AŋRomans 1:21 - Ȧŋlemrȧnɛ Ȧfu

²¹ Pəkasifɛ hali maŋ po tȧrȧ Kuru-e, aŋ yikis hɛ kɔ mɔ Kurɔŋ, aŋ mɔmɔ hɛ kɔ, kɛrɛ aŋ səkɛ ayay ka ɛnanɛ yaŋ, ɔwa ɛmerȧ yaŋ ɛpəŋk ɛ po biyȧ.

AŋRomans 1:21 ပူးပေါင်းရင်းမြစ်များ

Yɔn 3:19

Ɔwa matheri mi ame, kəpa amotha aŋ der ka ȧdȧru, kɛrɛ afəm aŋ bɔthər asum pəthasi amotha, ȧtesoma-e mȧyɔs maŋ mə yi mələs.

Mȧyɔs ma aŋsom 26:18

tə kəkanthi ɛfɔr yaŋ kȧmȧ aŋ wur ka ȧŋsum, aŋ der ka kawalɛ, kȧmȧ aŋ wur ka aŋfɔsɔ ŋa Sethani kəkɔ ka Kuru, kȧmȧ aŋ sɔthɔ katerɔ ka ɛhakɛ yi kɛŋ kətɔŋ ka ŋaŋ aŋa a səməs rə kəlanɛ mi.

AŋRomans 1:19

ma pə yi-e, ȧtȧ aŋ gbəli tȧrȧ ta salata Kuru Məsaba tə yi təgbəraŋ kətɔŋ ka ŋaŋ, kotȧy-e Kuru kɔn kɔnɔnɛ ɔ po tɔri ŋa ti.

AŋRomans 1:28

Ɔwa maŋ pɛnsa tə kənanɛ Kuru ka ɛmerȧ yaŋ-e, ɔ sɔnd ŋa ka ɛmerȧ ɛthayoŋ kȧmȧ aŋ yɔ ȧtȧy ȧtȧ te thesa.

AŋRomans 11:10

Ta ɛfɔr yaŋ ɛ biyȧ kȧmȧ aŋ te nənk, Ɔwa, yɔ kȧmȧ tamuth taŋ tə nuthnɛ lɔkɔ o lɔkɔ.

AŋRomans 15:9

dɛ yi kȧmȧ tȧbona təlɔm aŋ gbəli yikis Kuru ta ȧŋney ŋɔŋ, mɔ a gbal kəpa, Tiyȧŋ i ti thɔkəs mu kətɔŋ ka tȧbona təlɔm, I ti lensir ȧŋes a mu.

2 Timɔthi 3:2

kotȧy-e afəm aŋ tə yi abɔthərnɛ, aŋa ba ɛfɔr ɛmara, aŋa mə gbək ɛyoŋka, afəm akabanɛ, aŋa mə fɔf Kuru ɔləs, aŋa mə te sanɛ ka ŋaŋ aŋa kom ŋa, afisrəwali, aba hɛ məsəm,

1 Pitar 1:18

Ȧtesoma-e nə tȧrȧ kəpa a bani hɛ nu yi ɛyɛt ɛyɛ ba kələsȧ, mɔ akala ȧferȧ dɛ yi məbɔŋɔ, kəwur ka mayi ma nu məyay ama nə sɔthɔ kəwur ka aŋbemba-a nu;

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.

Kȧŋȧibinɛ 14:7

kɔ kȧl pa rə rim rəbana, Nesa nu Kuru-e, ɔwa sɔŋ kɔ nu yiki, pəkasifɛ ȧŋlɔkɔ ŋa karɔk ɛpa yɔŋ aŋ po bek. Ɔwa bȧtho kɔ nu ɔwe po bɛmpa ȧkȧriyana yi ȧdȧru, dɛ yi kȧbȧŋ kəbana, dɛ yi tabath.

Kȧŋȧibinɛ 15:4

Kanɛ te ba kənesa dɛ yi kəyikis ȧŋes a mu-e, ɔMariki-e? Pəkasifɛ munɔ son mə yi ɔsəm; kotȧy-e tȧbona bɛ tə tə der kəbatho mu, pəkasifɛ mȧyɔs ma mu məlompi mə po ŋaibinɛ.