Ɔwa maŋ kasi kɔ-e, aŋ kȧl təp tə kəfɔf ɔləs-e, ɔ wɔnwɔn ɛlopra yɔŋ, ɔ pa ro ŋaŋ, Mȧtir ma nu mə rensa ka tabomp ta nu. Minɛŋ i yi ugbəraŋ. Kətəp ka-ake i ti kɔnɛ ka tȧbona təlɔm.
kotȧy-e, salata ȧŋboŋa aŋa a sɔŋ mi-e, i pa ka wuni o wuni ɔwe yi kətɔŋ ka nu, ta ɔ te nanɛnɛ pəthas ȧtȧ ɔ yi tə kənanɛ; ta ɔ nanɛ gbo rə ȧmerȧ akəthɛgbɛ, ukin o kin mɔ mȧ Kuru ɔ poŋ thuntha kɔ kȧlanɛ.
Tiyȧŋ, ambɔthər a mi, mɔ mȧ nə poŋ thɔŋ sanɛ ȧrim lɔkɔ o lɔkɔ, pə yi hɛ gbo ma i yi kətɔŋ ka nu, kɛrɛ pə tha gbethi ka kate kȧmi bəpər, bȧsər kȧmȧ nə yɔ kakisi ka nu kə yi kəpons, rə rənes dɛ yi kəyɛr yɛr.
Ɔwe mə tim, kɔ ŋatanɛ kəŋamnɛ kuru o kuru, thalɔm rəka o rəka mə a bȧtho; haŋ thɔŋ kɔnɔ gbeŋ ɔ tə yirȧ ka ȧŋseth ŋa Kuru asəm, kɔ pa kɔn kɔnɔnɛ ɔ yi Kuru Məsabaŋ.
Maŋ ŋaŋ aŋa ba rəyola ka ȧdȧru are kȧmȧ aŋ te ba kəbonɛ tȧy, ɔwa kȧmȧ aŋ te gbak ȧmerȧ ka rayola ara ba kəpoŋ, kɛrɛ ka ɔKuru ukəli, ɔwe po sɔŋ su tȧy o tȧy təfinɔ ta mabɔnɛ ma su.
I somra ȧŋreka agbut aŋe ka kȧta ka Silfenɔs, ɔwɔnt su ubɔthi lanɛ, tə kəbaksər tabuth ta nu, yi tə kəseri kəpa ȧtȧ i po tɔri nu tə yi ȧŋboŋa atəteŋ ŋa Kuru. Təmȧ ri ɔbaksər.
Ka ɔgbȧthi ɔ la kori korinɛ rə kətayanɛ-e, kala kɔ nu anthunth ŋin ŋati ŋa athalər rɛ kəbok; kotȧy-e ɔ pa ka ȧŋmerȧ ŋɔŋ, Minɛŋ i yi ubȧy ubɛra, i yi hɛ ubora, i gbəli hɛ nənk kəbok.