AŋHibru 8:5 - Ȧŋlemrȧnɛ Ȧfu

⁵ aŋa bȧtho kətȧŋȧnɛ ka mȧbȧlȧnɛ dɛ yi anthunthəranɛ ŋa ɔdɛr ɔsəm wa ro riyana, kotȧy-e ma Kuru ɔ tɔri Mosis ma ɔ yema bɛmpa ȧŋseth ŋa akotha-e, ɔ pa, Kəli kȧmȧ mə bɛmpa koko bɛ kətȧŋȧnɛ ka mȧbȧlȧnɛ ama i po tɔri mu ka kateŋ.

AŋHibru 8:5 ပူးပေါင်းရင်းမြစ်များ

Mathiu 2:12

Ɔwa, ma Kuruȧŋ ɔ maŋ ŋa rǝ mǝrei kȧmȧ aŋ te kȧlanɛ ka Herod-e, aŋ kȧlanɛ ka ȧŋthɔf ŋaŋ rǝ roŋ dǝlɔm.

Mȧyɔs ma aŋsom 7:44

Aŋkas a su aŋ ba agbafa ŋa məseri ro wula mɔ mə kɔnɔ ɔwe fɔfȧnɛ Mosisȧŋ ɔ bot, kȧmȧ ɔ bɛmpa ŋi mɔ amɔl aŋa ɔ nənk.

AŋKɔlɔsi 2:17

Mȧtȧy ame mə yi gbo amumpəl ŋa mȧtȧy ama ba kəder, kɛrɛ ȧŋdɛr gbeŋ aŋ yi ka Kraystȧŋ.

AŋHibru 10:1

Te ba ti kȧbi ȧŋthɔ aŋ ba gbo ȧŋmumpəl ŋa mȧtȧy məfinɔ ama ba kəder-e, beta aŋ ba mȧtȧy mati məgbenthis-e, aŋ gbəli hɛ yɔ kȧmȧ thȧnkȧŋ asathka ȧtȧ a sɔŋ kəren o kəren tə gbenthis ŋaŋ aŋa fatər.

AŋHibru 11:7

Rə kəlanɛ Now, ma Kuru ɔ maŋ kɔ salata mȧtȧy ama ɔ te tha nəŋk-e, ɔ su ɛləns, kɔ bɛmpa abil tə kəkisis rȧkomra rɔŋ; ɔwa di kati ɔ sɔŋ ȧdȧru mətheri, kɔ sɔthɔ mȧlompi ama yi ka kəlanɛ.

AŋHibru 12:25

Bumnɛ nu kȧmȧ nə te pɛnsa ɔwe mə fɔf. Kotȧy-e bepi aŋbȧki a su aŋ pamp hɛ kəwur ka anthalər maŋ pɛnsa kɔn ɔwe fɔf nɔru-e, to saŋ mə sə gbəli kisi bepi sə su hɛ kɔ ɛləns ɔwe fɔf kəwur ro riyana-e?

AŋHibru 13:10

Saŋ sə ba abɛsɛ ro ŋaŋ aŋa yɔ mapanth ma ȧŋseth ŋa akotha ŋa aŋYuda aŋ te ba mamari tə kədi.

AŋHibru 9:9

Atȧy ȧte tə yi amɔl ta ȧŋlɔkɔ aŋe. Kətaŋanɛ kati a sɔŋ ɛboya yi sathka, ɛyɛ te gbəli yɔ ɔwuni ɔwe bȧtho ɔ yi ugbenthis.

Kȧŋȧibinɛ 15:5

Rodarəŋ kati i kəli, ka a kanthi kadare ka ȧŋseth ŋa ɔdɛr ɔsəm wa maseri ro riyana.