AŋHibru 2:9 - Ȧŋlemrȧnɛ Ȧfu

⁹ Kɛrɛ sə nənk kɔn ɔwe a bɛmpa roratha ka aŋmȧleka ta alɔkɔ agbut, hali Yisɔs, ɔwa a pɔlɔ kɔ ka-ake rə ayiki abana asabu ŋa anakasi ŋa rəfi, kȧmȧ pə re yi ka ȧŋboŋa ŋa Kuru-e, ɔ gbəli tham rəfi ta wuni o wuni.

AŋHibru 2:9 ပူးပေါင်းရင်းမြစ်များ

Mathiu 16:28

Tɛntɛnɛ i kanɛ nu, alɔm aŋ tǝma nɔ aŋa te ba kǝnǝŋk rǝfi, haŋ aŋ nənk ɔWan ka wuni ɔ der ka rȧbȧy rɔŋ.

Mathiu 6:28

Ɔwa kɔyɛŋ nǝ ba asoli ta yɛt ɛloprȧ-e? Tȧmtȧmnɛ tȧyaba ta ro lal ma mǝ tǝ lɔkɔ; tǝ yɔ hɛ mǝpanth, tǝ sǝrǝm hɛ,

Mark 9:1

kɔ pa ro ŋaŋ, Tə tɛntɛnɛ i kanɛ nu, alɔm aŋ təmȧ nɔ aŋa ba hɛ kəfi haŋ aŋ nənk rȧbȧy ra Kuru rə der yi afɔsɔ.

Luk 9:27

Kɛrɛ i kanɛ nu təteŋ, afəm alɔm aŋ təmȧ nɔ, aŋ ba hɛ kətham rəfi haŋ aŋ nənk rȧbȧy ra Kuru.

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 10:17

Tȧsom ɔKas ɔ bɔthər mi, pəkasifɛ i sɔnd aŋesəm a mi, kȧmȧ i kȧl gbasi ŋi.

Yɔn 12:32

Ɔwa minɛŋ, bepi a ŋata mi kəwur ka ȧŋthɔf i ti liŋ aŋfəm bɛ ro rɔmi.

Yɔn 3:16

Ȧtesoma-e ya Kurɔŋ ɔ bɔthər ȧdȧru, haŋ ɔ sɔnd ɔWan kɔŋ ɔ kom gbo son, kȧmȧ wuni o wuni ɔwe lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

Yɔn 8:51

I kanɛ nu tɛntɛnɛ, Bepi wuni ɔ wop ȧrim ra mi, ɔ nənk hɛ rafi thəbana.

Yɔn 8:52

AŋYuda aŋ pa, Ka-ake sə tȧrȧ kəpa mə ba ukərəfi. Ebraham-əŋ ɔ po fi, yi Aŋnȧbi: kɛrɛ munɔ mə pa, Bepi wuni ɔ wop ȧrim ra mi, rəfi rə wop hɛ kɔ thəbana.

Mȧyɔs ma aŋsom 2:33

Tiyȧŋ ma a po ŋata kɔ ka kȧta kədiɔ ka Kuru-e, ɔwa ma ɔ po sɔthɔ ka ɔKas aŋlahiri ŋa ɔYina məsəm-e, ɔ po kus ame, ama nə nənk, ɔwa ama nə təl.

Mȧyɔs ma aŋsom 3:13

ƆKuru ka Ebraham-əŋ, ɔka Aysakȧŋ yi ɔka Yekɔb-əŋ, ɔKuru ka aŋkas a su, kɔnɔ ɔ po yikis ȧŋbɔy ŋɔŋ Yisɔsȧŋ ɔwe naŋ nə lȧnki, ɔwa nə pɛnsa ro der kədi ka Paylet, ma ɔ nanɛ naŋ tə kəter kɔ.

AŋRomans 5:18

Di kati, ma aŋhakɛ ŋa ukin aŋ kȧrȧ mətheri ka afəm bɛ; yaŋ sɔ mȧlompi ma ukin mə kȧrȧ məmari dɛ yi aŋesəm ka afəm bɛ.

