AŋHibru 9:26 - Ȧŋlemrȧnɛ Ȧfu

²⁶ kotȧy-e bepi pə yi yaŋ Krayst ɔ ba naŋ tə kəsɔndnɛ ɛlɔkɔ ɛlai kȧbi ka ɔtəpɛr wa ȧdȧru; kɛrɛ ka-ake ka ɔthalnɛ wa aŋyamana ɔ po tɔrinɛ win haŋ thəbana tə kəpons ɛhakɛ kətȧŋȧnɛ ka kasɔndnɛ kɔŋ.

AŋHibru 9:26 ပူးပေါင်းရင်းမြစ်များ

Mathiu 13:39

Ɔtheranɛ ɔwe sak ki-e, Sethani kɔnɔȧŋ. Ȧŋlɔkɔ ŋa karɔk aŋ yi ɔthalnɛ wa ȧdȧru, ɔwa aŋrɔk, ŋa yi aŋmȧleka.

Mathiu 13:40

Tiyȧŋ mɔ mǝ a thoŋkla kapika, ɔwa a thɔi ki ro nant-e, ya mǝ pǝ yi ka ɔthalnɛ wa ȧdȧru.

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

1 AŋKɔrenth 10:11

Ɔwa mȧtȧy ame bɛ mə yɔnɛ ŋaŋ tə kəyi ȧmȧŋ, ka a gbal ma mɔ amɔl ta ȧtȧ su, ma pə yi sə bəpər ka ɔlasər wa ɛyamana.

AŋKȧletia 4:1

Kɛrɛ i pa, fani kɔn ɔwe mə sɔthɔ akɛŋ ɔ yi ras wath-e, ɔ yi hɛ ɔgbaskɛ kəwur ka utar, hali ɔ yi ɔmarki ka kafus bɛ;

AŋƐfisɔs 1:10

Kȧmȧ pəyi, mȧ ȧŋlɔkɔ aŋ lasər-e, ɔ gbəli thonkla mȧtȧy bɛ rɔkin rokor ka Krayst, pə yi mȧtȧy ama yi ro riana-e, dɛ yi ama yi ka raru-e.

AŋƐfisɔs 5:2

Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 1:2

kɛrɛ ka marey mələpsɔ ame ɔ fɔfȧnɛ su ka ɔWan kɔŋ, ɔwe Kuru ɔ thith tə kəsɔthɔ mȧtȧy bɛ kɛŋ, ɔwa kətaŋ do rɔŋɔŋ sɔ ɔ la po bɛmpa ȧdȧru bɛ;

AŋHibru 10:10

Ɔwa kətȧŋȧnɛ ka mȧselɔ mati a po səməs su asabu ŋa kasɔndnɛ ka ȧŋdɛr ŋa Yisɔs Krayst win haŋ thəbana.

AŋHibru 10:12

Kɛrɛ ɔfode ɔwe-e, ma ɔ po sɔŋ sathka ta ɛhakɛ win haŋ thəbana, ɔ yirȧ ka kȧta kədiɔ ka Kuru.

AŋHibru 10:26

kotȧy-e bepi sə yɔ ɛhakɛ kəsias kədarəŋ ka ma sə po sɔthɔ kȧtȧrȧ ka tateŋ-e, sathka təlɔm tə yi hɛ ta ɛhakɛ,

AŋHibru 10:4

Pəkasifɛ mȧtir ma ɛthura dɛ yi atir mə ba hɛ afɔsɔ tə kənɔi ɛhakɛ hali.

AŋHibru 4:3

kotȧy-e saŋ aŋa po lanɛ sə wɔŋ ka ɔfothanɛ wati, mɔ mɔ pa, I gbiŋ ka rȧbaŋ da mi, kəpa, Aŋ gbəli hɛ wɔŋ ka ɔfothanɛ ɔ mi; hali ma Kuru ɔ pons thɔŋ mȧpanth mati kȧbi ka ɔtəpɛr wa ȧdȧru.

AŋHibru 7:27

Ɔwe tǝ ba kəwura sathka ȧrey o rei mɔ afode alɔm, ka ɔtɔtɔkɔ ta ɛhakɛ yɔŋ, ɔwa rodarəŋ kati ta ɛhakɛ ya aŋfəm. Kotȧy-e ɔ po yɔ ti win, ma ɔ sɔndnɛ.

AŋHibru 9:12

ɔ wɔŋ win haŋ thəbana ka ɔdɛr ɔsəm thɔ bɛ, kɔ gbasi mȧtir mɔŋ gbeŋ, pə yi hɛ mȧtir ma atir dɛ yi təna təfɛth. Yaŋ ɔ sɔthɔ kakisi kəthəbana ta ȧtȧ su.

AŋHibru 9:14

pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.

1 Pitar 1:20

Tɛntɛnɛ a thith kɔ yeŋka ɔtəmsər wa ȧdȧru, kɛrɛ a ŋaibi kɔ ka marey mələpsɔ ame ta ȧtȧ nu.

1 Pitar 2:24

Kɔnɔ kati gbeŋ ɔ sara ɛhakɛ ɛ su ka ȧŋdɛr ŋɔŋ ka ȧŋpənki kȧmȧ saŋ ma sə yi sa afi ka ɛhakɛ-e, sə gbəli yi sa akəli ka mȧlompi, ɔwa a yenkəs nu ka tȧsam tɔŋ.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Pitar 4:7

Kɛrɛ ɔthalnɛ wa mȧtȧy bɛ ɔ po fat; tiyȧŋ yi nu atempi, ɔwa bumnɛ nu rə kəramnɛ.

1 Yɔn 3:5

Ka nə tȧrȧ kəpa Krayst ɔ tɔrinɛ tə kənɔy ɛhakɛ ɛ su; ɔwa ahakɛ aŋ yi hɛ ro ŋɔŋ.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 17:8

Ɔsɛm ubaŋ ɔwe mə po nənk ɔ la yi, kɛrɛ ɔ yi hɛ sɔ, kɛrɛ pə tiyȧ gbo ɔthan ɔ tə kȧl wur ka ȧŋbi aŋa te ba ɔthalnɛ, kəkɔnɛ ka kadinɛ; ɔwa aŋfəm ŋa ȧdȧru aŋ tə kabanɛ, ŋa bɛ aŋa te la ba ames maŋ ka ȧkȧfȧ ka aŋesəm kȧbi ka ɔtəpɛr wa ȧdȧru, maŋ nənk ɔsɛm ubaŋ ɔwe la yi, ɔwa ɔ yi hɛ sɔ, kɛrɛ ɔ yi tə kəder.