kəfɛth.

Kȧŋȧibinɛ 7:12

Kaŋ pa, Amina; aruba, yi kəthɔkəs, yi kətemp, yi mɔmɔ, yi ayiki, yi afɔsɔ, yi kəgbəli tȧy ɛ yi ka ɔKuru kȧsu thȧnkȧŋ thəbana. Amina.