AŋRomans 1:6 - Ȧŋlemrȧnɛ Ȧfu

⁶ Ɔwa kətɔŋ ka ŋaŋ-e, naŋ sɔ nə yi antela ŋa Yisɔs Krayst.

AŋRomans 1:6 ပူးပေါင်းရင်းမြစ်များ

AŋRomans 9:24

hali saŋ aŋa ɔ po tela kəwur ka aŋYuda son thahɔ, kɛrɛ ka tȧbona təlɔm sɔ.

1 AŋKɔrenth 1:9

Kuru ɔ yi ubɔthi lanɛ ɔwe po muti nu ka mamanɛ ma ɔWan kɔŋ Yisɔs Krayst ɔMarki kȧsu.

AŋKȧletia 1:6

I kabanɛ ma nə yeŋk gbapɛ ɔwe muti nu ka ȧŋboŋa ŋa Krayst tə kəlafthɛ ka kɛra kəlɔm.

AŋƐfisɔs 1:11

Rokor kɔŋ sɔ-e sə po sɔthɔ akɛŋ, ma a thith su thəpaŋ kətȧŋȧnɛ ka kathithəs ka ɔwe mə yɔ mȧtȧy bɛ mɔ mə ȧŋnanɛ ŋa mȧselɔ mɔŋ aŋ yi.

AŋKɔlɔsi 1:21

Ɔwa naŋ, ma nə la ba ɛmerȧ ɛbɔlanɛ dɛ yi ɛgbɛŋanɛ salata mȧyɔs ma nu mələs-e,

AŋKɔlɔsi 1:6

Ȧrim rati rə bek do rɔnu mɔ mȧ rə po yɔ ka ȧdȧru rəlolok bɛ. Ɔwa rə kȧl wurɔ ŋani mɔ mə rə yɔ do rɔnu kȧbi ka ȧŋrey ma nə mɔtha təl, ɔwa nə mɔtha tȧrȧ ȧŋboŋa ŋa Kuru təteŋ;

1 AŋThɛsȧlonika 2:12

Kama pə re yi nə gbəli kɔth mɔ pə bekȧnɛ ka Kuru, ɔwe po tela nu ka rȧbȧy rɔŋ ra ayiki.

2 AŋThɛsȧlonika 2:14

Tȧsom Kuru ɔ poŋ tela nu ka ȧkɛra kəfinɔ kȧsu, kȧmȧ nə sɔthɔ aŋyiki ŋa ɔMarki kȧsu Yisɔs Krayst.

2 Timɔthi 1:9

ɔwe po kisis su, ɔwa ɔ po tela su yi kətela kəsəm, pə yi hɛ mɔlɔ ma mapanth ma su mə yi, kɛrɛ salata mȧselɔ yi ȧŋboŋa ŋɔŋ, aŋa ɔ po sɔŋ su ka Yisɔs Kraystȧŋ yeŋka ȧdȧru rə təpɛ,

AŋHibru 3:1

Te ba ti, awɔnt asəm, ayeranɛ ka katela ka ro riana-e, kala ȧmerȧ ka Yisɔs Krayst, ɔwe yi mɔ ɔSom dɛ yi ɔFode ubana ka kȧlanɛ kȧsu.

1 Pitar 2:21

Ȧtesoma-e ta ȧte tə a po nu tela, kotȧy-e Kraystȧŋ ɔ sɔmpanɛ ta ȧtȧ su, kətia su amɔl kȧmȧ nə tȧŋ ka mani mɔŋ.

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.

2 Pitar 1:10

Tiyȧŋ, awɔnt, bȧsər nu tə kəyɔ kȧmȧ katela yi kathith ka nu kə yi tə tɛntɛnɛ. Kotȧy-e bepi nə yɔ mȧtȧy ame nə ba hɛ kəfumpɔ thȧnkȧŋ.

Yud 1:1

Yud, ȧŋbɔy ŋa Yisɔs Krayst, yi ɔwɔnt ka Yeməs, ka ŋaŋ aŋa a muti, ȧŋbɔthər ŋa Kuru ɔKas, yi aŋa a bɛnɛ ta Yisɔs Krayst;

Kȧŋȧibinɛ 17:14

Aŋ tə tim kaLɔmɛ kəfɛth, kɛrɛ kaLɔmɛ kəfɛth ɔ tə tham ŋa; kotȧy-e kɔnɔ yi ɔMarki ka amarki, dɛ yi ɔBȧy ka abȧy; ɔwa ŋaŋ sɔ aŋa tȧŋ kɔ, aŋ tə tham dɛ yi kɔn, ȧtesoma-e aŋ yi atela, yi athith, dɛ yi abɔthi lanɛ.