AŋRomans 1:25 - Ȧŋlemrȧnɛ Ȧfu

²⁵ kotȧy-e aŋ siŋkar tȧteŋ ta Kuru rə rəyem, kaŋ thɔkəs, aŋ bȧtho araka rəbɛmpa pəthas Kɔn ɔwe bɛmpa ri, ɔwe yi uruba thȧnkȧŋ thəbana, Amina.

AŋRomans 1:25 ပူးပေါင်းရင်းမြစ်များ

Mathiu 10:37

Wuni o wuni ɔwe bɔthǝr ɔkas thalɔm ɔkara pǝthasi minɛȧŋ, ɔ bek hɛ ta ȧtȧ mi. Ɔwa wuni o wuni ɔwe bɔthǝr ɔwan uruni thalɔm ɔwan ubɛra pǝthasi minɛȧŋ, ɔ bek hɛ ta ȧtȧ mi.

Mathiu 6:24

Wuni o wuni ɔ gbǝli hɛ bȧtho amarki ŋarǝŋ, kotȧy-e ɔ tǝ gbɛŋa ɔkin ɔwa ɔ tǝ bɔthǝr ɔlɔm; thalɔm ɔ tǝ gbapsa ɔkin, ɔwa ɔ tǝ sai ɔlɔm. Nǝ gbǝli hɛ bȧtho Kuru dɛ yi mǝbɔŋɔ.

Yɔn 2:8

Ɔ pa ro ŋaŋ, Kus ma, ɔwa kera ma ka ɔbaki ka amet. Kaŋ kera ma.

AŋRomans 1:18

kotȧy-e rabaŋ ra Kuru rə tɔrinɛ kəwur ka ȧriyana kəŋamnɛ mələs yi məkənə ma afəm a kəpet aŋa mə dim tȧteŋ kətɔŋ ka mȧyɔs maŋ mələs,

AŋRomans 1:23

kaŋ siŋkar aŋyiki ŋa Kuru ɔwe ba hɛ kəfi rə mȧbȧlȧnɛ ma wuni kəpet ɔwe ba tə kəfi, thalɔm rə ɛbȧmp, thalɔm ɛsɛm, thalɔm ɛyɛt ɛwɔrka.

AŋRomans 9:5

Ŋa ba aŋkas, ɔwa ŋa ba sɔ ɔKrayst kətȧŋȧnɛ ka rawuni kəpet, ɔwe yi rokɔm ka bɛ, uruba wɔŋ ka Kuru thəbana. Amina.

2 AŋKɔrenth 11:31

ƆKuru yi ɔKas ka ɔMarki kȧsu Yisɔs Krayst ɔwe yi uruba ta thȧnkȧŋ thəbana-e, ɔ tȧrȧ kəpa i fɔf hɛ rəyem.

AŋƐfisɔs 3:21

ɔwa ta ayiki aŋ yi do rɔŋɔŋ rokor ka aŋchɔch dɛ yi ka Yisɔs Krayst haŋ thɔŋ təkomra bɛ, thȧnkȧŋ o thȧnkȧŋ. Amina.

1 AŋThɛsȧlonika 1:9

kotȧy-e ŋaŋ gbeŋ aŋ seri ta ȧtȧ su-e, kaŋ tɔri to naŋ nə malanɛ su-e, ɔwa to nə lafthɛ ka Kuru kəwur ka ɛrɔŋ tə kəbatho ɔKuru ukəli utəteŋ,

1 Timɔthi 1:11

ȧtȧ yi mɔlɔ min yi ȧkɛra kəfinɔ ka ɔKuru ka aruba, ȧke a po maŋkər ro rɔmi.

1 Timɔthi 1:17

Ɔwa ka-ake, ta ɔBȧy ka thəbana, ɔwe te fi, ɔwe sə te nəŋka rəfɔr, ɔKuru utempi son, ta ɔ sɔthɔ yiki yi kəkolo thȧnkȧŋ thəbana, Amina.

2 Timɔthi 3:4

aŋa ba ayaŋfa, yi kənapi, afəm abonɛ tȧy ŋaŋ, aŋa mə bɔthər mabɔnɛ ma ȧdȧru pəthasi Kuru Məsaba.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.