AŋRomans 1:13 - Ȧŋlemrȧnɛ Ȧfu

¹³ Aŋwɔnt a mi i yema kȧmȧ nə tȧrȧ kəpa i ba ti rə ȧmerȧ alɔkɔ ȧgbȧthi tə kəder ro rɔnu, (kɛrɛ tȧy tə bɛnt mi haŋ thonɔŋ) kȧmȧ i gbəli ba məkomi kətɔŋ ka nu sɔ, mɔ mȧ i ba ka tȧbona təlɔm.

AŋRomans 1:13 ပူးပေါင်းရင်းမြစ်များ

Yɔn 12:24

I kanɛ nu tɛntɛnɛ, Bepi ȧŋluka ŋa awit aŋ fumpɔ hɛ ka ȧŋthɔf rokor aŋ fi, aŋ tiyȧ ri son: kɛrɛ bepi aŋ fi ri, aŋ tə wur məkomi məgbathi.

Yɔn 15:16

Naŋ, na tha thith mi, kɛrɛ minɛ thith nu, ka i bot nu, kȧmȧ nə kɔnɛ nə wur məkomi, ɔwa kȧmȧ mȧkomi ma nu mə tiyȧ: kȧmȧ tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Yɔn 4:36

Kɔnɔ ɔwe mə rɔk-e ɔ sɔthɔ ȧŋrȧm, ɔwa ɔ thoŋkla məkomi ta aŋesəm thəbana: kȧmȧ kɔnɔ ɔwe mə sak yi kɔnɔ ɔwe mə rɔk aŋ ba məbɔnɛ kətəma win.

Mȧyɔs ma aŋsom 1:15

Ɔwa ka marey ame Pitaŋ ɔ təmȧ ɔ fɔf kətɔŋ ka aŋsom, (aŋ yi ri afəm mɔlɔ ma kɛmɛ kin kəgba) ɔ pa,

Mȧyɔs ma aŋsom 14:27

Ɔwa maŋ bek-e, aŋ thoŋkla aŋchɔch dɛr rɔkin, aŋ lɔma ŋa mȧtȧy bɛ ama Kuru ɔ yɔ ka mȧta maŋ, yi to ɔ po kanthi karare ka kȧlanɛ ka tȧbona təlɔm.

Mȧyɔs ma aŋsom 15:12

Ka ŋaŋ bɛ aŋ taŋk, aŋ sua Banabasȧŋ yi Pɔlȧŋ ɛləns mɔ mə aŋ lɔm ta ɛmisali yi mȧtȧy məkabanɛ ama Kuru ɔ po yɔ ka mȧta maŋ kətɔŋ ka tȧbona təlɔm.

Mȧyɔs ma aŋsom 19:21

Ɔwa kədarəŋ ka mȧtȧy ame-e, Pɔlȧŋ ɔ botəs ka ȧŋmerȧ ŋɔŋ kəpa ɔ tə kɔth ro Masidonia yi ro Akaya, tə kəkɔ ro Yerusalɛm, kɔ pa, Bepi i wur ri-e, tha i nənk ro Rom.

Mȧyɔs ma aŋsom 21:19

Ɔwa ma Pɔlȧŋ ɔ po kori ŋa-e, ɔ təp ka ɔtəpɛr tə kəlɔma ŋa ȧtȧ Kurɔŋ ɔ po yɔ kətɔŋ ka tȧbona təlɔm ka mȧta mɔŋ.

Mȧyɔs ma aŋsom 28:14

ro sə bəp aŋwɔnt aŋa nɛmthɛnɛ su kȧmȧ sə yi yi ŋaŋ ta mərey tȧmthədɛrəŋ. Ɔwa ya sə der ro Rom.

AŋRomans 1:12

Pə yi kȧmȧ minɛ yi naŋ sə sɔthɔ kəbɛfəth ukin dɛ yi ulɔm, ka kȧlanɛ kȧsu.

AŋRomans 11:25

Aŋwɔnt mi, ta thani nə yi aŋatanɛ rə amera-e, i yema kȧmȧ nə tȧrȧ amurare aŋe kəpa kəgbolŋanɛ kə po derər alɔm ŋa aŋIsrɛl haŋ kalasər ka tȧbona təlɔm kə bek.

AŋRomans 7:1

Pə sɔk hɛ nu aŋwɔnt a mi, (kotȧy-e i fɔfȧnɛ afəm aŋa tȧrȧ ȧŋthɔ), kəpa ȧŋthɔ aŋ gbəli gbo gbəka wuni ma ɔ yi ras ukəli-i?

1 AŋKɔrenth 1:10

Ɔmari nu, awɔnt, ka ȧŋes ŋa ɔMarki kȧsu Yisɔs Kraystȧŋ, i nɛmthɛnɛ nu kȧmȧ nə ba rim din, dɛ yi kȧmȧ ɔgbaskɛ gbaskɛ ɔ te yi kətɔŋ ka nu, kɛrɛ ba nu ȧmerȧ ŋin yi məgbək min.

