AŋRomans 10:18 - Ȧŋlemrȧnɛ Ȧfu

¹⁸ Ɔwa i yif, aŋ tha la hɛ təl ras-i? Yao, tɛntɛnɛ kotȧy-e, Tafɔf ta aŋsom tə po gbanthɛnɛ ka ȧdȧru bɛ, Yi ȧsim taŋ haŋ ka ɔgbanthir wa ȧdȧru.

AŋRomans 10:18 ပူးပေါင်းရင်းမြစ်များ

Mathiu 24:14

Ɔwa ȧkɛra kǝfinɔ ka rȧbȧy ake-e, a ba kǝtamǝs ki ka ȧdȧru bɛ ta mǝseri ka tǝbona bɛ. Kǝdarǝŋ kati ɔthalnɛ ɔ der tɛnɛ.

Mathiu 26:13

Tǝ tɛntɛnɛ i kanɛ nu dɛr o dɛr ro mǝ a tamǝs ȧkɛra kǝfinɔ ake ka ȧdȧru bɛ-e, ȧte ɔya ɔwe ɔ po yɔ a tǝ fɔf ti tǝ kǝnanɛ ta atɔŋ.

Mathiu 28:19

Tiyȧŋ kɔnɛ nu ka tǝbona bɛ-e, nǝ sǝki ŋa akarande, nǝ baftays ŋa ka ȧŋes ŋa ɔKas, yi aŋa ɔWan, yi aŋa ɔYina mǝsǝm;

Mathiu 4:8

Ka Sethaniȧŋ ɔ kera kɔ sɔ ka kǝteŋ kǝbɔli rǝkɔm, kɔ tɔri kɔ tabȧy bɛ ta ȧdȧru, yi ɛyiki yati.

Mark 16:15

kɔ pa ro ŋaŋ, Kɔnɛ nu ka ȧdȧru bɛ, ɔwa taməs nu ȧkɛra kəfinɔ ka Kuru ka wuni o wuni.

Mark 16:20

kaŋ kɔnɛ, aŋ taməs ȧkɛra kəfinɔ ka Kuru dɛr o dɛr, ka ɔMarki ɔ mar ŋa, ɔwa ɔ bȧksər ȧrim yi ɛmisali ɛyɛ tanda. Amina.

Mȧyɔs ma aŋsom 1:8

Kɛrɛ nə tə sɔthɔ afɔsɔ ma ɔYina məsəm ɔ derər nu; ɔwa nə tə yi maseri ma mi ro Yerusalɛm-o, ro Yudia bɛ-o, ro Samaria-o, ɔwa haŋ ka ɔthalnɛ wa ȧdȧru.

Mȧyɔs ma aŋsom 26:20

kɛrɛ i mɔtha tamər ŋaŋ aŋa yi ro Damaskɔs yi ro Yerusalɛm yi ka ȧŋthɔf a Yuda bɛ, yi ka tȧbona təlɔm sɔ, kȧmȧ aŋ thupi, aŋ fəlɛ ka Kuru, ɔwa aŋ yɔ mapanth ama yi məmari ta kəthupi.

Mȧyɔs ma aŋsom 28:23

Ɔwa maŋ po botȧ kɔ arey-e, agbȧthi aŋ der ro ŋɔŋ kaŋ yiya ŋɔŋ. Kɔ yɛrkia ŋa ȧŋpa, ma ɔ seri ta rȧbȧy ra Kuru, kɔ thɔnthɔ ŋa ta Yisɔs ka ȧŋthɔ ŋa Mosis yi ka mȧgbal ma Aŋnȧbi, kətəp ka bəth haŋ rəfɔy.

AŋRomans 1:8

Ka ɔtɔtɔkɔ bɛ i muti ɔKuru kȧmi mɔmɔ ka kȧta ka Yisɔs Krayst ta ȧtȧ nu bɛ pəkasifɛ a lɔməs ta kȧlanɛ ka nu ka ȧdȧru bɛ.

AŋRomans 15:19

rə kəmisali dɛ yi mȧtȧy məkabanɛ asabu ŋa aŋfɔsɔ ŋa ɔYina məsəm; kȧmȧ kətəp ro Yerusalɛm yi tapet ta rayɛr haŋ kəkɔ ro Ilirikɔm, i po taməs ɔgbenthis mapa məfinɔ ma Krayst.

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

AŋKɔlɔsi 1:6

Ȧrim rati rə bek do rɔnu mɔ mȧ rə po yɔ ka ȧdȧru rəlolok bɛ. Ɔwa rə kȧl wurɔ ŋani mɔ mə rə yɔ do rɔnu kȧbi ka ȧŋrey ma nə mɔtha təl, ɔwa nə mɔtha tȧrȧ ȧŋboŋa ŋa Kuru təteŋ;

1 AŋThɛsȧlonika 1:8

kotȧy-e pə yi hɛ gbo ro Masidonia yi ro Akaya nə taməs ȧrim ra ɔMarki, kɛrɛ kȧlanɛ ka nu ka Kuru kə poŋ gbanthanɛ dɛr o dɛr; tiyȧŋ sə ba hɛ sɔ kəfɔf koko.