AŋHibru 7:27 - Ȧŋlemrȧnɛ Ȧfu

²⁷ Ɔwe tǝ ba kəwura sathka ȧrey o rei mɔ afode alɔm, ka ɔtɔtɔkɔ ta ɛhakɛ yɔŋ, ɔwa rodarəŋ kati ta ɛhakɛ ya aŋfəm. Kotȧy-e ɔ po yɔ ti win, ma ɔ sɔndnɛ.

AŋHibru 7:27 ပူးပေါင်းရင်းမြစ်များ

AŋRomans 6:10

kotȧy-e rafi ara ɔ fi-e, rə yi rəfi ta ahakɛ win ta thəbana, kɛrɛ aŋesəm aŋa ɔ ba thɔŋ-e, ɔ ba ŋi ta salata Kuru.

AŋƐfisɔs 2:22

Kətȧŋ do rɔŋɔŋ naŋ sɔ a kȧl seth nu dɛr ɔkin kȧmȧ nə yi dɛr ɔyiya wa ȧŋyina ŋa Kuru.

AŋƐfisɔs 5:2

Kɔth nu ka məbɔthər mɔ Krayst sɔ ɔ po bɔthər su, kɔ sɔndnɛ ta ȧtȧ su sathka dɛ yi aboya ŋa abɔnt afɔlfɔl ka Kuru.

Taytɔs 2:14

Ɔwe sɔndnɛ ta ȧtȧ su kȧmȧ ɔ gbəli bani su kəwur ka mȧkənȧ bɛ-e, dɛ yi tə kəfethər aŋfəm ŋɔŋ gbeŋ aŋa yi ayasyas tə kəyɔ məyɔs məfinɔ.

AŋHibru 5:1

kotȧy-e ufode o fode bɛ ɔwe a thith kətɔŋ ka aŋfəm-e, a bot kɔ tə kətəma ta aŋfəm ka mȧtȧy ma Kuru, kȧmȧ ɔ sɔŋ ɛboya dɛ yi kȧmȧ ɔ wurɔ ɛsathka ta ɛhakɛ.

AŋHibru 5:3

Kɛrɛ ta ȧŋsabu aŋe gbeŋ ɔ ba tə kəwura asathka ta ɛhakɛ yɔŋ sɔ, hali mɔ mɔ yɔ ta ɛya aŋfəm.

AŋHibru 8:4

Bepi ɔ yi ras nɔru-e, ɔ gbəli hɛ yi naŋ ufode bɛ-e, pəkasifɛ afode alɔm aŋ yi aŋa sɔŋ ɛboya kətȧŋȧnɛ ka ȧŋthɔ;

AŋHibru 9:12

ɔ wɔŋ win haŋ thəbana ka ɔdɛr ɔsəm thɔ bɛ, kɔ gbasi mȧtir mɔŋ gbeŋ, pə yi hɛ mȧtir ma atir dɛ yi təna təfɛth. Yaŋ ɔ sɔthɔ kakisi kəthəbana ta ȧtȧ su.

AŋHibru 9:14

pə tha gbethi mȧtir ma Kraystȧŋ ɔwe sɔndnɛ ugbəraŋ ka Kuru kətȧŋȧnɛ ka ɔYina uthəbana-e, mə gbəli fethər ɛmerȧ ɛ nu kəwur ka məyɔs məfi kəkɔ ka kəbatho ɔKuru ukəli.

AŋHibru 9:25

Ɔwa ɔ wɔŋ hɛ ri kȧmȧ ɔ sɔndnɛ katkat, mɔ mȧ ɔfode ubana mɔ wɔŋ ka ɔdɛr ɔsəm thɔ bɛ kəren o kəren yi mȧtir ama te yi amɔŋ.

AŋHibru 9:26

kotȧy-e bepi pə yi yaŋ Krayst ɔ ba naŋ tə kəsɔndnɛ ɛlɔkɔ ɛlai kȧbi ka ɔtəpɛr wa ȧdȧru; kɛrɛ ka-ake ka ɔthalnɛ wa aŋyamana ɔ po tɔrinɛ win haŋ thəbana tə kəpons ɛhakɛ kətȧŋȧnɛ ka kasɔndnɛ kɔŋ.

AŋHibru 9:28

Ya pə yi sɔ-e, Krayst ɔ po sɔndnɛ win tə kəsara ɛhakɛ ya afəm agbȧthi; ɔwa ɔ tə kȧl tɔrinɛ kȧbeka mȧrəŋ, pə yi hɛ salata ɛhakɛ, kɛrɛ tə kəkisis ŋaŋ aŋa mə kəlianɛ ta atɔŋ.

AŋHibru 9:7

Kɛrɛ ka ȧŋkonko aŋa bekȧ yɛrəŋ-e, ɔfode ubana son kɔnɔ wɔŋ di win kəren o kəren, kɛrɛ ɔ wɔŋ hɛ thambe ɔ ba mətir ama mɔ sɔŋ ta aŋyɛthɛ ŋɔŋ, dɛ yi ta ɛhakɛ ya aŋfəm.