AŋHibru 9:28 - Ȧŋlemrȧnɛ Ȧfu

²⁸ Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

AŋHibru 9:28 ပူးပေါင်းရင်းမြစ်များ

Mathiu 20:28

mɔ mǝ ɔWan ka wuni ɔ te der kȧmȧ a yɔna kɔ, kɛrɛ tǝ kǝyɔna afǝm, dɛ yi tǝ kǝsɔnd aŋesǝm ŋɔŋ tǝ kǝbani afǝm alai.

Mathiu 25:31

Kɛrɛ ma ɔWan ka wuni ɔ po der ka aŋyiki ŋɔŋ, yi aŋmȧleka aŋa yi yi kɔnɔȧŋ, ka ȧŋlɔkɔ ŋati ɔ tǝ yirȧ ka kawaŋ ka rȧbȧy ka aŋyiki ŋɔŋ-e,

Mathiu 26:28

kotȧy-e ame mǝ yi mȧtir ma mi ma aŋlemranɛ afu, ama a loŋ ta agbȧthi ta katerɔ ka ɛhakɛ.

Yɔn 14:3

Ɔwa bepi i kɔ tə kəbɛnɛnɛ nu dɛr-e, i ti kȧl der sɔ, i ti ba nu ro mi: kȧmȧ ro minɛŋ i yi, nia sɔ nə tə yi.

Mȧyɔs ma aŋsom 1:11

aŋ pa, Naŋ alaŋgba ŋa ro Kalili, kɔyɛŋ mə nə təmȧ nə kəli rokɔm-e? Yisɔsȧŋ ɔkin ɔwe-e, ɔwe a nɔy nu a ŋata ro riana-e, ya mɔ kȧl sɔ der mɔ mə nə nənk kɔ ɔ kɔnɛ ro riyana.

AŋRomans 3:25

kotȧy-e Kuru ɔ təmər kɔ tə kəyi unɛmthɛnɛ salata kȧlanɛ ka mȧtir mɔŋ. Ɔ yɔ ȧte kȧmȧ ɔ tɔri mȧlompi mɔŋ, ȧtesoma-e ka kamuyu kɔŋ ɔ po painɛ ɛhakɛ ɛyɛ aŋ po yɔ,

AŋRomans 5:15

Kɛrɛ ɔgbaskɛ ɔ yi kətɔŋ ka aŋhakɛ ŋa Adȧm yi ȧŋboya ŋa Kuru, kotȧy-e bepi, asabu ŋa aŋhakɛ ŋa wuni kin-e, afəm bɛ aŋ ba tə kəfi-e, pə tha gbethi ȧŋboŋa ŋa Kuru yi ȧŋboya ŋa ȧŋboŋa aŋa mə der salata ɔwuni kin, Yisɔs Kraystȧŋ, aŋ tə thɛrmɛ ka afəm bɛ.

AŋRomans 6:10

kotȧy-e rafi ara ɔ fi-e, rə yi rəfi ta ahakɛ win ta thəbana, kɛrɛ aŋesəm aŋa ɔ ba thɔŋ-e, ɔ ba ŋi ta salata Kuru.

AŋRomans 8:23

Ka pə yi hɛ gbo yaŋ-e, kɛrɛ saŋ sɔ gbeŋ aŋa ba mȧkomi mətɔtɔkɔ ma ɔYina-e, hali saŋ sə laŋ rə ȧmerȧ, ma sə kar ȧŋlɔkɔ ma a ba kəsəki su mɔ awuth, pə yi mɔ-e kabani ka mȧdɛr ma su.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

1 AŋKɔrenth 1:7

kȧmȧ nə te paŋ aboya o boya ma mə nə kar kȧder ka ɔMarki kȧsu Yisɔs Krayst,

1 AŋKɔrenth 15:54

Ma ȧŋdɛr ȧthey aŋe aŋ po wɔŋ kəte they-e, dɛ yi ȧŋdɛr afi aŋe aŋ po wɔŋ kəte fi-e, ȧŋlɔkɔ ŋati mə tə yɔnɛ ȧtȧ a gbal kəpa, Kətham kə po sɔm rəfi.

1 AŋThɛsȧlonika 1:10

dɛ yi tə kəkar ɔWan kɔŋ kəwur ro riana-e, ɔwe ɔ po yokas ka rafi, pə yi mɔ-e Yisɔs ɔwe po kisis su ka rabaŋ ara ba kəder.

