AŋHibru 6:20 - Ȧŋlemrȧnɛ Ȧfu

²⁰ Ro Yisɔs ɔ po thas mɔ ɔTəma kədi ta ȧtȧ su, ma ɔ səkɛ ufode ubana ka kagbanth ka Mɛlkisidɛk thȧnkȧŋ thəbana.

AŋHibru 6:20 ပူးပေါင်းရင်းမြစ်များ

AŋRomans 8:34

Kanɛ yi tə kəsɔŋ ŋa mətheri-e? Pə yi Krayst Yisɔs ɔwe fi, aŋko, ɔwe kȧl yokanɛ ka rəfi, ɔwe yi thɔŋ ka kȧdiyɔ ka Kuru, ro mɔ nɛmthɛnɛ ta ȧtȧ su.

AŋƐfisɔs 1:3

Sə ruba Kuru Məsaba ɔKas ka ɔMarki kȧsu Yisɔs Krayst ɔwe po ruba su rɛ yi ɛruba ɛyɛ ro Yina bɛ ka ɔyira wa riyana rokor ka Krayst.

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

AŋHibru 12:2

Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.

AŋHibru 2:10

Ɔwa kɔnɔ ta ɔwe ɛyɛt bɛ ɛ yi, dɛ ɔwe mə bȧksər mȧtȧy bɛ-e, ma ɔ kȧrȧ awuth agbȧthi ka ayiki-e, pə yi ɔlompi kama-e ɔ gbenthis ɔTəpi wa kakisi ka ŋaŋ kətȧŋȧnɛ ka kənakasi.

AŋHibru 2:17

Tiyȧŋ pə yi ɔlompi kȧmȧ a yɔ kɔ mɔ aŋwɔnt ŋɔŋ rə koko bɛ, kȧmȧ ɔ gbəli yi ufode ɔwe ba ȧney, ubɔthi lanɛ ka mȧtȧy ma Kuru, kȧmȧ ɔ gbəli nɛmthɛnɛ ta ɛhakɛ ya aŋfəm.

AŋHibru 3:1

Te ba ti, awɔnt asəm, ayeranɛ ka katela ka ro riana-e, kala ȧmerȧ ka Yisɔs Krayst, ɔwe yi mɔ ɔSom dɛ yi ɔFode ubana ka kȧlanɛ kȧsu.

AŋHibru 4:14

Ɔwa, ma sə ba ufode ubana ɔwe po gbəkinɛ ȧŋriyana gbeŋ, pə yi mɔ Yisɔsȧŋ, ɔWan ka Kuru-e, maŋ wop nu maseri ma su gbaŋ,

AŋHibru 5:10

Kotȧy-e Kuru gbeŋ ɔ tela kɔ ufode ubana kətȧŋȧnɛ ka rafode ra Mɛlkisidɛk.

AŋHibru 5:6

Mɔ mɔ pa sɔ ka ɔdɛr ɔlɔm, Munɔ mə yi ufode ta thəbana mɔ Mɛlkisidɛk.

AŋHibru 8:1

Ɔwa aŋkolo ŋa mȧtȧy ama sə po fɔfȧnɛ, ŋi aŋe; sə ba ufode ubana ɔwe po yirȧ ka kȧdiyɔ ka kawaŋ ka rȧbȧy ra ɔKuru ka ayiki ro riyana.

AŋHibru 9:12

ɔ wɔŋ win haŋ thəbana ka ɔdɛr ɔsəm thɔ bɛ, kɔ gbasi mȧtir mɔŋ gbeŋ, pə yi hɛ mȧtir ma atir dɛ yi təna təfɛth. Yaŋ ɔ sɔthɔ kakisi kəthəbana ta ȧtȧ su.

AŋHibru 9:24

kotȧy-e Krayst ɔ wɔŋ hɛ rə ɔdɛr ɔsəm thɔ bɛ ɔwe wuni ɔ bɛmpa, ɔwe yi gbo mȧbȧlȧnɛ ma tȧteŋ; kɛrɛ ɔ po wɔŋ ro riyana gbeŋ tə kətɔrinɛ ka kȧbəprȧnɛ ka Kuru ta ȧtȧ su.

1 Pitar 3:22

ɔwe po kɔnɛ ro riyana, kɔ yi ka kȧdiyɔ ka Kuru; ɔwa amaleka-o, ɛfɔsɔ-o, yi təbomp bɛ aŋ sanɛ thɔŋ ro rɔŋɔŋ.

1 Yɔn 2:12

I gbalər nu, awuth a mi alɔl, pəkasifɛ a po tera nu ɛhakɛ ɛ nu salata ȧŋes ŋɔŋ.