AŋHibru 9:14 - Ȧŋlemrȧnɛ Ȧfu

¹⁴ pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.

AŋHibru 9:14 ပူးပေါင်းရင်းမြစ်များ

Mathiu 12:28

Kɛrɛ bepi i wurɔ akǝrǝfi ka aŋfɔsɔ ŋa ɔYina ka Kuru Mǝsaba-e, rȧbȧy ra Kuru rǝ derǝr nu.

Mathiu 16:16

Ka Saymɔn Pitarȧŋ ɔ lasi, ɔ pa, Munɔ yi ɔKrayst, ɔWan ka ɔKuru ukǝli.

Mathiu 20:28

mɔ mǝ ɔWan ka wuni ɔ te der kȧmȧ a yɔna kɔ, kɛrɛ tǝ kǝyɔna afǝm, dɛ yi tǝ kǝsɔnd aŋesǝm ŋɔŋ tǝ kǝbani afǝm alai.

Mathiu 7:11

Bepi naŋ ma nǝ yi alǝs-e, nǝ tȧrȧ kǝsɔŋ ɛboya ɛfinɔ ka aŋwuth a nu-e, pǝ tha gbethi ɔKas ka nu ɔwe yi ro riyana mǝ ɔ sɔŋ hɛ ɛyɛt ɛfinɔ ka ŋaŋ aŋa mǝ tholir kɔ-i?

Luk 1:74

kəpa, Bepi ɔ po wurɔ su ka mȧta ma aŋtheranɛ a su-e, Sə tə bȧtho kɔ rə kəte ba rənes,

Luk 12:24

Tȧmtȧmnɛ ɛwendema, aŋ sak hɛ, aŋ rɔk hɛ, aŋ ba hɛ dɛr ɔbɛnɛnɛ, aŋ ba hɛ təfuŋk, kɛrɛ Kuru ɔ wɔnthər ŋa. Thamsinɛ naŋ nə yi abȧki mɔlɔ pəthasi ɛbȧmp!

Luk 12:28

Bepi Kuru ɔ lonsər naŋ akereŋ ȧke yi thonɔŋ, kɛrɛ ninaŋ a thɔi ki-e, pɔ tha gbethi ɔ tə lonsər nu, nia ŋa kəlanɛ kəthan!

Luk 4:18

ƆYina ka ɔMarki ɔ rensa mi, Pəkasifɛ ɔ po səməs mi tə kətɔri ȧkɛra kəfinɔ ka Kuru ka ȧŋmɔnɛ. Ɔ som mi tə kətaməs kasəli ka atɛndɛbira, Yi kakal kəli ka aŋfith, Tə kəsɔŋ rȧwankom ka aŋa a thiŋkər rə afɔsɔ rəkɔm.

Yɔn 3:34

kotȧy-e, kɔnɔ ɔwe Kuru ɔ som ɔ tə fɔf ȧsim ta Kuru: ȧtesoma-e Kurɔŋ ɔ thuntha hɛ kɔ ɔYina.

Mȧyɔs ma aŋsom 1:2

haŋ ȧŋrey aŋa a ŋata kɔ rokɔm, kədarəŋ kɔ po sɔŋ aŋyamari ka aŋfɔsɔ ŋa ɔYina məsəm ka aŋsom aŋa ɔ po thith.

Mȧyɔs ma aŋsom 10:38

Rə tɔri kəpa Kurɔŋ ɔ reŋ Yisɔsȧŋ ɔwe ro Nasarɛth ɔYina məsəm yi afɔsɔ; ɔ kɔth kɔth dɛr o dɛr kəyɔ ɔfinɔ, ɔ yenkəs aŋfəm bɛ aŋa Sethani mɔ sɔmpa, kotȧy-e Kurɔŋ ɔ yi yi kɔn.

Mȧyɔs ma aŋsom 14:15

Pa-ŋaŋ, kɔyɛŋ mə nə yɔ mȧtȧy ame-e? Saŋ sɔ sə yi afəm mɔ naŋ, sə kȧrȧ nu kɛra kəfinɔ kȧmȧ nə tey mȧtȧy məyai ame tə kəlafthɛ ka ɔKuru ukəli ɔwe bɛmpa akuru-o, anthɔf-o, kȧbȧŋ-o yi koko ara yi ri.