AŋRomans 5:8

Kɛrɛ Kuru ɔ tɔri mabɔthər mɔŋ ro rɔsu, pəkasifɛ ma sə yi ras afəm ŋa ahakɛ-e, Krayst ɔ fi ta ȧtȧ su.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

AŋRomans 8:32

Bepi Kuru ɔ pɛnsa hɛ tə kəsɔnd ɔWan kɔŋ ta ȧtȧ su-e, ɔ gbəli hɛ sɔ selɔ tə kəsɔŋ su mȧtȧy bɛ yi kɔn-i?

2 AŋKɔrenth 5:15

Ɔwa ɔ po thɔŋ fi salata ŋa bɛ kȧmȧ aŋkəli aŋ te sɔ yi ta ɛyɛthɛ yaŋ, kɛrɛ ta kɔn ɔwe po fi ta ȧtȧ ŋaŋ, ɔwe yokanɛ sɔ.

2 AŋKɔrenth 5:21

kotȧy-e ta ȧtȧ su a səki kɔ ahakɛ, pə yi mɔ kɔn ɔwe te la tȧrȧ ahakɛ bɛ; kȧmȧ saŋ sə gbəli səkɛ mȧlompi ma Kuru rokor kɔŋ.

AŋKȧletia 4:4

kɛrɛ ma ɔlasər wa ȧŋlɔkɔ aŋ poŋ bek-e, Kuru ɔ som ɔWan kɔŋ ɔwe wuni bom ɔ kom-e, ɔwa a kȧl kom kɔ ka ȧŋthɔ ratha-e,

1 Timɔthi 2:6

ɔwe sɔndnɛ tə kəbani afəm bɛ, ka a seri ti ma ȧŋlɔkɔ ŋati aŋ bek.

AŋHibru 1:9

Mə bɔthər məlompi, ɔwa mə gbɛŋa mələs, Tiyȧŋ Kuru, hali ɔKuru ka mu, ɔ po sop mu ȧmȧro ma məbɔnɛ pəthasi aŋkos mu.

AŋHibru 10:5

Tiyȧŋ ma ɔ der ka ȧdȧru, ɔ pa, Sathka dɛ yi aboya mə fela hɛ, Kɛrɛ mə bɛnɛnɛ adɛr ta ȧtȧ mi.

AŋHibru 11:5

Rə kəlanɛ a sɛmpi Inɔk ka ȧdȧru kȧmȧ ɔ te nənk rəfi; ɔwa a nənk hɛ kɔ sɔ pəkasifɛ Kuru kɔnɔ poŋ gbasi kɔ; ɔwa yeŋka ɔ gbasi kɔ-e, ɔ ba maseri kəpa ɔ bɔnɛs Kuru finɔ.

AŋHibru 12:2

Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.

AŋHibru 2:7

Munɔ mə po bɛmpa kɔ-e roratha ka aŋmȧleka ta alɔkɔ agbut, Mə po pɔlɔ kɔ yi ayiki dɛ yi alambe, Ɔwa mə təmər kɔ rokɔm ka mapanth ma mȧta ma mu bɛ.

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

AŋHibru 8:3

kotȧy-e a thith ufode o fode ubana tə kəsɔŋ ɛboya dɛ yi sathka; tiyȧŋ ɔfode ubana ɔwe, thambe kɔnɔ sɔ ɔ ba ara ɔ gbəli sɔŋ.

1 Pitar 1:21

Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

1 Yɔn 2:2

ɔwa kɔnɔ yi asathka tə kəsɔŋ anɛmthɛnɛ ta ɛhakɛ ɛ su: ɔwa pə yi hɛ gbo ta ɛyɛ su, kɛrɛ ta ɛhakɛ ya ȧdȧru bɛ.

Kȧŋȧibinɛ 19:12

Ɛfɔr yɔŋ ɛ yi mɔ nȧnt nəmara, dɛ yi ka rȧbomp rɔŋ ɔ ba ɛniɔ ɛgbathi; kɔ ba thɔŋ ŋes aŋa a gbal-e, kɛrɛ wuni o wuni ɔ tɛ hɛ ŋi thambe kɔn son.

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.