2 AŋThɛsȧlonika 2:1

Ɔwa sə nɛmthɛnɛ nu awɔnt, salata kȧder ka ɔMarki kȧsu Yisɔs Krayst, dɛ yi kagbanɛ kȧsu yi kɔn,

2 Timɔthi 4:8

Tiyȧŋ ȧniyɔ ŋa mȧlompi aŋ yi ta ȧtȧ mi, aŋa ɔMarki, ɔThoŋkas ulompi, ɔ tə sɔŋ mi ka ȧŋrey ŋati; ɔwa pə yi hɛ ta ȧtȧ mi gbo son-e, kɛrɛ ta ȧtȧ ŋaŋ bɛ aŋa bɔthər kȧder kɔŋ.

Taytɔs 2:13

ma sə kar ta kagbak ȧmerȧ ka aruba, pə yi mɔ-e katɔrinɛ ka aŋyiki ŋa ɔKuru ubana yi ɔKisis kȧsu Yisɔs Kraystȧŋ;

AŋHibru 1:14

Aŋmȧleka bɛ aŋ yi hɛ gbo ɛyina ɛyɛ yɔna Kuru-i, ɛyɛ ɔ som tə kəmar ŋaŋ aŋa mə re sɔthɔ kəkisi-i?

AŋHibru 10:10

Ɔwa kətȧŋȧnɛ ka mȧselɔ mati a po səməs su asabu ŋa kasɔndnɛ ka ȧŋdɛr ŋa Yisɔs Krayst win haŋ thəbana.

AŋHibru 12:14

Tȧŋ nu məthɔfəl rə afəm bɛ, yi masəm ama pə yi-e, thambe wuni ɔ ba ma-e, ɔ gbəli hɛ nənk ɔMarki.

AŋHibru 2:3

to saŋ mə sə gbəli kisi bepi sə say kakisi kəbana mɔ ake-e? kotȧy-e ɔMarki kɔnɔ mɔtha tɔri ki ɔwa ŋaŋ aŋa po təlȧ kɔ aŋ bȧksər ki do rɔsu.

AŋHibru 4:15

pəkasifɛ sə ba hɛ ufode ubana ɔwe te gbəli təlnɛ mȧrȧnt ma su; kɛrɛ a la mɛmər kɔ yi ɛgbɔns rə roŋ o roŋ mɔlɔ min mɔ saŋ, kɛrɛ ɔ tha yɔ hɛ ahakɛ bɛ.

AŋHibru 5:9

ɔwa ma a po gbenthis kɔ-e, ɔ səkɛ ɔTəpi ka ŋaŋ bɛ aŋa mə sanɛ do rɔŋɔŋ.

AŋHibru 7:27

Ɔwe tǝ ba kəwura sathka ȧrey o rei mɔ afode alɔm, ka ɔtɔtɔkɔ ta ɛhakɛ yɔŋ, ɔwa rodarəŋ kati ta ɛhakɛ ya aŋfəm. Kotȧy-e ɔ po yɔ ti win, ma ɔ sɔndnɛ.

AŋHibru 9:25

Ɔwa ɔ wɔŋ hɛ ri kȧmȧ ɔ sɔndnɛ katkat, mɔ mȧ ɔfode ubana mɔ wɔŋ ka ɔdɛr ɔsəm thɔ bɛ kəren o kəren yi mȧtir ama te yi amɔŋ.

1 Pitar 2:24

Kɔnɔ kati gbeŋ ɔ sara ɛhakɛ ɛ su ka ȧŋdɛr ŋɔŋ ka ȧŋpənki kȧmȧ saŋ ma sə yi sa afi ka ɛhakɛ-e, sə gbəli yi sa akəli ka mȧlompi, ɔwa a yenkəs nu ka tȧsam tɔŋ.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

2 Pitar 3:12

Ma pə yi ti-e, nə kəli, ka nə bosinɛ ta kȧder ka ȧŋrey ŋa Kuru, ma tȧriyana tə tə poŋ tɛf ka nȧnt nəmara-e, ɔwa mayɛt sɛŋk mə tə thaŋkɛ ka ɔfei ɔninis wati.

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

1 Yɔn 3:5

Ka nə tȧrȧ kəpa Krayst ɔ tɔrinɛ tə kənɔy ɛhakɛ ɛ su; ɔwa ahakɛ aŋ yi hɛ ro ŋɔŋ.

Yud 1:21

bȧkər nu ka mabɔthər ma Kuru, nə kəlianɛ ȧŋney ŋa ɔMarki kȧsu Yisɔs Krayst aŋa mə sɔŋ su aŋesəm thəbana.

Kȧŋȧibinɛ 1:7

Kəla, kɔnɔ mə derȧŋ yi turu təfera, ɔwa rəfɔr o rəfɔr rə tə nənk kɔ, dɛ yi ŋa sɔ aŋa raf kɔ; ɔwa tȧbona bɛ ta ȧdȧru tə tə bok ta atɔŋ. Ta pə yi ti yaŋ, Amina.