Mȧyɔs ma aŋsom 15:9

Ɔ bot hɛ ɔgbaskɛ kətɔŋ kȧsu yi ŋaŋ ma ɔ fethər ɛmerȧ yaŋ ka kȧlanɛ.

AŋRomans 1:20

kotȧy-e kȧbi ka ɔtəpɛ wa ȧdȧru mayi mɔŋ ama a te nəŋka rəfɔr ama yi mɔ aŋfɔsɔ ŋɔŋ athəbana dɛ yi rawuni ra kuru rɔŋ-e, a tɔri ma gbafəth salata mapanth ma mȧta mɔŋ. Tiyȧŋ aŋ ba hɛ sɔ ra maŋ aŋ kat kɛrɛ.

AŋRomans 1:4

kɛrɛ ka ɔYina ka məsəm-e, kȧyokanɛ kɔŋ ka rȧfi kə tɔri kəpa ɔ yi ɔWan ka Kuru tɛntɛnɛ rə afɔsɔ.

AŋRomans 11:12

Ɔwa bepi kabunɛ ka ŋaŋ kə sɔŋ rəyola ka ȧdȧru-e yi kagbənkɛ ka ŋaŋ kə yi kabarnɛ ka tȧbona təlɔm-e, pə tha gbethi kəkalɔ ka ŋaŋ kə tə ba ɔfinɔ ɔthasər.

AŋRomans 11:24

Ȧtesoma-e bepi a wurɔ mu ka ȧŋbaktha ŋa ro kanth ro a koma mu, ka a gbɛptanɛ mu ka aŋleməre abɔthi-e, pə tha gbethi aŋe aŋa yi mara ma aŋleməre atɛntɛnɛ-e, a tə kȧl wɔŋȧ ŋa ka aŋleməre abɔthi aŋa koma ŋa.

AŋRomans 6:13

Te sɔnd malaŋktha ma madɛr ma nu ka ahakɛ mɔ ɛyɛt ɛtima ya mȧkənȧ, kɛrɛ sɔndnɛ ka Kuru mɔ afəm akəli aŋa po wur ka rəfi kəkɔ ka aŋesəm, yi malaŋktha ma madɛr ma nu mɔ ɛyɛt ɛtima ya məlompi salata Kuru.

AŋRomans 6:22

Kɛrɛ ka-ake ma nə po wur ka ratar ra ahakɛ-e, ɔwa nə səkɛ antar ŋa Kuru-e, nə ba ȧŋrȧm ŋa kəsəməsnɛ dɛ yi ka ɔthalnɛ wati sɔ-e, aŋesəm thəbana.

1 AŋKɔrenth 15:45

Tiyȧŋ a gbal ti kəpa, Ɔwuni utɔtɔkɔ Adȧmȧŋ a səki kɔ wuni ba ŋesəm; kɛrɛ ɔAdȧm uləpsɔ kɔnɔ yi ɔYina ɔwe sɔŋ aŋesəm.

2 AŋKɔrenth 5:21

kotȧy-e ta ȧtȧ su a səki kɔ ahakɛ, pə yi mɔ kɔn ɔwe te la tȧrȧ ahakɛ bɛ; kȧmȧ saŋ sə gbəli səkɛ mȧlompi ma Kuru rokor kɔŋ.

2 AŋKɔrenth 6:16

Ta a pa ras ko asekəranɛ ȧŋseth ŋa Kuru aŋ ba yi ɛyɛt ɛrɔŋ-e? Kotȧy-e saŋ sə yi ȧŋseth ŋa ɔKuru ukəli, mɔ mə Kuru ɔ pa, I ti yirȧ kətɔŋ ka ŋaŋ, ɔwa i ti kɔth kətɔŋ ka ŋaŋ; ɔwa i ti yi ɔKuru ka ŋaŋ, dɛ yi ŋaŋ aŋ tə yi aŋfəm a mi.

AŋKȧletia 2:19

kotȧy-e kətȧŋȧnɛ ka ȧŋthɔ i po fi ka ȧŋthɔ kȧmȧ i gbəli ba ŋesəm salata Kurɔŋ.

