AŋHibru 7:19 - Ȧŋlemrȧnɛ Ȧfu

¹⁹ (kotȧy-e ȧŋthɔ aŋ səki hɛ koko rəgbenthis). Kɛrɛ ka ȧŋgbȧp alɔm a sɔŋ su kəgbak ȧmerȧ kəfisa, ɔwa kətȧŋȧnɛ kati sə gbəli fatər Kuru.

AŋHibru 7:19 ပူးပေါင်းရင်းမြစ်များ

Yɔn 1:17

Ȧtesoma-e Mosisȧŋ kɔnɔ sɔŋ ȧŋthɔ; kɛrɛ ȧŋboŋa yi tȧteŋ ɛ der ka kȧta ka Yisɔs Krayst.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Mȧyɔs ma aŋsom 13:39

ɔwa ka kȧta kɔŋ wuni o wuni ɔwe lanɛ ɔ sɔthɔ məmari ka mȧtȧy bɛ-e, ka ama nə te gbəli sɔthɔ məmari ka ȧŋthɔ ŋa Mosis.

AŋRomans 5:2

ka ɔwe sə sɔthɔ roŋ rə kəlanɛ ka ȧŋboŋa ŋa Kuru ro sə təmȧ. Ɔwa ta pə bɔnɛ su salata kagbak ȧmerȧ ka aŋyiki ŋa Kuru.

AŋRomans 7:7

To mə sə pa thɔŋ ta ti-a? Ȧŋthɔ aŋ yi tȧy tələs-i? Saki ti. Bepi pə yi hɛ naŋ ka anthɔ-e, i gbəli hɛ tȧrȧ naŋ ahakɛ; kotȧy-e bepi ȧŋthɔ aŋ la hɛ naŋ pa, Te ba amilɛ salata ɛyɛt ya wuni lɔm-e, i gbəli hɛ naŋ tȧrȧ to amilɛ aŋ yi.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

AŋKȧletia 2:16

ma pə yi sə tȧrȧ kəpa wuni kəpet ɔ sɔthɔ hɛ məmari salata mȧyɔs ma ȧŋthɔ, thambe ka kȧlanɛ ka Yisɔs Krayst, tiyȧŋ hali saŋ sə po lanɛ Yisɔs Krayst kȧmȧ sə sɔthɔ məmari ka kȧlanɛ ka Krayst, pə yi hɛ ka mȧyɔs ma ȧŋthɔ. Pəkasifɛ ka mȧyɔs ma anthɔ-e, wuni o wuni ɔ gbəli hɛ sɔthɔ məmari.

AŋKȧletia 3:21

Di kati-e, ȧŋthɔ aŋ tim ɛlahiri ya Kuru-i? Saki ti; kotȧy-e bepi a poŋ sɔŋ athɔ aŋa gbəli kəlis-e, tə tɛntɛnɛ məlompi mə tə yi ka ȧŋthɔ.

AŋKȧletia 3:24

Tiyȧŋ ȧŋthɔ aŋ yi ɔkarmɔkɔ kȧsu tə kəkara su ka Kraystȧŋ, kȧmȧ sə sɔthɔ məmari asabu ŋa kəlanɛ.

AŋƐfisɔs 3:12

Ɔwa sə ba kəmintha dɛ yi aroŋ ra kȧwɔŋ-e rə kəpələnɛ ŋa kȧlanɛ kȧsu do rɔŋɔŋ.

AŋKɔlɔsi 1:27

Pə bɔnɛs Kuru sɔ tə kətɔri ŋa rayola ra aŋyiki ŋa aŋgbundu aŋe kətɔŋ ka tȧbona təlɔm; aŋa mə yi Krayst rokor ka nu, kagbak ȧmerȧ ka ayiki.

