AŋRomans 11:14 - Ȧŋlemrȧnɛ Ȧfu

¹⁴ kȧmȧ pə gbəli yi rə roŋ o roŋ i gboŋkthas aŋfəm a mi yi kətut, ɔwa kȧmȧ pə yi di kati alɔm aŋ tə kisi.

AŋRomans 11:14 ပူးပေါင်းရင်းမြစ်များ

AŋRomans 10:19

Ɔwa i kȧl yif sɔ, Isrɛl ɔ la hɛ tara-i? Ka ɔtɔtɔkɔ Mosis ɔ pa, I ti yɔ nu nə tə ba kətut salata ŋaŋ aŋa te la yi abona, Ɔwa yi abona aŋa te la tȧrȧ tȧy i ti bansəs nu.

AŋRomans 11:11

Tiyȧŋ i yif, Kȧpəth ka ŋaŋ kə tə yɔ ŋa aŋ dinɛ thaŋkaŋ-i? Saki ti. Kɛrɛ salata kabunɛ ka ŋaŋ kəkisi kə po bek ka tȧbona təlɔm, tə kəyɔ Isrɛl aŋ ba kətut.

AŋRomans 9:3

kotȧy-e i gbəli naŋ fela kȧmȧ min minɛnɛŋ i yi uraŋka kəwur ka Krayst salata aŋwɔnt a mi aŋa yi ka ȧŋbona a mi gbeŋ;

1 AŋKɔrenth 1:21

Ma pə yi kətȧŋȧnɛ ka kȧtemp ka ȧdȧru-e adaru rə tɛ hɛ Kuru-e, rodarəŋ kati Kurɔŋ ka kȧtemp kɔŋ, ɔ thith tə kəkisis aŋa lanɛ ka ȧŋpənk ŋa kakawandi.

1 AŋKɔrenth 10:33

Mɔ mȧ minɛ i yɔ kȧmȧ pə bɔnɛ afəm bɛ ka tȧy o tȧy, ɔwa i thɛns hɛ ȧtȧ yi təbȧrnɛ ta ȧtȧ mi gboŋ-e, kɛrɛ ȧtȧ yi təbarnɛ ta agbȧthi, kȧmȧ aŋ kisi.

1 AŋKɔrenth 7:16

Tiyȧŋ, munɔ ɔrani to mə gbəli tȧrȧ bepi mə tə kisis ɔwos mu-i, thalɔm munɔ ɔwos, to mə gbəli tȧrȧ bepi mə tə kisis ɔrani ka mu-e?

1 Timɔthi 1:15

Ȧŋpa aŋe aŋ yi abɔthi malanɛ bɛ, ɔbeki ta afəm bɛ tə kəlanɛ, kəpa ye Krayst Yisɔs ɔ der ka ȧdȧru tə kəkisis afəm ŋa ahakɛ; ɔwa minɛ yi ɔbȧy ka ŋaŋ.

1 Timɔthi 2:4

ɔwe yema kȧmȧ afəm bɛ aŋ kisi, yi kȧmȧ aŋ sɔthɔ kȧtȧrȧ ka tȧteŋ.

1 Timɔthi 4:16

Bumnɛ mun munɔnɛ yi mathəksa ma mu; bȧsər ka mȧtȧy ame, kotȧy-e bepi mə yɔ ti, mə tə kisis aŋyɛthɛ mu, dɛ yi ŋaŋ aŋa mə təlȧ mu.

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

2 Timɔthi 2:10

Tiyȧŋ i muyu tȧy o tȧy salata aŋfəm ŋa Kuru kȧmȧ ŋa sɔ aŋ gbəli sɔthɔ kakisi ȧke yi ka Krayst yi ayiki thəbana.

Taytɔs 3:5

ɔ kisis su, pə yi hɛ salata mȧyɔs məlompi ama sə poŋ yɔ, kɛrɛ ɔ kisis su asabu ŋa ȧŋney ŋɔŋ, ka kafethər ȧke kȧl kom ɔfu, dɛ yi ka kafusəs ka ɔYina məsəm,

Faylimɔn 1:12

I kala kɔ do rɔmu, hali pə yi mɔ i somra kabuth kȧmi gbeŋ.

AŋHibru 1:14

Aŋmȧleka bɛ aŋ yi hɛ gbo ɛyina ɛyɛ yɔna Kuru-i, ɛyɛ ɔ som tə kəmar ŋaŋ aŋa mə re sɔthɔ kəkisi-i?

AŋHibru 2:3

to saŋ mə sə gbəli kisi bepi sə say kakisi kəbana mɔ ake-e? kotȧy-e ɔMarki kɔnɔ mɔtha tɔri ki ɔwa ŋaŋ aŋa po təlȧ kɔ aŋ bȧksər ki do rɔsu.

Yeməs 5:20

ta ɔ tȧrȧ kəpa ɔwe mə lȧfthi uwuni ka ahakɛ kəwur ka makənȧ ma aroŋ dɔŋ, ɔ tə kisis ɔwuni kəwur ka rȧfi, ɔwa ɔ tə gbəpər ɛhakɛ ɛgbȧthi.