AŋHibru 9:15 - Ȧŋlemrȧnɛ Ȧfu

¹⁵ Te ba ti ɔ yi ukasa ka aŋlemranɛ afu, kȧbi ɔ po fi tə kəbani ɛhakɛ yaŋ aŋa la yi roratha ka aŋlemranɛ ȧtɔtɔkɔ, kȧmȧ ŋaŋ aŋa a po tela aŋ gbəli sɔthɔ aŋlahiri ŋa akɛŋ ka thəbana.

AŋHibru 9:15 ပူးပေါင်းရင်းမြစ်များ

Mathiu 19:29

Ɔwa wuni o wuni ɔwe po tey ɛseth, thalɔm awɔnt aruni, thalɔm awɔnt abɛra, thalɔm ukas, thalɔm ukara, thalɔm urani, thalɔm awuth, thalɔm tǝthɔf salata ȧŋes a mi-e, ɔ tǝ bȧr sɔthɔ mɔlɔ ma kǝtǝma kɛmɛ kin, ɔwa ɔ tǝ sɔthɔ sɔ aŋesǝm thǝbana.

Mathiu 22:3

kɔ som ɛbɔy yɔŋ tǝ kǝtela ŋaŋ aŋa a muti ka amet ma kanantǝ. Kɛrɛ aŋ selɔ hɛ der.

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Mathiu 25:36

Ma i yi utiŋ-e, nǝ lonsǝr mi. Ma i yi utuy-e, nǝ kori mi. Ma i yi ka ȧŋseth ŋa tǝrǝŋka-e, nǝ der ro mi.

Mark 10:17

Ma ɔ wur tə kəkɔ ka ȧŋbiyas ŋɔŋ-e, wuni kin ɔ der ro ŋɔŋ kəgbukɛŋ, ɔ sɔ təwu, ɔ yif kɔ, Karmɔkɔ ufinɔ, to mə i yɔ kȧmȧ i sɔthɔ aŋesəm thəbana-e?

Luk 18:18

Ɔwa urəbomp ulɔm ɔ yif kɔ, ɔ pa, Karmɔkɔ uthɔth, to mə i yɔ kȧmȧ i sɔthɔ aŋesəm thəbana-e?

Luk 22:20

Maŋ po di-e ɔ gbasi ampɔthi, ɔ pa, Ampɔthi aŋe aŋ yi aŋlemranɛ afu ka mȧtir ma mi, ama a loŋ ta ȧtȧ nu.

Yɔn 10:28

ka i sɔŋ ŋa aŋesəm thəbana; ɔwa aŋ ba hɛ kədinɛ thȧnkȧŋ, ɔwa wuni o wuni ɔ gbəli hɛ kathi ŋa ka kȧta kȧmi.

Mȧyɔs ma aŋsom 20:32

Ɔwa ka-ake i lȧnki nu ka Kuru yi ka ȧrim ra ȧŋboŋa ŋɔŋ, ara ba afɔsɔ tə kəbaksər nu, dɛ yi tə kəsɔŋ nu ani kətɔŋ ka ŋaŋ aŋa a po səməs.

AŋRomans 5:10

kotȧy-e bepi ma sə yi ras saŋ atheranɛ-e, a yɔ su sə kȧl manɛ yi Kurɔŋ kətȧŋȧnɛ ka rafi ra ɔWan kɔŋ-e, pə tha gbethi ma sə po thɔŋ kȧl manɛ-e, a tə kisis su salata aŋesəm ŋɔŋ.

AŋRomans 5:6

kotȧy-e ma sə te tha ba afɔsɔ-e, ka ȧŋlɔkɔ abeki Krayst ɔ fi ta salata aŋa te bɔthər Kuru.

AŋRomans 5:8

Kɛrɛ Kuru ɔ tɔri mabɔthər mɔŋ ro rɔsu, pəkasifɛ ma sə yi ras afəm ŋa ahakɛ-e, Krayst ɔ fi ta ȧtȧ su.