AŋƐfisɔs 2:5

hali ma sə yi saŋ afi ka ɛhakɛ-e, ɔ kȧl sɔŋ su aŋesəm dɛ yi Kraystȧŋ, (a kisis nu ka aboŋa);

AŋƐfisɔs 5:2

Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

1 AŋThɛsȧlonika 1:9

kotȧy-e ŋaŋ gbeŋ aŋ seri ta ȧtȧ su-e, kaŋ tɔri to naŋ nə malanɛ su-e, ɔwa to nə lafthɛ ka Kuru kəwur ka ɛrɔŋ tə kəbatho ɔKuru ukəli utəteŋ,

1 Timɔthi 1:17

Ɔwa ka-ake, ta ɔBȧy ka thəbana, ɔwe te fi, ɔwe sə te nəŋka rəfɔr, ɔKuru utempi son, ta ɔ sɔthɔ yiki yi kəkolo thȧnkȧŋ thəbana, Amina.

1 Timɔthi 3:15

Kɛrɛ bepi tȧy o tȧy tə kali kali mi-e, i yema kȧmȧ mə gbəli tȧrȧ to mə ba naŋ tə kəkɔth kətɔŋ ka kabɔr ka Kuru, pə yi mɔ-e, aŋchɔch ŋa ɔKuru ukəli aŋa yi mȧkər yi ɔtəmər wa tȧteŋ.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

AŋHibru 10:10

Ɔwa kətȧŋȧnɛ ka mȧselɔ mati a po səməs su asabu ŋa kasɔndnɛ ka ȧŋdɛr ŋa Yisɔs Krayst win haŋ thəbana.

AŋHibru 10:12

Kɛrɛ ɔfode ɔwe-e, ma ɔ po sɔŋ sathka ta ɛhakɛ win haŋ thəbana, ɔ yirȧ ka kȧta kədiɔ ka Kuru.

AŋHibru 10:2

Bepi pə yi hɛ ti-e, a gbəli hɛ naŋ tey kəwura ti-i? Pəkasifɛ bepi a po thɔŋ fethər ŋaŋ aŋa fatər win-e, ɛnanɛ yaŋ ɛ ba hɛ sɔ kəkara ŋa mȧtəlnɛ ma ɛhakɛ.

AŋHibru 10:22

maŋ fatər kɔ nu gbɛpti yi ȧmerȧ atəteŋ ka ɔlasər wa kȧlanɛ-e, rə kəba ɛmerȧ ɛ su ɛyak kəwur ka ɛnanɛ ɛləs, dɛ yi madɛr ma su məfethər rɛ mȧnt məgbəraŋ.

AŋHibru 11:21

Rə kəlanɛ Yekɔb-əŋ, ma ɔ yema fi-e, ɔ ruba aŋwuth ŋarəŋ ŋa Yosɛf; ɔwa ɔ sanɛ ka kȧtək kɔŋ rə kəbatho Kuru.

AŋHibru 13:12

Tiyȧŋ Yisɔs sɔ ɔ sɔmpanɛ rolɛŋkɛn ka aŋkobe kȧmȧ ɔ gbəli səməs aŋfəm dɛ yi mȧtir mɔŋ gbeŋ.

AŋHibru 3:12

Bumnɛ nu finɔ, awɔnt, ta thani ȧmerȧ aləs ŋa kəte lanɛ aŋ tə yi kətɔŋ ka nu, ɔwa aŋ tə yɔ nu nə bȧrȧ kəmuth ka ɔKuru ukəli.

AŋHibru 6:1

Tiyȧŋ maŋ kɔnɛ nu rodi haŋ sə po tɛŋa. Maŋ tey nu mathəksa mətɔtɔkɔ ma Kraystȧŋ; maŋ te nu kȧl bot ɔtəmər wa kȧlanɛ kȧsu ɔwe yi mɔ kəthupi kəwur ka məpanth məfi, dɛ yi kəlanɛ Kuru,

AŋHibru 7:16

ɔwe sɔthɔ rafode rɔŋ, pə yi hɛ kətȧŋȧnɛ ka ȧŋsiraŋ ŋa ȧŋthɔ, kɛrɛ ka aŋfɔsɔ ŋa aŋesəm thəbana.