1 AŋKɔrenth 10:1

Awɔnt, i yema kȧmȧ nə kala ȧmerȧ kəpa aŋfəm a su abȧki bɛ aŋ po yi thəpaŋ roratha ka kagbəpər ka ȧŋbunth ŋa akima, ɔwa ŋa bɛ aŋ po fəsi kȧbȧŋ kəyim.

1 AŋKɔrenth 12:1

Ɔwa, aŋwɔnt a mi, i yema kȧmȧ nə tȧrȧ ta ɛboya ya ɔYina məsəm.

1 AŋKɔrenth 14:20

Awɔnt, te nu yi afɛth rə ȧmerȧ, kɛrɛ rə məgbɛŋanɛ yi nu təlɛnth; ɔwa ka kəsɔthnɛ yi nu mɔ afəm abȧki.

1 AŋKɔrenth 14:26

To pə yi thɔŋ-a awɔnt? Bepi nə thoŋklanɛ rɔkin-e, wuni o wuni ɔ ba aleŋ, ɔ ba kəthəksa, ɔ ba kənt kətel, ɔ ba tȧy təŋȧybi, thalɔm ɔ ba kətepa. Ɔwa yɔ kȧmȧ tȧy o tȧy tə tempəs ȧŋmerȧ.

1 AŋKɔrenth 9:2

Hali i yi hɛ usom ka afəm alɔm-e, kɛrɛ i yi usom ta ȧtȧ nu, kotȧy-e naŋ nə yi maseri ma rasom ra mi ka ɔMarki.

2 AŋKɔrenth 1:8

kotȧy-e awɔnt, sə yema hɛ nə te tȧrȧ kasɔmpanɛ ȧke bəp su ro Asia, ȧke bora bȧk su asɔbɛ, pəthas ras aŋfɔsɔ a su, haŋ sə thamrɔ rə ȧmerȧ ta ɛŋesəm ɛ su.

2 AŋKɔrenth 2:14

Kɛrɛ i muti Kuru mɔmɔ, ɔwe mə kera su lɔkɔ o lɔkɔ rə katham ka Kraist-e, dɛ yi ɔwe mə sakthi ȧŋbɔnt abɔthi ŋa kȧtȧrȧ kɔŋ dɛr o dɛr ka kȧta kȧsu.

AŋKȧletia 3:15

Awɔnt, i sɔŋ məbalanɛ kəwur ka rawuni kəpet. Wuni o wuni ɔ gbəli hɛ bȧr thalɔm ɔ gbəŋki hali ka alemranɛ ŋa wuni kəpet bepi a poŋ gbo bȧksər ŋi.

AŋKȧletia 6:18

Awɔnt, ȧŋboŋa ŋa ɔMarki kȧsu Yisɔs Krayst ta aŋ yi ka ɛmerȧ ɛ nu. Amina.

AŋFilipai 1:22

Kɛrɛ bepi i bɔl ŋesəm nɔru-e, pə yi mɔ-e, mȧkomi ma mapanth ma mi miəŋ; ɔwa ȧtȧ i yi tə kəthith gbeŋ i tɛ hɛ,

AŋFilipai 4:17

Pə yi hɛ kəpa i thɛns aboya, kɛrɛ i thɛns kȧmȧ nə wurɔ məkomi məgbathi.

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋKɔlɔsi 1:6

Ȧrim rati rə bek do rɔnu mɔ mȧ rə po yɔ ka ȧdȧru rəlolok bɛ. Ɔwa rə kȧl wurɔ ŋani mɔ mə rə yɔ do rɔnu kȧbi ka ȧŋrey ma nə mɔtha təl, ɔwa nə mɔtha tȧrȧ ȧŋboŋa ŋa Kuru təteŋ;

1 AŋThɛsȧlonika 2:18

kotȧy-e sə yema naŋ der do rɔnu, yao, minɛ Pɔl, i fela tə kəkal yɔ ti sɔ; kɛrɛ Sethani ɔ bɛnt su.

1 AŋThɛsȧlonika 4:13

Kɛrɛ awɔnt, i yema kȧmȧ nə tȧrȧ ta ŋaŋ aŋa po thas, kȧmȧ nə te bok mɔ mə ŋaŋ aŋa te ba kəgbak ȧmerȧ,

2 AŋThɛsȧlonika 2:7

kotȧy-e ka-ake thɔŋ, aŋfɔsɔ ȧmȧnknɛ ŋa məkənə aŋ yɔ məpanth sɔy; kɛrɛ kɔn ɔwe mə wopər ŋi ka-ake, ɔ tə yɔ yi haŋ a tɔŋa kɔ.

2 Timɔthi 4:17

Kɛrɛ ɔMarki ɔ təmȧ mi rayɛr, kɔ bȧksər mi, kȧmȧ pə yi ȧŋsabu a mi, tȧbona təlɔm bɛ aŋ tə təl ȧkɛra kəfinɔ ka Kuru; kɔ kathi mi ka kȧsəŋ ka ȧŋsoyila.