AŋRomans 6:23

kotȧy-e ȧŋrȧm ŋa ahakɛ aŋ yi rəfi, kɛrɛ ȧŋboya ŋa Kuru aŋ yi aŋesəm thəbana rokor ka Yisɔs Krayst ɔMarki kȧsu.

AŋRomans 8:28

Ka sə tȧrȧ kəpa mȧtȧy bɛ mə tə yɔnɛ finɔ ta salata ŋaŋ aŋa bɔthər Kuru, pə yi mɔ ta ŋaŋ aŋa a muti kətȧŋȧnɛ ka mȧselɔ mɔŋ.

AŋRomans 8:30

Ɔwa ŋaŋ aŋa ɔ po thith thəpaŋ, ŋaŋ sɔ ɔ muti; ɔwa ŋaŋ aŋa ɔ muti-e, ɔ sɔŋ ŋa məmari; ɔwa ŋaŋ aŋa ɔ sɔŋ məmari-e, ɔ kȧl yikis ŋa.

AŋRomans 9:24

hali saŋ aŋa ɔ po tela kəwur ka aŋYuda son thahɔ, kɛrɛ ka tȧbona təlɔm sɔ.

2 AŋKɔrenth 3:6

kɔnɔ sɔ ɔ po yɔ su saŋ abeki tə kəyi ɛbɔy ya aŋlemranɛ afu; pə yi hɛ ka asikra, pə yi ka ɔYina; kotȧy-e asikra, ŋə mə dif, kɛrɛ ɔYina kɔnɔ mə sɔŋ ŋesəm.

AŋKȧletia 3:20

Ɔwa, ukasa ɔ gbəli hɛ yi ukasa ka wuni kin gbo, kɛrɛ Kuru ɔ yi kin.

AŋƐfisɔs 1:7

Ɔwa, do rɔŋɔŋ, a bani su kətaŋ ka mȧtir mɔŋ, pə yi mɔ-e, kȧterɔ ka ɛhakɛ kətȧŋȧnɛ ka rayola ra ȧŋboŋa ŋɔŋ,

2 AŋThɛsȧlonika 2:14

Tȧsom Kuru ɔ poŋ tela nu ka ȧkɛra kəfinɔ kȧsu, kȧmȧ nə sɔthɔ aŋyiki ŋa ɔMarki kȧsu Yisɔs Krayst.

1 Timɔthi 2:5

kotȧy-e ɔKuru ukin ɔ yi, yi uKasa ukin kətɔŋ ka Kuru yi afəm. Ɔwuni ɔwe kɔn ɔ yi Yisɔs Krayst,

2 Timɔthi 2:10

Tiyȧŋ i muyu tȧy o tȧy salata aŋfəm ŋa Kuru kȧmȧ ŋa sɔ aŋ gbəli sɔthɔ kakisi ȧke yi ka Krayst yi ayiki thəbana.

Taytɔs 1:2

Ka kagbak ȧmerȧ ka aŋesəm thəbana, ȧke Kuru-e, ɔwe gbəli hɛ yema, ɔ po lahiri kȧbi ka ɔtəpɛr wa ȧdȧru;

Taytɔs 3:7

kȧmȧ ma sə po sɔthɔ məmari ka ȧŋboŋa ŋɔŋ-e, sə tə səkɛ aŋa mə ba akɛŋ kətȧŋȧnɛ ka kȧgbȧk ȧmerȧ ka aŋesəm thəbana.

AŋHibru 10:34

Ȧtesoma-e nə ba ȧney ka atɛndɛbira, ɔwa nə kȧl selɔ rə məbɔnɛ ma a luk ɛyɛt ɛ nu, kȧbi nə tȧrȧ kəpa nə ba kɛŋ kəfisa ȧke ba kətia thȧnkȧŋ.

