AŋRomans 10:17 - Ȧŋlemrȧnɛ Ȧfu

¹⁷ Tiyȧŋ kəlanɛ kə wur rə kətəl, yi kətəl rə ȧrim ra Krayst.

AŋRomans 10:17 ပူးပေါင်းရင်းမြစ်များ

Mark 4:24

kɔ pa ro ŋaŋ, Bot nu rə ȧmerȧ ȧte nə təl. Anthuntha aŋa nə thunth-e, ŋə mə a thuntha nu. Ɔwa a tə kȧl bȧrȧ nu sɔ.

Luk 11:28

Kɛrɛ kɔnɔ ɔ pa, Ŋa tha ba aruba aŋa təl ȧrim ra Kuru-e ɔwa aŋ wop ri.

Luk 8:11

Aŋlomɔ ŋi aŋe. Mater mə yi ȧrim ra Kuru.

Luk 8:21

kɔ lasi ɔ pa ro ŋaŋ, Ɔkara kȧmi yi aŋwɔnt mi aŋ yi aŋa mə təl ȧrim ra Kuru-e, ɔwa aŋ wop ri.

Yɔn 1:37

Ɔwa aŋkarande ŋarəŋ aŋ təl ma ɔ fɔf, kaŋ tȧŋ Yisɔsȧŋ.

AŋRomans 1:16

kotȧy-e i lap hɛ salata mapa məfinɔ ma Krayst, ȧtesoma-e mə yi aŋfɔsɔ ŋa Kuru tə kəkisis wuni o wuni ɔwe mə lanɛ; ka ɔtɔtɔkɔ ka aŋYuda, yi ka aŋKrik sɔ.

AŋRomans 10:14

Kɛrɛ to mə aŋ gbəli ramnɛ ka ɔwe mə aŋ te tha lanɛ-e? Ɔwa to mə aŋ gbəli lanɛ ka ɔwe mə aŋ te tha təla-e? Ɔwa to mə aŋ gbəli təl kəte ba ukawandi-e?

2 AŋKɔrenth 2:17

kotȧy-e sə yi hɛ mɔ agbȧthi aŋa mə ləsər ȧrim ra Kuru, kɛrɛ sə fɔf ta Krayst rɛ ȧmerȧ ȧferȧ mɔ anthith ŋa Kuru ka kȧbəprȧnɛ kɔŋ.

AŋKȧletia 3:2

Atȧy tin ȧte gbo tȧ i yema tȧrȧ kəwur do rɔnu, Naŋ nə po sɔthɔ ɔYina ka mȧyɔs ma anthɔ-i, thalɔm ka aŋkanɛ ŋa kəlanɛ-i?

AŋKȧletia 3:5

Kɔn ɔwe sɔŋ nu ɔYina məsəm, dɛ yi ɔwe yɔ məyɔs məkabanɛ kətɔŋ ka nu-e, ɔ yɔ ti ba ka mȧyɔs ma anthɔ-i, thalɔm ka mathəksa ma kȧlanɛ-i?

AŋKɔlɔsi 3:16

Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

1 AŋThɛsȧlonika 2:13

Ta ȧtȧy ȧte sɔ sə mɔmɔ Kuru lɔkɔ ɔ lɔkɔ, pəkasifɛ ma nə malanɛ ȧrim ra ȧkɛra ka Kuru ȧke sə tɔri nu-e, nə malanɛ hɛ ri mɔ ȧrim ra wuni kəpet-e, kɛrɛ mɔ mə rə yi yathi ȧrim ra Kuru tə tɛntɛnɛ, ara mə yɔ məpanth ka ɛmerȧ ɛ nu aŋa po lanɛ.

AŋHibru 4:2

Ȧtesoma-e a tɔri su sɔ ȧkɛra kəfinɔ ka Kuru mɔlɔ min mɔ ŋaŋ; kɛrɛ ȧkɛra ȧke aŋ po təl kə mar hɛ ŋa, pəkasifɛ aŋ lanɛ hɛ maŋ təl ki.

1 Pitar 1:23

ma pə yi ti-e a kom nu ɔfu, pə yi hɛ ka mater ama ba kəthey, kɛrɛ ka mater ama te ba kəthey thȧnkȧŋ, salata ȧrim ra Kuru ara ba kəyi haŋ thȧnkȧŋ thəbana.

Kȧŋȧibinɛ 1:9

Minɛŋ, Yɔn, ɔwɔnt yi ɔkas ka nu ka asɔmpanɛ, yi ka rȧbȧy dɛ yi kamuyu ka Yisɔs Kraystȧŋ, i yi ka aŋyel aŋa mə a bont Patmɔs salata ȧrim ra Kuru, yi ta maseri ma Yisɔs Kraystȧŋ.