AŋRomans 10:10 - Ȧŋlemrȧnɛ Ȧfu

¹⁰ Pəkasifɛ ka ȧŋmerȧ wuni mɔ lanɛ, kɔ sɔthɔ məlompi, yi ka kȧsəŋ mɔ gbithanɛ, kɔ sɔthɔ kəkisi.

AŋRomans 10:10 ပူးပေါင်းရင်းမြစ်များ

Mark 9:23

Ka Yisɔsȧŋ ɔ pa, Bepi mə gbəli lanɛ-e, tȧy o tȧy bɛ tə gbəli yi ka ɔwe mə lanɛ.

Luk 8:15

Kɛrɛ ama ka ȧŋthɔf afinɔ-e, mə yi ŋaŋ aŋa po təl ȧrim, ɔwa maŋ təl-e, aŋ wop ri ɔbaksər ka tȧteŋ dɛ yi ka ȧmerȧ ȧferȧ, kaŋ kom məkomi rə kəmuyu.

Mȧyɔs ma aŋsom 8:37

Ka Filipȧŋ ɔ pa, Bepi mə lanɛ yi ȧŋmerȧ a mu bɛ-e, mə gbəli. Kɔ wosa, ɔ pa, I lanɛ kəpa Yisɔs Krayst ɔ yi ɔWan ka Kuru.

AŋRomans 10:11

kotȧy-e mȧgbal məsəm mə pa, Wuni o wuni ɔwe mə lanɛ kɔ-e, ɔ gbəli hɛ wɔŋ məlap.

AŋRomans 10:9

kotȧy-e bepi mə gbithanɛ yi kȧsəŋ ka mu kəpa Yisɔs ɔ yi ɔMariki-e, ɔwa mə lanɛ yi ȧŋmerȧ a mu kəpa Kuru ɔ yokas kɔ ka rəfi-e, mə tə kisi.

AŋKȧletia 2:16

ma pə yi sə tȧrȧ kəpa wuni kəpet ɔ sɔthɔ hɛ məmari salata mȧyɔs ma ȧŋthɔ, thambe ka kȧlanɛ ka Yisɔs Krayst, tiyȧŋ hali saŋ sə po lanɛ Yisɔs Krayst kȧmȧ sə sɔthɔ məmari ka kȧlanɛ ka Krayst, pə yi hɛ ka mȧyɔs ma ȧŋthɔ. Pəkasifɛ ka mȧyɔs ma anthɔ-e, wuni o wuni ɔ gbəli hɛ sɔthɔ məmari.

AŋFilipai 3:9

yi kȧmȧ i gbəli yi do rɔŋɔŋ, pə yi hɛ ka mȧlompi ama mi, ama təmȧ ka ȧŋthɔ, kɛrɛ mȧlompi ama yi ka kȧlanɛ ka Krayst, pə yi kəpa ye, mȧlompi ama wur ka Kuru kətȧŋȧnɛ ka kəlanɛ.

AŋHibru 10:22

maŋ fatər kɔ nu gbɛpti yi ȧmerȧ atəteŋ ka ɔlasər wa kȧlanɛ-e, rə kəba ɛmerȧ ɛ su ɛyak kəwur ka ɛnanɛ ɛləs, dɛ yi madɛr ma su məfethər rɛ mȧnt məgbəraŋ.

AŋHibru 3:12

Bumnɛ nu finɔ, awɔnt, ta thani ȧmerȧ aləs ŋa kəte lanɛ aŋ tə yi kətɔŋ ka nu, ɔwa aŋ tə yɔ nu nə bȧrȧ kəmuth ka ɔKuru ukəli.

1 Yɔn 4:15

Wuni o wuni ɔwe mə gbithanɛ kəpa Yisɔs ɔ yi ɔWan ka Kuru, Kuru ɔ tiyȧ ro ŋɔŋ, ɔwa kɔn ɔ tiyȧ ka Kuru.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.