AŋHibru 10:36

kotȧy-e nə ba tə kəmuyu, kȧmȧ ma nə po yɔ mȧselɔ ma Kuru-e, nə tə sɔthɔ aŋlahiri:

AŋHibru 11:13

Aŋe bɛ-e aŋ fi ka kəlanɛ, aŋ sɔthɔ hɛ ɛlahiri, kɛrɛ aŋ nənk yi gbo abɔli poŋ, ɔwa aŋ malanɛ yi kaŋ seri kəpa aŋ yi atik dɛ yi afəm ŋa ɛbiyas ka ȧdȧru are.

AŋHibru 12:24

dɛ yi ka Yisɔsȧŋ, ɔKasa ka aŋlemranɛ afu, dɛ yi ka mȧtir ma kəwɔnsir ama tɔri kɛra kəfisa pəthas mȧtir ma Ebɛl.

AŋHibru 13:20

Ɔwa ka-ake kaŋka ɔKuru ka mȧthɔfəl ɔwe poŋ yokas ɔMarki kȧsu Yisɔs ka rəfi-e, ɔTɔl talɔmɛ ubana; kətȧŋȧnɛ ka mȧtir ma aŋlemranɛ athəbana-e,

AŋHibru 2:14

Tiyȧŋ ma aŋwuth aŋ ba madɛr yi mȧtir ma rawuni kəpet-e, kɔn kɔnɔnɛ sɔ ɔ gbasi mayi mati kȧmȧ kətȧŋȧnɛ ka rȧfi ɔ gbəli ləsər kɔn ɔwe ba aŋfɔsɔ ŋa rəfi, kɔnɔ yi mɔ Sethani.

AŋHibru 3:1

Te ba ti, awɔnt asəm, ayeranɛ ka katela ka ro riana-e, kala ȧmerȧ ka Yisɔs Krayst, ɔwe yi mɔ ɔSom dɛ yi ɔFode ubana ka kȧlanɛ kȧsu.

AŋHibru 6:13

kotȧy-e, ma Kuru ɔ sɔŋ aŋlahiri ka Ebraham-e, ɔ gbiŋ ka aŋyɛthɛ ŋɔŋ, pəkasifɛ ulɔm ɔ yi hɛ ɔwe yi ubana uthasi kɔ,

AŋHibru 6:15

Ɔwa ma Ebraham ɔ po muyu haŋ-e, ɔ sɔthɔ tɛn aŋlahiri.

AŋHibru 7:22

Te ba ti Yisɔs ɔ yi aŋseri ŋa alemranɛ afisa.

AŋHibru 8:13

Ma ɔ pa, Alemranɛ afu, pə yi kəpa ɔ po səki antɔtɔkɔ akur. Ɔwa rəka o rəka ara mə bȧk dɛ yi ara mə kura rə won hɛ thas.

AŋHibru 9:12

ɔ wɔŋ win haŋ thəbana ka ɔdɛr ɔsəm thɔ bɛ, kɔ gbasi mȧtir mɔŋ gbeŋ, pə yi hɛ mȧtir ma atir dɛ yi təna təfɛth. Yaŋ ɔ sɔthɔ kakisi kəthəbana ta ȧtȧ su.

AŋHibru 9:16

kotȧy-e ro areka ŋa alemnɛ aŋ yi-e, rafi ra ɔwe bɛmpa ŋi rə ba kəyi sɔ.

AŋHibru 9:28

Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

Yeməs 1:12

Wuni ka aruba wɔŋ ɔwe mə muyu ɛgbɔnsanɛ, kotȧy-e bepi a po gbɔns kɔ-e, ɔ tə sɔthɔ ȧniyɔ ŋa aŋesəm, aŋa ɔMarki ɔ po lahiri ŋaŋ aŋa bɔthər kɔ.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

1 Yɔn 2:25

Ɔwa aŋlahiri aŋa ɔ lahiri su ŋa yi aŋesəm thəbana.

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.