AŋRomans 1:8 - Ȧŋlemrȧnɛ Ȧfu

⁸ Ka ɔtɔtɔkɔ bɛ i muti ɔKuru kȧmi mɔmɔ ka kȧta ka Yisɔs Krayst ta ȧtȧ nu bɛ pəkasifɛ a lɔməs ta kȧlanɛ ka nu ka ȧdȧru bɛ.

AŋRomans 1:8 ပူးပေါင်းရင်းမြစ်များ

Mathiu 24:14

Ɔwa ȧkɛra kǝfinɔ ka rȧbȧy ake-e, a ba kǝtamǝs ki ka ȧdȧru bɛ ta mǝseri ka tǝbona bɛ. Kǝdarǝŋ kati ɔthalnɛ ɔ der tɛnɛ.

Luk 2:1

Ka pə re yi ka mȧrey mati Sisar Akɔstɔs-əŋ ɔ tam kəpa a ba tə kəgbal ames ma aŋfəm ka ȧdȧru bɛ.

Mȧyɔs ma aŋsom 11:28

Ka ukin ka ŋaŋ ɔwe a bont Akabɔs, ɔ təmȧ, kɔ tɔri ŋa ka aŋfɔsɔ ŋa ɔYina kəpa dor rəbana rə tə yi ka ȧdȧru bɛ; are rə yɔnɛ ka marey ma Klɔdiɔs.

Mȧyɔs ma aŋsom 28:22

Kɛrɛ sə yema təlȧ ȧte mə nanɛ-e, kotȧy-e sə tȧrȧ kəpa a fɔf ɔləs ta kagbanth ake dɛr o dɛr.

AŋRomans 10:18

Ɔwa i yif, aŋ tha la hɛ təl ras-i? Yao, tɛntɛnɛ kotȧy-e, Tafɔf ta aŋsom tə po gbanthɛnɛ ka ȧdȧru bɛ, Yi ȧsim taŋ haŋ ka ɔgbanthir wa ȧdȧru.

AŋRomans 16:19

A po tȧrȧ kabɔthi lanɛ ka nu dɛr o dɛr. Tiyȧŋ pə bɔnɛ mi bɛ ta ȧtȧ nu; kɛrɛ i yema nu nə yi atempi salata tȧfinɔ, yi apaŋi tȧy salata tȧləs.

AŋRomans 6:17

Kɛrɛ sə muti Kuru mɔmɔ pəkasifɛ ma nə la yi ɛbɔy ya ahakɛ, nə po wop rə ȧmerȧ kathəksa ȧke a tɔri nu.

1 AŋKɔrenth 1:4

I muti ɔKuru kȧmi mɔmɔ lɔkɔ o lɔkɔ ta ȧtȧ nu, asabu ŋa ȧŋboŋa ŋa Kuru aŋa a sɔŋ nu rokor ka Yisɔs Krayst;

2 AŋKɔrenth 2:14

Kɛrɛ i muti Kuru mɔmɔ, ɔwe mə kera su lɔkɔ o lɔkɔ rə katham ka Kraist-e, dɛ yi ɔwe mə sakthi ȧŋbɔnt abɔthi ŋa kȧtȧrȧ kɔŋ dɛr o dɛr ka kȧta kȧsu.

AŋƐfisɔs 1:15

Tiyȧŋ minɛ sɔ, ma i po təl ta kȧlanɛ ȧke yi kətɔŋ ka nu ka ɔMarki Yisɔsȧŋ, dɛ yi mabɔthər ama nə ba ka aŋsəm bɛ-e,

AŋƐfisɔs 1:16

i tey hɛ tə kəsɔŋ mɔmɔ ta ȧtȧ nu, ma i bontəs nu ka taramnɛ ta mi,

AŋƐfisɔs 3:21

ɔwa ta ayiki aŋ yi do rɔŋɔŋ rokor ka aŋchɔch dɛ yi ka Yisɔs Krayst haŋ thɔŋ təkomra bɛ, thȧnkȧŋ o thȧnkȧŋ. Amina.

AŋƐfisɔs 5:20

Sɔŋ Kuru ɔKas mɔmɔ alɔkɔ bɛ ta tȧy o tȧy ka ȧŋes ŋa ɔMarki kȧsu Yisɔs Kraystȧŋ.

AŋFilipai 1:11

Kama nə la yi mȧkomi ma mȧlompi ama der kətȧŋȧnɛ ka Yisɔs Krayst kəkɔ ka aŋyiki dɛ yi kathɔkəs ka Kuru Məsaba.

AŋFilipai 1:3

I mɔmɔ ɔKuru kȧmi lɔkɔ o lɔkɔ ma i nanɛ nu,

AŋKɔlɔsi 1:3

Sə mɔmɔ Kuru ɔKas ka ɔMarki kȧsu Yisɔs Krayst, ma sə ramnɛ lɔkɔ o lɔkɔ ta ȧtȧ nu,

1 AŋThɛsȧlonika 1:2

Sə mɔmɔ Kuru lɔkɔ o lɔkɔ ta ȧtȧ nu bɛ ka taramnɛ ta su.

1 AŋThɛsȧlonika 2:13

Ta ȧtȧy ȧte sɔ sə mɔmɔ Kuru lɔkɔ ɔ lɔkɔ, pəkasifɛ ma nə malanɛ ȧrim ra ȧkɛra ka Kuru ȧke sə tɔri nu-e, nə malanɛ hɛ ri mɔ ȧrim ra wuni kəpet-e, kɛrɛ mɔ mə rə yi yathi ȧrim ra Kuru tə tɛntɛnɛ, ara mə yɔ məpanth ka ɛmerȧ ɛ nu aŋa po lanɛ.

2 AŋThɛsȧlonika 1:3

Sə yi tə kəmɔmɔ Kuru lɔkɔ o lɔkɔ ta ȧtȧ nu awɔnt, pəkasifɛ kȧlanɛ ka nu kə bȧrnɛ gbo ɔthasər, ɔwa mabɔthər ama nə ba ɔkin ta ulɔm bɛ mə yi məbana;

2 Timɔthi 1:3

I mɔmɔ Kuru ɔwe mɛ bȧtho rɛ ȧmerȧ agbəraŋ, mɔ aŋbemba a mi aŋ po yɔ, ɔwa gbɛs pali-əŋ i nanɛ mu ka taramnɛ ta mi.

Faylimɔn 1:4

I bont ȧŋes a mu lɔkɔ o lɔkɔ ka taramnɛ ta mi, rə kəsɔŋ Kuru mɔmɔ.

AŋHibru 13:15

Tiyȧŋ kətȧŋȧnɛ kɔŋ maŋ thɔkəs nu Kuru rɛ sathka alɔkɔ o lɔkɔ, pə yi mɔ-e, ɛboya ya ȧsim ta su ɛyɛ seri ta ȧŋes ŋɔŋ.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.