AŋHibru 7:27

Ɔwe tǝ ba kəwura sathka ȧrey o rei mɔ afode alɔm, ka ɔtɔtɔkɔ ta ɛhakɛ yɔŋ, ɔwa rodarəŋ kati ta ɛhakɛ ya aŋfəm. Kotȧy-e ɔ po yɔ ti win, ma ɔ sɔndnɛ.

AŋHibru 9:12

ɔ wɔŋ win haŋ thəbana ka ɔdɛr ɔsəm thɔ bɛ, kɔ gbasi mȧtir mɔŋ gbeŋ, pə yi hɛ mȧtir ma atir dɛ yi təna təfɛth. Yaŋ ɔ sɔthɔ kakisi kəthəbana ta ȧtȧ su.

AŋHibru 9:26

kotȧy-e bepi pə yi yaŋ Krayst ɔ ba naŋ tə kəsɔndnɛ ɛlɔkɔ ɛlai kȧbi ka ɔtəpɛr wa ȧdȧru; kɛrɛ ka-ake ka ɔthalnɛ wa aŋyamana ɔ po tɔrinɛ win haŋ thəbana tə kəpons ɛhakɛ kətȧŋȧnɛ ka kasɔndnɛ kɔŋ.

AŋHibru 9:7

Kɛrɛ ka ȧŋkonko aŋa bekȧ yɛrəŋ-e, ɔfode ubana son kɔnɔ wɔŋ di win kəren o kəren, kɛrɛ ɔ wɔŋ hɛ thambe ɔ ba mətir ama mɔ sɔŋ ta aŋyɛthɛ ŋɔŋ, dɛ yi ta ɛhakɛ ya aŋfəm.

AŋHibru 9:9

Atȧy ȧte tə yi amɔl ta ȧŋlɔkɔ aŋe. Kətaŋanɛ kati a sɔŋ ɛboya yi sathka, ɛyɛ te gbəli yɔ ɔwuni ɔwe bȧtho ɔ yi ugbenthis.

1 Pitar 1:19

kɛrɛ salata mȧtir məkɛŋ ma Kraystȧŋ, mɔ kəlɔmɛ kəfɛth ɔwe te ba apora bɛ.

1 Pitar 2:22

Ɔwe yɔhɛ ahakɛ bɛ, ta a pa ras, ɔ fɔf rəyem.

1 Pitar 2:24

Kɔnɔ kati gbeŋ ɔ sara ɛhakɛ ɛ su ka ȧŋdɛr ŋɔŋ ka ȧŋpənki kȧmȧ saŋ ma sə yi sa afi ka ɛhakɛ-e, sə gbəli yi sa akəli ka mȧlompi, ɔwa a yenkəs nu ka tȧsam tɔŋ.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Pitar 4:2

kȧmȧ ɔ te sɔ yirȧ ka marey ma aŋesəm ŋɔŋ bɛ tə kəthənsər mafela ma madɛr, kɛrɛ tə kəyɔ mȧselɔ ma Kuru.

1 Yɔn 1:7

kɛrɛ bepi sə kɔth ka ȧŋmothȧ mɔ kɔnɔ ɔ yi ka ȧŋmothȧ sə ba məmanɛ ukin yi ulɔm, ɔwa mȧtir ma Yisɔs ɔWan kɔŋ mə gbərans su kəwur ka ɛhakɛ bɛ.

1 Yɔn 3:5

Ka nə tȧrȧ kəpa Krayst ɔ tɔrinɛ tə kənɔy ɛhakɛ ɛ su; ɔwa ahakɛ aŋ yi hɛ ro ŋɔŋ.

Kȧŋȧibinɛ 1:5

dɛ yi kəwur ka Yisɔs Kraystȧŋ, ɔwe yi ɔSeri ubɔthi lanɛ, ɔWan utɔtɔkɔ kəwur kətɔŋ ka aŋfi; dɛ yi ɔGbəka ka aŋbȧy bɛ nɔru. Ta kɔn ɔwe bɔthər su-e, ɔwe po bani su ka ɛhakɛ ɛ su kətȧŋȧnɛ ka mȧtir mɔŋ gbeŋ-e,