AŋHibru 7:24 - Ȧŋlemrȧnɛ Ȧfu

²⁴ Kɛrɛ ɔwuni ɔwe-e, ɔ wop rafode rɔŋ thȧnkȧŋ thəbana, pəkasifɛ ɔ yi ta thȧnkȧŋ thəbana.

AŋHibru 7:24 ပူးပေါင်းရင်းမြစ်များ

Yɔn 12:34

Ka ȧruniya rə pa, Sə po təl ka ȧŋthɔ kəpa Kraystȧŋ ɔ tiyȧ thəbana: ɔwa to munɔŋ mə pa, A ba kəŋata ɔWan ka wuni-e? Kanɛ yi ɔWan ka wuni ɔwe-e?

AŋRomans 6:9

Sə tȧrȧ kəpa ma Krayst ɔ kȧl yokanɛ kətɔŋ ka aŋfi-e, ɔ fi hɛ sɔ thȧnkȧŋ. Rȧfi rə gbəli hɛ sɔ gbəka kɔ.

AŋRomans 9:5

Ŋa ba aŋkas, ɔwa ŋa ba sɔ ɔKrayst kətȧŋȧnɛ ka rawuni kəpet, ɔwe yi rokɔm ka bɛ, uruba wɔŋ ka Kuru thəbana. Amina.

AŋHibru 13:8

Yisɔs Krayst ɔ yi mɔlɔ min dis, yi thonɔŋ haŋ thȧnkȧŋ thəbana.

AŋHibru 7:28

Tə tɛntɛnɛ ȧŋthɔ aŋ tə thith wuni kəpet ka rayay rɔŋ tə kəyi ɔfode ubana-e, kɛrɛ ȧrim ra aŋgbiŋ, ara der rodarəŋ ka ȧŋthɔ rə thith ɔWan ɔwe yi ugbenthis thȧnkȧŋ thəbana.

Kȧŋȧibinɛ 1:18

Minɛ yi ɔKəli thȧbana; i po fi, kɛrɛ kəla i kȧl po ba aŋesəm haŋ thəbana, Amina. Minɛ i ba masapɔ ma ro kərəfi dɛ yi rȧfi.