1 Timɔthi 1:1

Pɔlȧŋ ɔsom ka Yisɔs Krayst asabu ŋa aŋyamari ŋa Kuru ɔKisis kȧsu, yi ɔMarki Yisɔs Krayst, ɔwe yi ɔgbak ȧmerȧ kȧsu;

AŋHibru 10:1

Te ba ti kȧbi ȧŋthɔ aŋ ba gbo ȧŋmumpəl ŋa mȧtȧy məfinɔ ama ba kəder-e, beta aŋ ba mȧtȧy mati məgbenthis-e, aŋ gbəli hɛ yɔ kȧmȧ thȧnkȧŋ asathka ȧtȧ a sɔŋ kəren o kəren tə gbenthis ŋaŋ aŋa fatər.

AŋHibru 11:40

Pəkasifɛ Kuru ɔ po nanɛ tȧy təfisa ta ȧtȧ su-e, kȧmȧ pə te yi naŋ a səki ŋa agbenthis kətei su rodarəŋ.

AŋHibru 11:6

Kɛrɛ rə kəte ba kəlanɛ sə gbəli hɛ bɔnɛs Kuru, kotȧy-e ɔwuni ɔwe fatər Kuru-e, thambe ɔ lanɛ kəpa Kuru ɔ yi-e, ɔwa sɔ-e, ɔ tə kȧl rȧm ŋaŋ aŋa thɛns kɔ tə tɛntɛnɛ.

AŋHibru 3:6

kɛrɛ Krayst ɔ yi ubɔthi lanɛ ka ȧŋseth ŋa Kuru mɔ uwan. Ɔwa saŋ sə yi ȧŋseth ŋɔŋ, bepi sə wop kapələnɛ dɛ yi mabɔnɛ ma kagbak ȧmerȧ kȧsu ɔbaksər haŋ ka ɔləpsɔ.

AŋHibru 4:16

Tiyȧŋ maŋ der nu yi təbuth təbaki ka kawaŋ ka rȧbȧy ra ȧŋboŋa-e, kȧmȧ sə gbəli sɔthɔ ȧney, dɛ yi kəmar ka ȧŋlɔkɔ ŋa kapaŋ kȧsu.

AŋHibru 6:18

kȧmȧ ka mȧtay mȧrəŋ ama te gbəli siŋkar, ro pə yi ɔfɔy hɛ tȧy ta Kuru tə kəyema-e, saŋ aŋa po thɔŋ gbukɛ ka ɔdɛr ɔmaŋknɛ tə kəwop kagbak ȧmerȧ ȧke a bot rodi ka su-e, sə gbəli ba kəbȧkəs kəbuth kəfinɔ.

AŋHibru 7:11

Tiyȧŋ bepi pə yi kəgbenthis kə la yi naŋ ka rafode ra Libay-e, ro pə yi aŋfəm aŋ sɔthɔ ȧŋthɔ, to pə som ufode ulɔm ɔ ba tə kəder ka kagbanth ka Mɛlkisidɛk beta ka kagbanth ka Erɔn-e?

AŋHibru 7:20

Ɔwa a bȧksər rafode rəfu rati rə agbiŋ,

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

AŋHibru 8:6

Kɛrɛ ka-ake kayɔna ȧke Krayst ɔ po sɔthɔ kia tha yi kəfinɔ, kotȧy-e ɔ yi ukasa ka aŋlemranɛ afisa-e, aŋa təmȧ rokɔm ka ɛlahiri ɛfisa.

AŋHibru 9:9

Atȧy ȧte tə yi amɔl ta ȧŋlɔkɔ aŋe. Kətaŋanɛ kati a sɔŋ ɛboya yi sathka, ɛyɛ te gbəli yɔ ɔwuni ɔwe bȧtho ɔ yi ugbenthis.

Yeməs 4:8

Fȧtər Kuru, ɔwa ɔ tə fatər nu, gbərans mȧta ma nu naŋ afəm ŋa ahakɛ; fethər ɛmerȧ ɛ nu naŋ aŋa ba ɛmerȧ ɛfəlɛ fəlɛ.